Ngororero: Impanuka y’imodoka yashyize mu kaga ubuzima bw’abagenzi, uwari uyitwaye aratoroka ariruka

Chief Editor | 9-05-2016
Ngororero: Impanuka y’imodoka yashyize mu kaga ubuzima bw’abagenzi, uwari uyitwaye aratoroka ariruka

Mu masaha y’igicamunsi cyo kuri uyu wa Mbere tariki 9 Gicurasi 2016, impanuka y’imodoka itwara ibagenzi yo mu bwoko bwa Toyota Hiace yabereye mu murenge wa Nyange wo mu karere ka Ngororero mu Ntara y’Uburengerazuba bw’u Rwanda, nyuma uwari uyitwaye ahita atoroka.

Nk’uko umuvugizi w’ishami rya Polisi y’u Rwanda rishinzwe umutekano wo mu muhanda, Sup Jean Marie Vianney Ndushabandi yabitangarije ikinyamakuru Ukwezi.com, iyo modoka yari itwaye abagenzi yarenze umuhanda ubwo yari igeze mu murenge wa Nyange muri Ngororero, mu bantu bari bayirimo hakaba hapfuyemo umwe ariko hakomereka abantu 13 bose.

Uyu muvugizi wa Polisi kandi yashimangiye amakuru y’uko umushoferi wari utwaye iyio modoka yaburiwe irengero kugeza ubu, bikaba bishoboka ko yabonye imodoka yari atwaye ishyize mu kaga ubuzima bw’abagenzi abafata icyemezo cyo guhita atoroka.

KANDA HANO UREBE VIDEOS UTASANGA AHANDI