AMAKURU

UKWEZI

Ngoma: Gitifu yaguwe gitumo arimo kururutsa ibendera mu gicuku, ajya kurihisha iwe

Ngoma: Gitifu yaguwe gitumo arimo kururutsa ibendera mu gicuku, ajya kurihisha iwe
12-07-2016 | By Chief Editor | Yasomwe n'abantu 5283 | Ibitekerezo 4

Habiyaremye Joseph usanzwe ari umunyamabanga Nshingwabikorwa w’akagari ka Gituza mu Murenge wa Rukumberi mu Karere ka Ngoma, mu gitondo cyo kuri uyu wa Kabiri tariki 12 Nyakanga yatawe muri yombi na Polisi y’u Rwanda, nyuma yo gufatwa n’abanyerondo yururutsa ibendera ry’igihugu mu masaha y’igicuku.

Umuvugizi wa Polisi y’u Rwanda mu Ntara y’Uburasirazuba, IP Emmanuel Kayigi, yatangarije ikinyamakuru Ukwezi.com ko Habiyaremye Joseph yagiye ku biro by’akagari mu masaha ya saa sita z’ijoro, akururutsa ibendera akarijyana iwe mu rugo ariko abanyerondo bakamubona, bagahita babimenyesha Polisi.

IP Emmanuel Kayigi, avuga ko Habiyaremye yemera ko yabikoze, ariko akavuga ko yashakaga gucunga niba abanyerondo koko barara irondo uko bikwiye, ubu hakaba harimo gukorwa iperereza ngo hamenyekane ukuri kwabyo, hagati aho ariko akaba afungiwe kuri Sitasiyo ya Polisi ya Sake.

Ku bijyanye n’uko Habiremye Joseph n’iyo yaba atabeshya bitabuza ko yaba yakoze icyaha cyo gusuzugura ibendera ry’igihugu aryururutsa mu buryo bunyuranyije n’amateko, IP Kayigi avuga ko ibyo byose bazabyinjiramo nyuma y’iperereza hakarebwa icyo amategeko ateganya.


Tanga Igitekerezo
Ibitekerezo 4
Ruhago Kuya 15-07-2016

URUCIRA MUKASO RUGATWARA NYOKO. !!!!ABANYERONDO BAKOZE AKAZI KABO UWO NAWE YICA AKAZI KE.

Rucogoza Kuya 13-07-2016

Uyu muyobozi akwiye kwitabwaho akongera gusobanurirwa, indangagaciro n’ubusugire bw’igihugu cyacu bigaha isomo nabandi bose.

momo Kuya 12-07-2016

uyu muyobozi wakagali yakoze amakosa kdi atabiyobewe ntibikwiyeko niba yaragiye kureba Irondo ko rikora ntaribone ntiyari bufate uwo mwanzuro wo kururutsa ibendera ryigihugu yari bufate umwanzuro akabyuka ahana abatitabiriye Irondo ntiyarakwiye gokora ibyo nkumuyobizi akurikiranwe icyaha nikimuhama ahanwa hakurikijwe uko amategeko abiteganya

Tumushime Fred Kuya 12-07-2016

ndumva inzego zamategeko zigomba gukora iperereza risesuye kugirango hamenyekane ukuri koko kubyo uwo mugabo yakoze nyuma ikyemezo gigafatwa

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA