konka coffee
KONKA

AMAKURU

UKWEZI

Rufayire wari waramamaye mu mujyi wa Gicumbi yishwe n’umugore we

Rufayire wari waramamaye mu mujyi wa Gicumbi yishwe n’umugore we
25-09-2016 saa 13:32' | By Chief Editor | Yasomwe n'abantu 26567 | Ibitekerezo 13

Mu masaha ya mu gitondo cyo kuri iki Cyumweru tariki 25 Nzeri 2016, umugabo w’imyaka 52 y’amavuko wari waramamaye mu mujyi wa Gicumbi nka Rufayire, yishwe n’umugore we bikekwa ko bapfuye amakimbirane ashingiye ku gucana inyuma.

Rufayire w’imyaka 52 y’amavuko n’umugore we Nyiramisago w’imyaka 45 y’amavuko, bari batuye mu mudugudu wa Bukamba, mu kagari ka Ngondore mu murenge wa Byumba wo mu karere ka Gicumbi.

Rufayire yishwe mu rukerera rwo kuri iki Cyumweru

Nyiramisago, yatawe muri yombi mu gitondo cyo kuri iki Cyumweru akurikiranweho icyaha cyo kwica uyu mugabo we Rufayire, akaba akekwaho kumwica akoresheje ibuye mu masaha ya saa cyenda z’urukerera. Yatawe muri yombi ari kumwe n’umugabo wabo witwa Rwabunonko, uwo akaba ari umuvandimwe w’umugabo we ariko akaba akekwaho kuba ihabara ry’uyu mugore, bikanakekwa ko ari byo byakuruye amakimbirane yatumye Rufayire yicwa.

Abaturanyi bemeza ko Rufayire yakubiswe ibuye n’umugore we Nyiramisago, kandi nawe akaba abyiyemerera. Gusa bemeza ko ubusanzwe bari babanye neza kandi bakundaga kugendana cyane, ariko muri iyi minsi umugabo akaba yakekaga ko umugore we amuca inyuma bigakurura impaka n’amakimbirane.

Abantu bagenda mu mujyi wa Gicumbi, bari bazi cyane Rufayire

ACP Célestin Twahirwa, umuvugizi wa Polisi y’u Rwanda, yatangarije ikinyamakuru Ukwezi.com ko ibi koko byabaye ariko Polisi ikaba ikomeje gukora iperereza ngo hamenyekane byinshi kuri uru rupfu, intandaro nyayo yarwo n’uko byagenze byose.

Rufayire azwi cyane mu mujyi wa Gicumbi aho yajyaga akunda gusabiriza. Mu mwaka ushize kandi, ari mu baturage bo muri aka karere ka Gicumbi bafashwe n’ubuyobozi bakajyanwa kuhagirirwa ku karere.

JPEG - 74.4 kb

Aha Rufayire (wicaye imbere iburyo) yari kumwe na bagenzi be bajyanywe kuhagirirwa ku karere ka Gicumbi umwaka ushize


Tanga Igitekerezo
Ibitekerezo 13
Mutoni Kuya 28-09-2016

Nubwo Ntamuzi Gusa Birambabaje Namubonye Ku Mafoto
Imana Imwakire Mubayo,

kayitesi Kuya 26-09-2016

Abashaka impushya zo gutwara ibinyabiziga bakwiriye guca mu nzira zemewe n’amategeko aho kwangiza amafaranga yabo bayagura inyiganano. Ababikora bibuke ko bihanwa n’amategeko, kandi ko nta kamaro kazo kuko isaha iyo ari yo yose Polisi yazibafatana.

Ramba Kuya 26-09-2016

Pumuzika amani Raphael disi yari akiri muto

-xxxx- Kuya 26-09-2016

Twamukundaga Imana imwakire

Kabisa Kuya 26-09-2016

Rufayire arambabaje cyane! Gicumbi ibuze umusitari ukomeye.

JOJO Kuya 26-09-2016

Rufayire Imana imwakire. ntamuntu utamuzi keretse utagendaga Gicumbi

habineza,david Kuya 26-09-2016

ntuye iburasirazuba ingoma ariko uyumugabo narimuzi murigare yagicumbi gusa ndababaaaaaye

Uzamukunda Donatha Kuya 26-09-2016

Yega Birababaje Pee?Imana Imwacyire Mubayo?

Keza Kuya 25-09-2016

Kabisa Rufayire Imana imwakire Gicumbi ibuze umustar uzwi pe

kt Kuya 25-09-2016

Rufayire kbsa arambabaje.Gusa uyu mugore yashatse kumwikiza yikomereze ubuhabara bwe.R.I.P

Ruto Kuya 25-09-2016

Rufayire niwe mu star Byumba yarifite lmana imwakire mu bayo.

Asha Kuya 25-09-2016

Yoo pore sana imana imuhe iruhoko rindashira Amem

swaleh Kuya 25-09-2016

RIPRufayire Gicumbi ibuze umusitar

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA