konka coffee
KONKA

AMAKURU

UKWEZI

Imvura nyinshi yahitanye abantu 49, isenya amazu 472 inangiza ibindi byinshi

Imvura nyinshi yahitanye abantu 49, isenya amazu 472 inangiza ibindi byinshi
8-05-2016 saa 17:57' | By Chief Editor | Yasomwe n'abantu 5157 | Ibitekerezo 8

Mu karere ka Gakenke ko mu Ntara y’Amajyaruguru, imvura nyinshi yangije amazu menshi inahitana ubuzima bw’abantu benshi, mu gihe mu turere twa Muhanga, Rubavu na Ngororero naho hapfuye abantu. Muri rusange, abantu 49 bapfuye, hasenyuka amazu 472, hakomereka benshi, hasenyuka ibiraro n’imihanda ndetse amatungo y’abaturage arapfa.

Kugeza mu masaha ya saa moya z’umugoroba wo kuri iki cyumweru tariki 8 Gicurasi 2016, imibare ikinyamakuru Ukwezi.com cyahawe na Frederic Nteziryayo ushinzwe itangazamakuru muri Minisiteri ifite gukumira ibiza mu nshingano zayo, ni iy’abantu barenga 49 bahitanywe n’ibiza by’imvura hirya no hino mu gihugu ariko cyane mu Majyaruguru y’u Rwanda.

Mu karere ka Gakenke ari nako kibasiwe cyane, abantu 34 bapfuye, hasenyuka amazu 419, hasenyuka ibiraro n’imihanda 22, naho amatungo 20 y’abaturage arapfa. Mu karere ka Muhanga naho abantu 8 bapfuye, hasenyuka amazu 53. Muri Ngororero hapfuye abantu 3 naho muri Rubavu hapfa abantu 4, mu gihe abakomeretse bari gukurikiranwa n’abaganga, muri rusange ari 26.

Mu karere ka Gakenke ari nako kibasiwe bikomeye, umuhanda Kigali - Musanze wangiritse bituma ufungwa wirirwa utari Nyabagendwa, kuburyo abagendaga muri izo nzira byanasabye kuzenguruka muri Ngororero.

Kugeza ubu Minisiteri ifite gukumira ibiza mu nshingano zayo, ifatanyije n’izindi nzego zitandukanye barimo gushakira ubutabazi bw’ibanze abashegeshwe n’ibi biza byaturutse ku mvura nyinshi.

Iyi mvura yangije byinshi, ihitana ubuzima bw’abantu benshi ndetse inahahamura abatari bacye


Tanga Igitekerezo
Ibitekerezo 8
barutwanayo Kuya 10-05-2016

Abakomeretse nababuze ababo mugore ukwihangana

joniyo Kuya 9-05-2016

Mana tabara urwanda uturinde Ibiza kuko ntakabuza icyakurikiraha nimyuzure.

Nshuti anastase Kuya 9-05-2016

iyi mvura wagirango nigatumwa,nonese imvura igwa igicekimwe.nkubumuburasirazuba ninke.

Andrew Kaggua Kuya 9-05-2016

Imana niyo gisubizo naho imiryango yabuze ababo igume kwihangana

Esther Kuya 9-05-2016

Ariko iyi mvura yaguye ryari ko mu burasirazuba Ntayo nabonye? gusa ndihanganisha imiryango yabuze ababo rwose

Sos Kuya 8-05-2016

Birakome

Man Kuya 8-05-2016

Iteganyagihe rikwiye gushyirwamo ingufu hakaba ama stations mu gihugu hose, kuburyo iibiza nkibi bimenywa mbere nigihe bizabera then hakagira igikorwa mbere byaba kwimura abantu bigakorwa kugirango ntidukomeze kubura abantu. Ibi bintu Google yari yarabivuze ko mu ibihugu birimo nurwanda bizahura nibiza nkibi byose! Abashinzwe iteganyagihe bongere igihe cya research bamenye niryari knd ni nahehe mu gihugu ibi bibazo bishobora kuba! Banatange possible solutions to the problem.
Murakoze

hakuziyaremye prosper Kuya 8-05-2016

Abaturage bagakenye babuze babo bagire kwihangana

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA