konka coffee
KONKA

AMAKURU

UKWEZI

Kwica umuntu bakamukuramo amaso, kumutwika ... Ubushinyaguzi bwadutse i Rwanda

Kwica umuntu bakamukuramo amaso, kumutwika ... Ubushinyaguzi bwadutse i Rwanda
31-05-2016 saa 12:10' | By Chief Editor | Yasomwe n'abantu 11554 | Ibitekerezo 10

Uyu ni umwana uheruka kwicwa, agatwikwa akanashyirwa super glue ku munwa

U Rwanda ni igihugu gifite umutekano n’ubwo ari n’igihugu kirimo abagizi ba nabi nk’uko nta gihugu batabamo ku isi. Hari ubwicanyi bujya bugaragara mu gihugu, akenshi ugasanga bwakomotse ku rugomo rusanzwe cyangwa ku bujura bwitwaje intwaro, ariko muri iyi minsi hagaragaye ubugome ndengakamere, burimo ubwicanyi n’ubushinyaguzi.

Ku Cyumweru tariki 22 Gicurasi 2016, umusore w’imyaka 20 witwaga Byusa Yassin yishwe n’abantu bataramenyekana kugeza ubu, nyuma yo kumwica n’umurambo we ukaba waratwitswe cyane ndetse banamushyira supaguru (Super Glue) bigaragara ko yicanywe ubugome n’agashinyaguro. Ibi byabereye mu karere ka Ruhango mu Ntara y’Amajyepfo.

Uyu musore w’imyaka 20 witwa Byusa Yassin, yigaga mu mwaka wa gatandatu w’amashuri yisumbuye mu kigo cya G.S Indangaburezi cyo muri aka karere ka Ruhango aho yigaga mu ishami ry’amashanyarazi. Umurambo we wasanzwe hafi y’ibiro by’akagari ka Munini mu murenge wa Ruhango wo muri aka karere ka Ruhango.

Urundi rupfu rwabonetsemo ubushinyaguzi, ni ubwo mu kagari ka Kamatamu ko mu murenge wa Jabana mu karere ka Gasabo ho mu mujyi wa Kigali, aho mu gitondo cyo ku Cyumweru tariki 29 Gicurasi 2016, habonetse umurambo w’umugore wishwe bigaragara ko yanakuwemo amaso.

Uyu mugore wishwe yitwa Mukabideli Vestine, akaba yarasanzwe mu nzu ye bigaragara ko hashize nk’iminsi itatu yishwe, ndetse bakaba barasanze bigaragara ko abamwishe banamukuyemo amaso, nabyo bigaragara ko ari ubugome bwo gushinyagurira umurambo.

Nk’uko bigaragara, hari n’ubundi bwicanyi bwagiye buba ariko ubu bwavuzwe haruguru nibwo bugaragaramo ubugome bukabije n’ubushinyaguzi, bityo inzego z’ibanze n’iz’umutekano bakaba bakwiye gufata ingamba zihamye zizakumira zikanahangana n’ubu bugome ndengakamere


Tanga Igitekerezo
Ibitekerezo 10
rugira Kuya 14-02-2017

ntago ari byo

â ¤

enjo Kuya 20-06-2016

ibyahanuwe bimaze gusohora igisigaye nukwezubugingo gsa abantu bamaze kubababi gsa imana izibyoyo imamikwakire

kwizera Kuya 4-06-2016

gusa ntibikabatungure anado ys muntu abadha kubika ishusho yabonye bwa nyuma mwihangane abicwa gutyo ni yo baba batinya mu bu camanza!@

ngirimana Kuya 1-06-2016

sibo bakuyeho igihano cyurupfu njy mbona cyagaruka rwose kko ntiho byashir ibyubwicanyi kuko nubundi arakwic akavuga ko nibamufata azafungwa bakamukatir akavamo woe ukabora yigaramiye. reta igomb gufat izo ngamba ikarusubizaho naho ubundi kwica bagize ibintu bisanzwe

mihigo danny Kuya 1-06-2016

ntamutekano uri kumipaka yu Rwandan, interahamwe zinjira zigasohoka uko zishatse, akaza akubwirako ashaka akazi iwabo ari kukibuye gikongoro...... kiriwe kwica umuntu akisubirira nyiragongo ntagihombo,. abaturage nitwe twagafashe iyambere tukareka kigambanira igihugu twikora munda. Nta munyarwanda urubayemo imyaka Byibuze 10 wakwica umuntu murubwo buryo

mihigo danny Kuya 1-06-2016

ntamutekano uri kumipaka yu Rwandan, interahamwe zinjira zigasohoka uko zishatse, akaza akubwirako ashaka akazi iwabo ari kukibuye gikongoro...... kiriwe kwica umuntu akisubirira nyiragongo ntagihombo,. abaturage nitwe twagafashe iyambere tukareka kigambanira igihugu twikora munda. Nta munyarwanda urubayemo imyaka Byibuze 10 wakwica umuntu murubwo buryo

habimana aloys Kuya 1-06-2016

nukuri ako nagashinyaguro gakabije inzego zishinzwe umutekano nizihige abobagizi banabi bahanwe kuko birakabije

Pascal Kuya 1-06-2016

Ariko Mana! Waje ukarangiza iyi si ko yatubereye mbi koko! Nkuyu mwana azize iki?

paul Kuya 1-06-2016

Hamulabi laws<eye for eye.teeth for teeth>ababantu bafashwe niko byakagenze. Mana tabara abatuyisi yawe!!

FRANCOISE Kuya 31-05-2016

Ibi noneho birarenze!police nibahige bubi nabwiza

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA