Nyabugogo: Impanuka y’ikamyo yahitanye ubuzima bw’umugenzi wari ku igare

Chief Editor | 16-05-2016
Nyabugogo: Impanuka y’ikamyo yahitanye ubuzima bw’umugenzi wari ku igare

Hafi y’iki kiraro niho iyi mpanuka yabereye

Mu masaha y’igicamunsi cyo kuri uyu wa Mbere tariki 16 Gicurasi 2016, hafi y’ikiraro gihuza Nyabugogo na Gatsata mu mujyi wa Kigali, habereye impanuka y’ikamyo yagonze umugenzi wari ku igare ahita apfa.

Nk’uko byemejwe na Sup Jean Marie Vianney Ndushabandi; umuvugizi w’ishami rya Polisi y’u Rwanda rishinzwe umutekano wo mu muhanda, mu kiganiro yagiranye n’ikinyamakuru Ukwezi.com, yavuze ko iyi mpanuka yatewe n’ubwoba bw’umugenzi wari ku igare.

Yagize ati: "Ni ikamyo nini ya rukururana yari igiye guca ku igare ryari rihetse umugenzi, hanyuma ikamyo ivuza ihoni umunyegare agenda agana ku ruhande kumwe bagendera ku mpera z’umuhanda, noneho umugenzi wari uhetswe n’umunyegare ahita agira ubwoba arasimbuka, agwa mu ipine ry’ikamyo iramugonga ahita apfa".

Iyi mpanuka yahitanye ubuzima bw’umugenzi wari uhetswe ku igare, ntacyo yatwaye umunyonzi n’igare rye ndetse nta n’ikindi bigaragara ko yangije.

KANDA HANO UREBE VIDEOS UTASANGA AHANDI