AMAKURU

UKWEZI

Undi muzunguzayi yakubitswe na DASSO bagenzi be barigaragambya - Amafoto & Video

Undi muzunguzayi yakubitswe na DASSO bagenzi be barigaragambya - Amafoto & Video
10-06-2016 | By Chief Editor | Yasomwe n'abantu 9980 | Ibitekerezo 7

Mu masaha ya saa munani z’amanywa yo kuri uyu wa Gatanu tariki 10 Kamena 2016, abashinzwe umutekano bo mu rwego rwa DASSO bakubitiye umusore w’umuzunguzayi mu gace ka Nyabugogo bamuhindura intere, bagenzi be barigaragambya banga ko anatwarwa kwa muganga.

Abazunguzayi baganiriye n’ikinyamakuru Ukwezi.com, bavuga ko uwakubiswe ari umusore wacuruzaga amandazi ayabungana mu ndobo, akaba yafashwe na DASSO bakamwambika amapingu bakamujyana mu kazu ngo n’ubusanzwe bajya babafungiramo, hanyuma baramukubita bamuhindura intere.

Ubwo imodoka itwara indembe kwa muganga yageraga ahabereye ibi hafi y’ahitwa kwa Mutangana, abazunguzayi banze ko imujyana bavuga ko yapfuye mu gihe abapolisi n’abasirikare bari baje guhosha imidugararo bo bavugaga ko agihumeka. Bakomeje kwigaragambya kugeza bamuberetse bakabona ko ari intere ariko agihumeka, imodoka ya Polisi iba ari yo imujyana kwa muganga.

Imodoka itwara indemba banze ko ijyana uwakubiswe kwa muganga irigendera.

Kugeza ubwo twakoraga iyi nkuru, abazunguzayi bari bakirimo guteza akaduruvayo bavuga ko babangamiwe n’uburyo bakomeza guhohoterwa n’abashinzwe umutekano bo mu rwego rwa DASSO, kugeza aho babakubita bamwe bakanasiga ubuzima.

REBA VIDEO HANO ABAZUNGUZAYI BIGARAGAMBYA:

Mu minsi micye ishize, undi muzunguzayi yiciwe Nyabugogo, aba bazunguzayi nabwo berekana agahinda kabo ndetse umujyi wa Kigali, akarere ka Nyarugenge na Minisiteri y’Uburinganire n’iterambere ry’umuryango babasezeranya ko ikibazo cyabo bagiye kugikemura bakavana mu muhanda.

SOMA IZINDI NKURU:

- Umugore w’umuzunguzayi yiciwe muri gare ya Nyabugogo

- Umuzunguzayi wiciwe Nyabugogo yahagurukije abayobozi, abazunguzayi basuka amarira

- ’Nyirakuru’ w’abazunguzayi umaze imyaka 35 acuruza agataro, yasutse amarira imbere ya Minisitiri


Tanga Igitekerezo
Ibitekerezo 7
peter Kuya 13-06-2016

abayobozi bumugi niba kuyobora bibananiye nibegure kuko ntacyo bamaze.Izo ngegera zikomeza kuduhohotera bakazihorera,ariko ntacyo ziri ku isi zizabona.

karimu Kuya 12-06-2016

Mwe mupfa kuvuga gusa, iyaba mwari muziko ahubwo uwufite umugambi wo gukomeza guharabika DASSO afite uwo bizafata cg se ababyihishe inyuma, kko bimaze kugaragara ko abo bose bivugwa nta DASSO yigeze ibakubita kko nababakubise bagenda bamenyekana, urugero: umuzunguzayi wa nyabugogo yakubiswe nabashinzwe isuku muri company yitwa Agruni, uwagiporoso akubitwa numu security wa RFTC nibindi mutazi! abanyamakuru babeshwa byinshi kko akenshi DASSO nibo bahita bahagaragara nkabahosha cg batabaye maze inshuti zabazunguza nabandi babifitemo inyungu bakagoreka indimi kuko badashaka kwicara bikanga abashinzwe gukumira ibibi baba barimo! nge narabyiboneye ntahazagire uwongera kubabeshyera kko hari ikigamijwe kubarwanya DASSo!

kalisa Kuya 11-06-2016

Izo nterahamwe muzaba mureba akazo

munana Kuya 11-06-2016

ese dasso yatojwe gukubita gusa???? Reta nitabare izo nzira karengane

zubeda Kuya 11-06-2016

aba dasso bakora amafuti arenze ayabazunguzayi nukuri. u muntu ukubitwa akagera aho aba intere iyo bamufunga bakareka kumuhohotera??? reta nigire icyo ikora kko inkoni zakwica abazunguzayi .

bt Kuya 10-06-2016

dasso bayikureho irakabije. wagira ngo ntibazi icyo bakora

musoni Kuya 10-06-2016

leta nigire icyikora kuko ibibintu ntibisobanutse. abakene aho kwicwa ninzara bazicwa na DASSO pe! gusa buri ruhande nirukurikize amategeko,ntawe uhutajwe.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA