AMAKURU

UKWEZI

Umugabo yateje akaduruvayo muri Nyabugogo bituma afatanwa amafaranga menshi y’amiganano

Umugabo yateje akaduruvayo muri Nyabugogo bituma afatanwa amafaranga menshi y’amiganano
16-10-2016 | By Chief Editor | Yasomwe n'abantu 13393 | Ibitekerezo 4

Umugabo witwa Ndagijimana Shadrack w’imyaka 36 yafatiwe mu mujyi wa Kigali nyuma yo kumusangana amafaranga y’u Rwanda ibihumbi 400 n’amadorali y’Amerika 435 y’amiganano.

Ndagijimana yafatiwe aho bategera imodoka i Nyabugogo kuri uyu wa Gatandatu mu gitondo ashaka gutega imodoka.

Umuvugizi wa Polisi y’u Rwanda mu Mujyi wa Kigali Superintendent of Police (SP) Emmanuel Hitayezu yavuze ko uyu mugabo yateje akavuyo aho bategera imodoka i Nyabugogo ashwana n’abandi bagenzi ku buryo byatumye Polisi y’u Rwanda ihakorera iza kureba icyabaye no gukemura ikibazo.

Ndagijimana yabonye abapolisi bahageze atangira kwigira inyuma ashaka uko yahunga ariko abapolisi babonye imyitwarire ye ikemangwa nibwo bamusatse maze bamusangana amafaranga y’amiganano y’inoti z’amafaranga ibihumbi 5 zose hamwe 80 n’amadorali 435 y’Amerika nayo y’amahimbano.

Yavuze ko iperereza rikomeje kugirango hamenyekane inkomoko y’aya mafaranga, ndetse n’abayakwirakwizaga bose. Yakomeje avuga ko amafaranga y’amahimbano atari ikibazo gikomeye mu Rwanda ariko ko uko yaba angana kose agira ingaruka ku bukungu bw’igihugu.

Yasabye kandi abakora ibikorwa by’ubucuruzi butandukanye kujya bitondera amafaranga bahabwa mu gihe babonye hari ikibazo bakiyambaza sitasiyo ya Polisi ibegereye cyangwa bagahamagara nimero 112 kugirango bakemurirwe ikibazo.

Gukoresha no gukwirakwiza amafaranga y’amiganano bihanwa n’ingingo ya 601 na 604 zo mu gitabo cy’amategeko ahana ibyaha mu Rwanda, aho ibihano bishobora kugera ku myaka itanu y’igifungo.


Tanga Igitekerezo
Ibitekerezo 4
Ncimiyimana Okello Kuya 20-10-2016

Twamaganye Ubugizibwanabi Bwogutemana.Nahanwe Bikwiye.

Gilbert save Kuya 17-10-2016

Ahubwo uyu mugabo bamuhe akazi muri Banque Mondial kuko kumuhana nubwo bwenge ntacyo byatanga Gusa babe bamubitse

Gilbert save Kuya 17-10-2016

Ahubwo uyu mugabo bamuhe akazi muri Banque Mondial kuko kumuhana nubwo bwenge ntacyo byatanga Gusa babe bamubitse

Mukeshimana sophie Kuya 16-10-2016

uwomugabo wafatanye amafaranga yamiganano nahanwe byintangarugero

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA