Remera: Iduka (alimentation) riri hafi ya Civitas Hotel ryabaye umuyonga - Amafoto

Chief Editor | 6-07-2016
Remera: Iduka (alimentation) riri hafi ya Civitas Hotel ryabaye umuyonga - Amafoto

Mu masaha ya mu gitondo cyo kuri uyu wa Gatatu tariki 6 Nyakanga 2016, iduka ryacururizwagamo ibiribwa n’ibikoresho bitandukanye (alimentation) riherereye i Remera ku Gisimenti, ryafashwe n’inkongi y’umuriro ibyari birimo bihinduka umuyonga.

Iri duka ryahiye rizwi nka Sahani Supermarket Ltd, riri hafi ya Civitas Hotel i Remera ku Gisimenti, muri metero nkeya uvuye kuri hoteli Chez Lando, ahaherutse naho kwibasirwa n’inkongi y’umuriro mu minsi micye ishize, n’ubwo ho hahiye gusa icyumba cy’inama.

Iyi nkongi y’umuriro yatangiye mu masaha ya mugitondo cya kare, yibasiye ibyari biri muri Alimentation byose birashya biba umuyonga, Polisi ikaba yabashije kuzimya ariko yahageze ibyinshi byari byamaze kwangirika.

Ikinyamakuru Ukwezi.com cyagerageje kuvugana n’umuvugizi wa Polisi y’u Rwanda mu mujyi wa Kigali ngo tumubaze impamvu yaba yabaye intandaro y’iyi nkongi y’umuriro ariko ntiyabashije kuboneka ku murongo wa telefone.

KANDA HANO UREBE VIDEOS UTASANGA AHANDI