Mu mihango yo kumushyingura, Col Willy Bagabe yashimiwe ubutwari bwamuranze

Chief Editor | 13-06-2016
Mu mihango yo kumushyingura, Col Willy Bagabe yashimiwe ubutwari bwamuranze

Ubuyobozi bw’igisirikare cy’u Rwanda, inshuti n’abavandimwe ba nyakwigendera Col Willy Bagabe, bahuriye mu muhango wo kumuherekeza no kumushyingura tariki 11 Kamena 2016, umuhango warimo n’umugaba mukuru w’ingabo z’u Rwanda washimye cyane ubutwari bwa nyakwigendera.

Col Willy Bagabe, yatabarutse tariki 3 Kamena 2016, ubwo yari mu gihugu cy’u Buhinde aho yari yaragiye kwivuza. Gen Patrick Nyamvumba, umugaba mukuru w’ingabo z’u Rwanda, yihanganishije abo mu muryango we barimo umufasha we n’abana, asobanura ko n’Ingabo z’u Rwanda zababajwe no kubura umuntu w’ingirakamaro wagize uruhare mu kubohora u Rwanda.

Gen Patrick Nyamvumba kandi yashimiye abantu bose mu byiciro bitandukanye bakoze ibishoboka byose ngo barokore ubuzima bwa Col Willy Bagabe. Yagize ati: "Nk’abantu, ibyashobokaga byose twarabikoze ngo Bagabe akomeze kubaho, ariko ku bw’amahirwe macye aratabaruka, tugomba kwemera umupaka wacu mu bijyanye no kugena iby’urupfu n’ubuzima."

Imihango yo guherekeza no gushyingura Col Willy Bagabe, yatangiriye mu rugo iwe ku Kicukiro, ikomereza mu rusengero rwa Christian Life Assembly rwa Nyarutarama ahavugiwe amasengesho yo kumusabira, hanyuma iyi mihango isorezwa ku irimbi rya gisirikare riri i Kanombe aho yashyinguwe.

KANDA HANO UREBE VIDEOS UTASANGA AHANDI