konka coffee
KONKA

AMAKURU

UKWEZI

Reba neza, ushobora gusanga hari abantu bakora ubutekamutwe na telefone bakwiyitirira

Reba neza, ushobora gusanga hari abantu bakora ubutekamutwe na telefone bakwiyitirira
16-06-2016 saa 07:11' | By Chief Editor | Yasomwe n'abantu 24590 | Ibitekerezo 26

Aha Polisi y’u Rwanda yerekaga abanyamakuru bamwe mu batekamitwe bakoresha telefone

Kuva aho ikigo ngenzuramyitwarire (RURA) gitegetse ibigo by’itumanaho mu Rwanda ko bisaba abakiliya babo kwiyandikishaho nimero za telefone bakoresha zikajyaho umwirondoro ujyanye n’ibiri ku ndangamuntu zabo, byagiye bifasha benshi barimo n’inzego z’umutekano mu bijyanye no kubasha gutahura ibyaha. Nyamara ibi byanateje ikibazo bamwe, kuko hari igihe ushobora gusanga wanditsweho nimero za telefone utigeze wiyandikishaho, ahubwo byarakozwe n’abatekamitwe bashaka gukora ibyaha mu izina ryawe.

Polisi y’u Rwanda yagiye kenshi yerekana abatekamutwe bahamagara abantu kuri telefone zabo zigendanwa, bakabizeza ibitangaza birimo kubahesha akazi, kubabonera buruse zo kwiga mu mahanga, kubafasha kubona ibigo bibatera inkunga n’ibindi by’indonke, ariko bakabivuga bababeshya bagamije kubashuka ngo babambure amafaranga yabo.

Bene izo telefone bakoresha bateka imitwe, akenshi ntabwo ziba zibanditseho kuko baba bazi neza ko baziyandikishijeho, bashobora gufatwa n’inzego z’umutekano mu buryo bworoshye. Ibanga bakoresha nta rindi, ni ukugura nimero nshya, bakazandikisha ku bandi bantu, kuburyo nawe ushobora gusanga hari izo bakwanditseho utari ubizi.

Kubyumvikana n’umwe mu bakozi bacuruza serivisi z’ibigo by’itumanaho mu Rwanda zikoreshwa mu kohereza no kwakira amafaranga (MTN Mobile Money, Airtel Money na Tigo Cash), birahagije ngo indangamuntu yawe ihuzwe na nimero runaka utazi ndetse nta n’aho uziranye n’uyikoresha, ubundi ibyo azajya akora byose akazajya abikwitirira, rimwe ukaba ushobora no gutabwa muri yombi uzira ibyaha utazi inkomoko yabyo.

Mu bantu ikinyamakuru Ukwezi.com cyaganiriye nabo, abenshi usanga ibi batiyumvisha ko bikorwa nyamara nyuma yo kubibazwaho, hari ababigerageje basanga hari amanimero menshi abanditseho batazi, kuva ubwo nabo ubwabo bagwa mu kantu. N’ubwo ariko iki ari ikibazo gishobora kugushyira mu kaga urengana, bishoboka ko wahita ugishakira umuti ukibimenya, ukiyandukuzaho nimero zitari izawe, kandi ibi biroroshye kubikoresha telefone yawe igendanwa.

Kugirango umenye nimero za telefone zikwanditseho, ujya muri telefona yawe ukandika *125*nimero y’indangamuntu# ubundi ukemeza ukanda nk’uhamagara. Ushobora kandi no kwiyandukuza kuri nimero usanze udakeneye, utagikoresha cyangwa usanze zikwanditseho utabizi kugirango wirinde abatekamitwe bazibiraho kandi zanditse ku irangamuntu yawe. Kwiyandukuzaho iyo nimero, ni ukwandika *125*1*nimero ya telefone udashaka*nimero y’indangamuntu# ubundi ukemeza ukanda nk’uhamagara.

Ni ngombwa ko inkuru nk’iyi uyisangiza n’abandi, bakaryamira amajanja bakamenya uko bazajya bakomeza gucunga niba ntawigeze abiyitirira ngo abandikisheho nimero agamije kuzikoresha mu butekamutwe cyangwa ibindi bikorwa bibi.


Tanga Igitekerezo
Ibitekerezo 26
edii Kuya 15-01-2017

mana weeee nge birandenze nimero umunani nfite eshatu/ abo mukwezi.com mutubarize impanvu bidakunda kuzikuraho please dor byanze

hakitha Kuya 14-12-2016

Ukwezi.com turabashima cant ku maku

Assumani Kuya 13-12-2016

Ariko se ko ibyo muba mwatubwiye ko tubikora bikanga mwagiye mutubwira mwabanje gukora isuzuma kweri narwanye nabyo byananiye pe ndabishyiramo uko byanditse bikanga nkashyiramo uko nzibonyemo bikanga

Steve Kuya 13-12-2016

Kuziyandukuzaho ntibikunda. Bazongere basuzume iyo systeme yo kwiyandukuzayo izo numero.

soso Kuya 13-12-2016

Kuziyandukuzaho ku bigo byitumanaho byose ntabwo biri gukunda mubabwire batworohereze twikureho iyi mitwaro!

LUrky Kuya 28-07-2016

Reba njywe mfiteho no. 18 kandi ntunga 3 zonyine

Roti Kuya 28-07-2016

Kuziyandukuzaho biranga mutubarize ibigo by’itumanaho cyane cyane tigo na aitel

Dieudonne Kuya 28-07-2016

Ahubwo tuzafungwa abenshi tuzira abo tutazi none se nubundi niyo twazisiba ibi bisambo bizajya byongera bizibaruzeho ahubwo nibashyireho uburyo ntazawuzajya yibaruzaho numero itariye kuko rwose birashyira mukaga abantu benshi RURA ni idutabare

Dieudonne Kuya 28-07-2016

Ahubwo tuzafungwa abenshi tuzira abo tutazi none se nubundi niyo twazisiba ibi bisambo bizajya byongera bizibaruzeho ahubwo nibashyireho uburyo ntazawuzajya yibaruzaho numero itariye kuko rwose birashyira mukaga abantu benshi RURA ni idutabare

Rutagengwa Maurice Kuya 27-07-2016

Ngewe nasanze hari numero zirenga 30 ntazi ntigeze nanakoresha ahubwo ikibazomfite nuko nubu nkizibona kandi naragerageje kuziyandukuza ho niba hari ubundi buryo mwatubwira tks.

Rutagengwa Maurice Kuya 27-07-2016

Ngewe nasanze hari numero zirenga 30 ntazi ntigeze nanakoresha ahubwo ikibazomfite nuko nubu nkizibona kandi naragerageje kuziyandukuza ho niba hari ubundi buryo mwatubwira tks.

SAFARI Kuya 21-06-2016

Jyewe ntunguwe no gusamga hari numero eshatu za Airtel zinyanditseho ntazizi

Mary Kuya 20-06-2016

Murakoze cyane kuriyi nkuru abenshi.ntitwajyaga tubyitaho. Igitangaje nuko turi benshi basanze baranditsweho numeros tutigeze dutunga, none rero mudukorere ubuvugizi tuzisibishe kuko iriya system ntirimo gukora barebe icyakorwa

Salim Kuya 17-06-2016

muturangire ahotwakura iyomiti ituma abakobwa bongera kuba amasugi. muraba mukoze.

Habineza francine Kuya 16-06-2016

Kwiyandikuzaho numéro ntibikunda KD usanga wanditsweho izo utigeze utunga.

yves Kuya 16-06-2016

Nange byanze gukunda.

DC Kuya 20-05-2016

kwiyandikuzaho ko byanga?

Denis Kuya 19-05-2016

Kwiyandukuzaho nimero ntabwo bikunda.

rwihandagaza Kuya 19-05-2016

turashimira polisi ko idahwema kugira abaturage uko barushaho kwicungira umutekano wabo nibyabo kandi nibyiza ko tuba maso kuko abateka mutwe baragwiriye

rwihandagaza Kuya 19-05-2016

turashimira polisi ko idahwema kugira abaturage uko barushaho kwicungira umutekano wabo nibyabo kandi nibyiza ko tuba maso kuko abateka mutwe baragwiriye

Solange Kuya 19-05-2016

Njyewe uko mbyumva nukwirinda tukareba kure twirinda abateka mutwe bikigihe kuko baragwiriye gusa njye ntibirambaho abo byabayeho bihangane pee!

-xxxx- Kuya 19-05-2016

Njye banyanditseho numero zirenga 40 iyo mbikoze biranga.

-xxxx- Kuya 19-05-2016

Njye banyanditseho numero zirenga 40 iyo mbikoze biranga.

Pacifique Kuya 18-05-2016

Yebabawe nsanze nanditseho numero 5 za aitel kandi ntarigeze ntunga aitel none ko kuzivanishaho byanze gukunda.

yves Kuya 18-05-2016

hriyo banyanditseho ntazi ndayihamagra nkumva isa nitaragera kuri network nayiyandukuzaho bikanga

Habumugisha Obed Kuya 18-05-2016

Murakoze Kuduha Iyi Nkuru Nanjye Byambayeho Ahubwo Tugomba Kwirinda Abatekamitwe

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA