konka coffee
KONKA

AMAKURU

UKWEZI

Nyabugogo: Umusore ushinjwa kwica uwo babanaga yabereye ibamba abashinzwe umutekano

Nyabugogo: Umusore ushinjwa kwica uwo babanaga yabereye ibamba abashinzwe umutekano
25-05-2016 saa 16:33' | By Chief Editor | Yasomwe n'abantu 13313 | Ibitekerezo 19

Mu masaha ya saa saba z’amanywa yo kuri uyu wa Gatatu tariki 25 Gicurasi 2016, abashinzwe umutekano bo mu rwego rwa DASSO bagiye gufata umusore ukurikiranyweho kwica mugenzi we babanaga, undi ahungira muri ruhurura arwana n’abashakaga kumufata akoresheje amabuye, akavuyo n’imidugararo bikwira Nyabugogo

Uyu musore witwa Uwiringiyimana Donatien, asanzwe akorera mu gace ka Nyabugogo ahazwi nko kwa Manu, hanyuma akaba yari asanzwe abana n’undi musore mu nzu bakodeshaga mu Gatsata, uwo babanaga nawe akaba yari umukarani muri gare ya Nyabugogo ariko yasanzwe n’abaturanyi yariciwe mu nzu babagamo.

Nk’uko byemezwa n’abaturanyi, uyu ushinjwa ubwicanyi yari amaze iminsi adataha aho mu Gatsata, ndetse na mugenzi we wishwe ba nyir’inzu babagamo bamaze iminsi batamubona. Umunuko n’amasazi byagaragaye bituruka muri iyo nzu, nibyo byatumye abaturanyi bavumbura ko yiciwemo umwe mu bari basanzwe bayikodesha, ako kanya bahita bakeka ko uwo babanaga ari we wamwivuganye, maze hatangira gushakishwa aho yaba aherereye.

Ubwo abashinzwe umutekano bo mu rwego rwa DASSO bageraga haruguru y’ahitwa kwa Manu muri Nyabugogo aho uwo musore akorera, undi yabaye akibimenya ahita yiruka ajya muri ruhurura, niko guhangana n’abashakaga kumukuramo akoresheje kwirwanaho abatera amabuye.

Abantu bari benshi cyane, bamwe buriye imiturirwa, abashinzwe umutekano b’ingeri zitandukanye bumiwe

Ibi byakuruye impagarara muri aka gace ka Nyabugogo ndetse abashinzwe umutekano barimo na Polisi barahagera ariko akomeza guhangana n’uwashakaga kwinjiramo wese, ndetse hari n’abinjiranyemo itoroshi kuko hatabonaga, arabarwanya arayibambura basohoka amara masa.

Imyitwarire idasanzwe y’uwo musore yateje impagarara inahuruza imbaga

Mu kiganiro umuvugizi wa Polisi y’u Rwanda mu mujyi wa Kigali, Sup Emmanuel Hitayezu yagiranye n’ikinyamakuru Ukwezi.com, yadutangarije ko nyuma yo kurwanya abashakaga kumufata guhera saa saba, mu masaha ya saa kumi n’ebyeri zirengaho gato aribwo yabashije gukurwa muri ruhurura ahita ajyanwa gufungirwa kuri sitasiyo ya Polisi ya Gatsata. Avuga ko icyaha cy’ubwicanyi akurikiranyweho, bikekwa ko yagikoze hagati yo kuwa Gatanu no ku Cyumweru.

Iyi niyo ruhurura yamanukiyemo, ageze hasi ahita atambika ajyamo kure kuvamo biba intambara


Tanga Igitekerezo
Ibitekerezo 19
uwimbabazi Kuya 29-05-2016

Andika Igitekerezo cyawe hano uwomuntu akatirwe urumukwiriye

uwamugira clourdine Kuya 28-05-2016

Andika Igitekrezo cyawe hano mumukanire urumukwiyepe

mugabo Kuya 26-05-2016

Uwucyekwa Nahamwa nicyaha bamukatire urumukwiriye, Nihanganishije Ababuze Nyakwigendera.

betty Kuya 26-05-2016

uwo muntu nahabwe igihano kimukwiriye kuko yahemutse

kaka Kuya 26-05-2016

Aho ashoboranga kuba ariho yabanga,akimara kwica uwo babananga?

kaka Kuya 26-05-2016

Aho ashoboranga kuba ariho yabanga,akimara kwica uwo babananga?

kaka Kuya 26-05-2016

Aho ashoboranga kuba ariho yabanga,akimara kwica uwo babananga?

bavuma Kuya 26-05-2016

Nihatari bamuhe igihano kimukwiriye

bavuma Kuya 26-05-2016

Nihatari bamuhe igihano kimukwiriye

j cloude Kuya 26-05-2016

uwomwicanyi bamukature burundu kuko ntabwicanyi tugishaka Murwanda inzego zubuyobozi zibigemo

twihanganisha ababuze nyakwigendera

Tuyishime Samuel Kuya 26-05-2016

Abantu nkabo batagifite ubumuntu rwose bajye bahanywa igihano gitinyisha abandi bose

INNOCENT Kuya 26-05-2016

UMUJYINGA BAMUKANIRE URUMUKWIYEPE

birim Kuya 26-05-2016

iyo bamucana ho umuriro byari koroha.

hajji Kuya 26-05-2016

iyo bamurasa se ko yishinjaga icyaha

peter Kuya 26-05-2016

amategeko amuhane kabisa

sayimon Kuya 26-05-2016

igihano cyokwica bagisubizeho

aime Kuya 25-05-2016

yesu wee ahaa

Bana Kuya 25-05-2016

ahaaaaa nyamara nyagasani atabare urwa gasabo kuko turugarijwe pe

VAVA Kuya 25-05-2016

NI DANGE UZIKO HARIHO ABANTU BIBISIMBA NEZA NEZA

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA