AMAKURU

UKWEZI

Nyamasheke: Umugore yishwe aciwe umutwe, bikekwa ko abamwishe bawutwaye

Nyamasheke: Umugore yishwe aciwe umutwe, bikekwa ko abamwishe bawutwaye
1-07-2016 | By Chief Editor | Yasomwe n'abantu 3235 | Ibitekerezo 4

Mu rukerera rw’ijoro ryo kuri uyu wa Kane tariki 30 Kamena 2016 rishyira kuwa Gatanu tariki 1 Nyakanga 2016, hari umugore wiciwe hafi ya santeri ya Mugonero iherereye mu murenge wa Mahembe mu karere ka Nyamasheke mu Ntara y’Uburengerazuba, uyu mugore akaba yishwe n’abagizi ba nabi bamukase umutwe, bigakekwa ko bawutwaye kuko utaraboneka.

Mu kiganiro ikinyamakuru Ukwezi.com cyagiranye n’umuvugizi wa Polisi y’u Rwanda mu Ntara y’Uburengerazuba, CIP Kanamugire Theobard, yadutangarije ko uyu mugore wishwe yitwaga Nyirahabiyaremye Jeannette, abamwishe bakaba bamuciye umutwe ndetse haboneka igihimba gusa.

CIP Theobard Kagamugire avuga ko hari abakekwaho ubu bwicanyi ndetse uwitwa Hashakineza Jean Paul uri mu bakekwa we akaba yamaze gutabwa muri yombi, Polisi ikorera muri aka gace ikaba ikomeje ibikorwa by’iperereza ngo hamenyekane ababa bishe uyu mugore n’andi makuru ajyanye n’ubu bugizi bwa nabi.

Abaturage batuye hafi y’ahabereye ubu bwicanyi, batangarije ikinyamakuru Ukwezi.com ko Nyirahabiyaremye Jeannette yari yazindutse mu masaha y’urukerera agiye kurangura isambaza, hakaba habanje kuboneka imyenda ye hagashakishwa umurambo we, ukaba wabonetse bumaze gucya ariko hakaboneka igihimba gusa, kuburyo bakeka ko abamwishe baba banatwaye umutwe we. Aba baturage bavuga ko ibikorwa nk’ibi hari abajya babikora bavuga ko umutwe ari ’imari’ ariko bakaba batazi icyo bawumaza.


Tanga Igitekerezo
Ibitekerezo 4
momo Kuya 3-07-2016

mbega ubugome!uwo mubyeyi Imana imuhe iruhuko ridashira

Eli Kuya 2-07-2016

Imana imwakire mu bayo

Pascasie Kuya 2-07-2016

Gusa Uwomugore Imana Imwacyire Mubayo Ariko Abo Bagizi Banabi Bakomeze Bashakishwe Bazakatirwe Urubakwiye

Gaju Kuya 1-07-2016

Jesus!! Ark Abantu Bazahemuka Bageze Ryari koko?? Sorry Kumuryango Wasigaye

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA