konka coffee
KONKA

AMAKURU

UKWEZI

Nyamata: Umugabo yatemaguye umusore yashinjaga kumusambanyiriza umugore aramwica

Nyamata: Umugabo yatemaguye umusore yashinjaga kumusambanyiriza umugore aramwica
7-06-2016 saa 10:19' | By Chief Editor | Yasomwe n'abantu 4991 | Ibitekerezo 5

Mu ijoro ryo ku Cyumweru tariki 5 Kamena 2016, umugabo witwa Nkundimana Eric yategamaguye umusore witwa Biziyaremye Tharcisse yakekagaho kumusambanyiriza umugore, nyuma yo kumwica atema n’abandi barimo uwo mugore we ariko bo ntiyabica.

Ibi byabereye mu murenge wa Nyamata wo mu karere ka Bugesera mu Ntara y’Uburasirazuba, umuvugizi wa Polisi y’u Rwanda muri iyi ntara, IP Emmanuel Kayigi, akaba yatangarije ikinyamakuru Ukwezi.com ko Nkundimana n’umugore we kimwe na Biziyaremye bari abapagasi, bakaba bari bamaze igihe gito bacumbitse i Nyamata.

Nkundimana yaguriye inzoga umusore yakekagaho kumusambanyiriza umugore, ayijyana mu rugo basangira n’umugore we ndetse na nyir’amazu bari bacumbitsemo, ariko abikora agamije kwiyegereza uwo musore witwa Biziyaremye ngo aze kubona uko amwica.

IP Kayigi akomeza avuga ko igihe cyaje kugera Nkundimana Eric akajya mu nzu akazana umuhoro bazi ko yikinira, yasohoka agatemagura Biziyaremye Tharcisse akamwica yarangiza akanatema umugore we ndetse na nyir’amazu bari bacumbitseho ariko bo bagakomereka ntibapfe.

Abantu benshi bahise bahurura, Nkundimana Eric aratoroka ariruka ariko bucyeye kuri uyu wa Mbere aza kwishyikiriza Sitasiyo ya Polisi ya Nyamata ari naho afungiwe kugeza ubu, mu gihe umurambo w’uwo yishe kimwe n’abakomeretse bari bakiri mu bitaro bya ADEPR biri i Nyamata.


Tanga Igitekerezo
Ibitekerezo 5
MUPENZI PACIFIQUE Kuya 10-06-2016

Kweri hari abagome bagishaka kuvutsa abantu ubuzima bakoresheje imipanga neza aho yatugejeje,ahanwe byintangarugeron

Rwiha Kuya 8-06-2016

Kwihanira ntibyemewe ntanikemeza ko uwo mugore yasambanye koko kuko atigeze amufatira mucyuho ahubwo polisi nikurikirane imenye impanvu maze uwatemaguye abantu ahanwe.

fatuma Kuya 7-06-2016

yewe birakabije pe bamuhane nabandi babonereho

cyubahiro cyitatire Kuya 7-06-2016

izi ningaruka zuko uzajya afatwa asambanya umugore wundi ngo bazajya bumvikana ntakongera kubafunga no kubaburanisha,abayobozi bacu bakuyeho ririya tegeko bakuruye ibintu bibiri;impfu za hato na hato no gutandukana kubashakanye kuko mubyatandukanya abantu harimo no gufatwa usambana kandi wubatse,sinibaza bajya gukuraho ririya tegeko icyo bashingiyeho.Any way uwakoze icyaha bamukanire urumukwiye.

Hakizimana daniel Kuya 7-06-2016

Uwo mugabo bamukanire urumukwiye kuko nu mugome mubi cyane.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA