konka coffee
KONKA

AMAKURU

UKWEZI

Rulindo: Umugabo yishe umugore we amukebye ijosi

Rulindo: Umugabo yishe umugore we amukebye ijosi
4-10-2016 saa 04:08' | By Chief Editor | Yasomwe n'abantu 10528 | Ibitekerezo 8

Umugabo w’imyaka 35 witwa Biziyaremye Jean Marie Vianney, afungiwe kuri Sitasiyo ya Polisi ya Bushoki mu karere ka Rulindo, akurikiranyweho icyaha cyo kwica umugore we Muhawenimana Ernestine w’imyaka 36 y’amavuko, akaba yaramwishe amukebye ijosi akoresheje icyuma kuri uyu wa Mbere tariki 3 Ukwakira 2016.

Uyu muryango wari utuye mu kagari ka Mugote mu murenge wa Ngoma mu karere ka Rulindo, ukaba warangwagamo amakimbirane ashingiye ku gucana inyuma nk’uko abaturanyi babihamirije ikinyamakuru Ukwezi.com.

Uyu mugabo ngo yigeze gufungwa imyaka itandatu muri gereza ya Miyove, aho afunguriwe asanga umugore we yarabyaye, ibyo bizana kutumvikana kugeza ubwo umugore yaje kwahukana, umugabo nawe agahita yishakira undi mugore.

Hari isambu umugabo yasabye umugore ko bayigurisha undi arabyanga, bakajya bayihanganiraho kugeza ubwo umugabo ahingamo urubingo umugore nawe agahingamo indi myaka, maze kuri uyu wa Mbere umugabo aza kumusanga muri iyo sambu amukeberamo ijosi.

Bari bamaze igihe gikabakaba umwaka batabana, bikaba bikekwa ko uwo mugabo yamwishe ngo atazatesha umutwe uwo mugore muto kuko uwa mbere ari nawe basezeranye byemewe n’amategeko.

Ingingo ya 142 yo mu gitabo cy’amategeko ahana ibyaha mu Rwanda, ivuga ko uwica uwo bashakanye ahanishwa igifungo cya burundu, iki gihano kikaba cyahabwa Biziyaremye mu gihe icyaha cyamuhama.


Tanga Igitekerezo
Ibitekerezo 8
Jean De Dieu KAZAVIYO Kuya 6-10-2016

Ayiwe lmana itabare abayo

ayiweee Kuya 4-10-2016

yesu weeee kristu umwami mwami yesu ibi ndabirambiwe abagabo 3 numvise mugihe cyicyumeru kimwe ariko c kurongora babiretse ra !!!// tabara mwamii

RUKWAGO Kuya 4-10-2016

UBUYOBOZI BW’IBANZE PLZ BUFITE NABWO IKIBAZO AYA MAKIMBIRANE YOSE BABONAGA IKINDI AZABYARA ARI IKI ?????? KITARI UKWICANA

RUKWAGO Kuya 4-10-2016

UBUYOBOZI BW’IBANZE PLZ BUFITE NABWO IKIBAZO AYA MAKIMBIRANE YOSE BABONAGA IKINDI AZABYARA ARI IKI ?????? KITARI UKWICANA

EN Kuya 4-10-2016

Abantu basigaye batinyuka kwica abandi kuburyo bigeze ahantu hababaje kandi hashobora gushyira ubuzima bw’abantu b’ingeri nyinshi mu kaga. Urugero ni umubare w’imfubyi wiyongera, abapfakazi n’incike. ibi biraterwa n’iki? Ahari umuntu ntiyaba atinyuka gukata mugenzi we ijosi kubera ko azi neza ko irye arigumana? hari abumva ko nujya muri gereza uzitwa imfungwa ariko utazitwa nyakwigendera utakiboneshwa amaso.

Bavandimwe Aha sinshaka kurwanya Leta ku cyemezo kiza yafashe cyo gukuraho igihano cy’urupfu. ariko zimwe mu ngaruka z’iki cyemezo n’ubu bwicanyi bwa hato na hato bishoboka ko abantu bica abandi kuko bazi ko bo bakomeza bakiberaho. BIRABABAJE

amina Kuya 4-10-2016

mbabajwe nabana be babaye ipfubyi gusa kurerwa namukaso birakababara

theoneste Kuya 4-10-2016

Nukuri ubutabera bukore akazikabwo neza uwomugabo ahanwe.ntabwo ibyo aribyumuntu ufite ubwenge.abasigaye bihangane.

Uzamukunda Donatha Kuya 4-10-2016

Uwo Mugabo Afungwe Kuko Ibingibi Ntibikwiye Pe. Umuryango Wuwo Mugore Ukomeze Kwihangana@

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA