Ngoma: Umukozi w’ikigo nderabuzima yishwe arashwe

Chief Editor | 5-09-2016
Ngoma: Umukozi w’ikigo nderabuzima yishwe arashwe

IP Emmanuel Kayigi, umuvugizi wa Polisi mu Ntara y’Uburasirazuba

Maniriho Christian wari umukozi w’ikigo nderabuzima cya Nyange kiri mu murenge wa Mugesera mu karere ka Ngoma mu Ntara y’Uburasirazuba, yishwe arashwe mu gatuza n’umuntu utaramenyekana mu masaha y’ijoro ryo kuri iki Cyumweru tariki 4 Nzeri 2016.

Uyu Maniriho Christian wakoraga muri serivisi ijyanye no gupima ibizamini by’indwara (Labo) mu kigo nderabuzima cya Nyange, akaba yararasiwe muri Santeri ya Nyange ubwo yari avuye ku kazi ke.

IP Emmanuel Kayigi, umuvugizi wa Polisi mu Ntara y’Uburasirazuba, mu kiganiro yagiranye n’ikinyamakuru Ukwezi.com mu masaha ya mugitondo cyo kuri uyu wa Mbere, yadutangarije ko ibi koko byabaye, ndetse ubwo twavuganaga yavugaga ko ari mu nama n’abaturage yiga kuri iki kibazo ndetse n’iperereza rikaba zikomeje ngo uwakoze ibi amenyekane.

Nyuma y’uko iperereza ritangiye, hari bamwe bakekwa bahise batabwa muri yombi, barimo murumuna wa nyakwigendera, umugore we ndetse na bamwe mu bakoranaga nawe, cyane ko hari amakuru aturuka mu itorero ry’Abadivantisiti b’umunsi wa Karindwi Maniriho yasengeragamo, avuga ko yari amaze igihe abasaba kumusengera kubera ibibazo afitanye n’abo bakorana, hashingiwe ahanini ku kibazo cya Microscope yibwe.

KANDA HANO UREBE VIDEOS UTASANGA AHANDI