AMAKURU

UKWEZI

Polisi y’u Rwanda irimo gushakisha imodoka yagonze umupolisikazi wayihagaritse ikamwica

Polisi y’u Rwanda irimo gushakisha imodoka yagonze umupolisikazi wayihagaritse ikamwica
14-07-2016 | By Chief Editor | Yasomwe n'abantu 10054 | Ibitekerezo 4

Sup JMV Ndushabandi, umuvugizi w’ishami rya Polisi y’u Rwanda rishinzwe umutekano wo mu muhanda

Hari amakuru amaze iminsi avugwa ku mbuga nkoranyambaga avuga ko umupolisikazi yahagaritse imodoka hitwa mu Kajevuba muri Rulindo aho guhagarara ikamugonga agapfa, bamwe bakaba barabifashe nk’ibinyoma bidafite ishingiro, nyamara Polisi yemeje ko byabayeho ndetse imodoka ikaba irimo gushakishwa.

Mu gushaka kumenya ukuri kwabyo, ikinyamakuru Ukwezi.com cyaganiriye na Sup Ndushabandi Jean Marie Vianney, umuvugizi w’ishami rya Polisi y’u Rwanda rishinzwe umutekano wo mu muhanda, avuga ko ibi koko byabayeho mu minsi ishize, imodoka yabikoze ikaba igishakishwa.

Ku bijyanye n’amakuru yavugwaga ko iyo modoka yaba yari ipakiye ibintu bya magendu n’ibiyobyabwenge, Sup Ndushabandi avuga ko ibyo ari ibikekwa, kuko imodoka yatorotse hakaga hagikorwa iperereza ari nako ikomeza gushakishwa.

Iyi mpanuka yabaye mu ijoro rya tariki 7 Nyakanga 2016, yahitanye umupolisikazi witwa Mukamana Grace wari uri ku kazi kajyanye no kugenzura ibinyabiziga mu muhanda.


Tanga Igitekerezo
Ibitekerezo 4
Fabrice Kuya 15-07-2016

Ntacyo umuntu yarenzaho uretse amarira n’agahinda gusa. Mana wee! Sinzamwibagirwa Grace umukobwa mwiza bihebuje wasigaye wenyine,none nawe akaba atashye mu buryo nkubu. Police ishakishe uyu muntu kugeza imubonye imwereke abanyarwanda kuko bitabaye ibyo nayo yaba itakaje amanota muburyo Bukomeye. kuko itabashije kwirinda ntiyarinda n’abandi. RUHUKIRA MU MAHORO MUVANDIMWE GUHORA USEKANA INTIMBA NIBYO NSIGARANYE NK’URWIBUTSO

titi Kuya 15-07-2016

ariko ni gute umupolisi akora control nijoro wenyine nta modoka cg moto mu buryo ntabwirinzi ? kuko niho hanashobora guca ruswa ntawe ubimenye ; akora nijoro yakagombye kuba ari kunganirwa nabagenzi be 3 banafite imodoka kuburyo imvura inaguye cg habaye impanuka nkiyabaye nyirabayazana atabaca murihumye, Rwose polisi nibikosore icyo kibazo ntikizongere kubaho kuko gisa nkicyaturutse no kuburangare

NZABAMWITA J.M.V Kuya 15-07-2016

BIRABABAJE CYANE PEE TWIHANGANISHIJE UMURYANGO WA NYAKWIGENDERA ARIKO ABAPOLICE BAKORA NIJORO UBANZA BABA BASINZE UBWO WAVUGA GUTE KO MUGEZEWE NTARUHARE ABIFITEMO KUGIRANGO MUGEZEWE APFE AREBA NTAMENYE NA PLAQUE Y’IMODOKA NTIBYUMVIKANA PEE HABEHO UBUSHISHOZI BUHAGIJE

bobo Kuya 14-07-2016

Ibi birababaje rwose cyane twihanganishije umuryango we. Ariko se ko Abapolisi mbona bakora ari babiri mugenzi we yari yagiyehe? kuki atahise ahuruza.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA