Rwamagana: Abantu 14 bibasiwe n’impanuka y’imodoka eshatu zagonganye

Chief Editor | 27-06-2016
Rwamagana: Abantu 14 bibasiwe n’impanuka y’imodoka eshatu zagonganye

Sup Ndushabandi JMV, umuvugizi w’ishami rya Polisi rishinzwe umutekano mu muhanda

Ahitwa i Musha mu karere ka Rwamagana, habereye impanuka y’imodoka eshatu zagonganye ku mugoroba wo kuri iki Cyumweru tariki 26 Kamena 2016, abantu benshi bakaba bakomerekeye muri iyi mpanuka.

Sup Jean Marie Vianey Ndushabandi, umuvugizi w’ishami rya Polisi y’u Rwanda rishinzwe umutekano wo mu muhanda, yatangarije Ikinyamakuru Ukwezi.com ko iyi mpanuka yabereye i Musha, ari iy’imodoka eshatu zagonganye zirimo iyo mu bwoko bwa Coaster itwara abagenzi, iyo mu bwoko bwa Toyota RAV4 ndetse n’indi jipe.

Sup Ndushabandi, avuga ko abantu 14 ari bo bakomerekeye muri iyi mpanuka, bakaba bajyanywe mu bitaro bya Rwamagana biherereye muri aka karere ka Rwamagana. Avuga kandi ko uretse babiri bakomeretse bikomeye, ntawapfiriye muri iyi mpanuka.

Mu izina ry’abakunzi n’abasomyi b’ikinyamakuru Ukwezi.com, twihanganishije abakomerekeye muri iyi mpanuka tubifuriza no gukira bakava mu bitaro.

KANDA HANO UREBE VIDEOS UTASANGA AHANDI