AMAKURU

UKWEZI

Rulindo: SACCO yagabweho igitero, hicwa umwe mu bayirindaga undi arakomereka

Rulindo: SACCO yagabweho igitero, hicwa umwe mu bayirindaga undi arakomereka
29-09-2016 | By Chief Editor | Yasomwe n'abantu 5920 | Ibitekerezo 6

ACP Celestin Twahirwa, umuvugizi wa Polisi y’u Rwanda ku rwego rw’igihugu

Koperative yo kuzigama no kuguriza (SACCO) y’umurenge wa Burega mu karere ka Rulindo mu Ntara y’Amajyaruguru, yatewe n’abagizi ba nabi mu masaha y’urukerera rwo kuri uyu wa Kane tariki 29 Nzeri 2016, umwe mu bayirindaga akaba yishwe ateraguwe ibyuma naho undi yakomerekejwe amerewe nabi.

Iyi SACCO yari iherereye mu kagari ka Butangampundu mu murenge wa Burega mu karere ka Rulindo, yatewe n’abagizi ba nabi bataramenyekana kugeza ubu. Umuvugizi wa Polisi y’u Rwanda, ACP Celestin Twahirwa, yemeje aya makuru mu kiganiro yagiranye n’ikinyamakuru Ukwezi.com, avuga ko iperereza ryatangiye ngo hashakishwe aba bagizi ba nabi.

Umwe mu barindaga SACCO ya Burega witwa Kazungu Steven yishwe ateraguwe ibyuma naho mugenzi we witwa Tuyisenge bamukomerekeje cyane, ubu akaba yajyanywe ku bitaro bya Rutongo amerewe nabi cyane.

ACP Celestin Twahirwa, avuga ko uwishwe ndetse n’uwakomerekejwe bigaragara ko bateraguwe ibyuma. Ku bijyanye n’ingano y’amafaranga iyi SACCO yaba yibwe, Polisi ivuga ko hagikorwa iperereza ariko hari abaturage bavuga ko abajura bateruye umutamenwa wari ubitsemo amafaranga bakawujyana.


Tanga Igitekerezo
Ibitekerezo 6
Duniya Kuya 2-10-2016

Operations nka ziriya zikorwa n’ingabo cg police yabyigiye,igasanga bahanganye n,umuntu witwaje ikibando.Injiji yamenya n,uburyo batwara umutamenwa!!!!

Gakwaya john Kuya 30-09-2016

imiryango yabo ba securite niyihangane,Abantu bashaka kurya ibyo bataruhiye barangiza bakamena amaraso,police y,urwanda turayizeye ni shakishe ibyo bisambo maze amahano byakoze bayaryozwe

nzovuyase innocent Kuya 29-09-2016

pole Kubahatakarije ubuzima,ariko kandi nta kigo cy’Imari gikwiye kurindwa n’abantu badafite intwaro.Nibahashire Intersec security.

lambert Kuya 29-09-2016

hakwiye gufatwa ingamba ku bijyanye no kurinda ibigo byimari;harimo guha akazi ibigo bishinzwe umutekano bifite abakozi babitojwe kandi bafite ibikoresho;ndetse n"amarondo akunganira abashinzwe umutekano,dore ko abatera ibigo by’imari bashobora no gutera abaturage.

Munyaneza Kuya 29-09-2016

Turifuzako Uburinzi Bwa Sacco Buvugururwa Kirazira Ntakurindisha Amafranga Inkoni Nibashake Abasore Babashyire Kumafunzo Babahe Imbunda Naho Ubundi Barabamara Kuko Sacco Zibitse Amafranga Menshi Y’ Abaturage

lulu Kuya 29-09-2016

bazabamara byo c kurara Ku mafr n ibibando gusa!! na populaire barazibambuye abarinzi n’abakozi bajye bajya kukazi basezeye ababo

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA