Kigali: Umwana utaramenyekana yasanzwe yapfuye

Chief Editor | 26-09-2016
Kigali: Umwana utaramenyekana yasanzwe yapfuye

SP Hitayezu Emmanuel, umuvugizi wa Polisi mu mujyi wa Kigali

Mu gitondo cyo kuri uyu wa Mbere tariki 26 Nzeri 2016, umurambo w’umwana utaramenyekana wasanzwe mu mugezi uri hafi yo mu Rugunga mu mujyi wa Kigali, kugeza ubu imyirondoro ye n’icyamwishe bikaba bitaramenyekana.

Ibi byemejwe na SP Hitayezu Emmanuel, umuvugizi wa Polisi y’u Rwanda mu mujyi wa Kigali, watangarije ikinyamakuru Ukwezi.com ko uyu murambo w’umwana wabonetse mu mugezi utandukanya akarere ka Kicukiro n’aka Nyarugenge.

SP Hitayezu avuga ko uyu mwana hataramenyekana amazina ye cyangwa indi myirondoro ye, icyamuhitanye nacyo kikaba kitaramenyekana. Kugeza ubu umurambo woherejwe ku bitaro bya Kacyiru kugirango ukorerwe isuzuma, iperereza naryo rikaba rikomeje.

KANDA HANO UREBE VIDEOS UTASANGA AHANDI