Rusizi: Umusaza w’imyaka 70 yatemye umuhungu we bapfa igitoki nawe ahita yiyahura

Chief Editor | 15-05-2016
Rusizi: Umusaza w’imyaka 70 yatemye umuhungu we bapfa igitoki nawe ahita yiyahura

Umusaza witwa Ntahondereye Andereya wo mu murenge wa Gitambi mu karere ka Rusizi, yishwe n’umuti wica udukoko yanyweye nyuma yo gutema umuhungu we mu mutwe akoresheje umuhoro akamukomeretsa, abonye bimukomereye ahitamo kwiyahura.

Mu kiganiro umuvugizi wa Polisi y’u Rwanda mu Ntara y’Uburengerazuba yagiranye n’ikinyamakuru Ukwezi.com, yahamije amakuru y’urupfu rw’uyu musaza w’imyaka 70 y’amavuko, ariko avuga ko ibijyanye n’icyamwishe ndetse n’intandaro yabyo byo bigikorwaho iperereza.

Nyamara umwe mu baturanyi b’uyu musaza utashatse ko dutangaza amazina ye, yahamije ko Ntahondereye Andereya yagiranye ikibazo n’umuhungu we w’imyaka 33 y’amavuko bapfa igitoki uyu musore yari yagurishije atabisabye Se, nyuma yo kumurakarira agafata umuhoro akamutema mu mutwe akamukomeretsa, hanyuma akagira ubwoba agahita anywa umuti wica udukoko ari nawo wamuhitanye.

KANDA HANO UREBE VIDEOS UTASANGA AHANDI