konka coffee
KONKA

AMAKURU

UKWEZI

Uwashaka guhungabanya umutekano w’u Rwanda yakubitwa n’inkuba atazi aho iturutse - Lt Col Mutembe

Uwashaka guhungabanya umutekano w’u Rwanda yakubitwa n’inkuba atazi aho iturutse - Lt Col Mutembe
10-05-2016 saa 19:21' | By Chief Editor | Yasomwe n'abantu 3491 | Ibitekerezo 4

Lt Col Mutembe Frank ukuriye ingabo z’u Rwanda mu karere ka Nyarugenge ko mu mujyi wa Kigali, yatangaje ko uwashaka guhungabanya umutekano w’u Rwanda wese n’aho yaba ari hose, yahura n’akaga gakomeye. Yasobanuye ko uwabigerageza, yahita akubitwa n’inkuba atazi aho iturutse.

Ibi Lt Col Mutembe Frank yabitangaje mu nama yahuje abazunguzayi n’ubuyobozi bw’umujyi wa Kigali, ubw’akarere ka Nyarugenge n’imirenge imwe n’imwe ikagize, Minisiteri y’ubiringanire n’iterambere ry’umuryango ndetse n’izindi nzego zishinzwe umutekano zirimo abakuriye ingabo na Polisi mu karere ka Nyarugenge.

Lt Col Mutembe Frank ukuriye ingabo z’u Rwanda mu karere ka Nyarugenge

Muri iyi nama yari yitabiriwe n’abayobozi batandukanye barangajwe imbere na Minisitiri w’uburinganire n’iterambere ry’umuryango Dr Diane Gashumba, abazunguzayi baganirijwe uburyo hashakwa umuti ubafasha kureka gukomeza gucuruza mu kajagari, ari nabyo byabaye intandaro y’urugomo rwakorewe umugore witwaga Uwamahoro Theodosie wiciye muri gare ya Nyabugogo kuwa Gatandatu tariki 7 Gicurasi 2016.

JPEG - 74.4 kb

Abazunguzayi bari benshi cyane ubwo bakoranaga inama n’abayobozi batandukanye

Ubwo yafataga ijambo, Lt Col Mutembe Frank uhagarariye ingabo mu karere ka Nyarugenge, yasobanuriye aba bazunguzayi ko bakwiye kugira uruhare mu kubungabunga umutekano, ari nabwo yavuze ko uzashaka kuwuhungabanya azahura n’akaga. Mu magambo ye ati: "Uwashaka guhungabanya umutekano w’u Rwanda yakubitwa n’inkuba atazi aho iturutse".

Lt Col Mutembe Frank kandi, yijeje aba bazunguzayi ba Nyabugogo ko ntawe uzongera kwicwa nk’uko byagendekeye mugenzi wabo mu mpera z’icyumweru gishize. Abazunguzayi bakoranye inama n’aba bayobozi, ni abo mu mirenge ya Gitega, Kimisagara na Muhima yose yo mu karere ka Nyarugenge.

REBA VIDEO HANO ABAZUNGUZAYI BACINYA AKADIHO:


Tanga Igitekerezo
Ibitekerezo 4
ngume Kuya 11-05-2016

Iyo mubyina kandi njye mbona mwakagombye kuba mu kiriro cya mwene wanyu birababaza! Iyo nkuba ya afande ihoraho mu Rwanda ntaho izajya?Plz!

issa Kuya 11-05-2016

uriya mudamu wapfiriye nyabugogo mumpera zicyumweru gishize yabaje abanyarwanda twese ntibikwiyeko yarigukubitwa akarinda iyapfa twasabaga ko ababikoze bakatirwa burundu

karinganire JeAN Kuya 11-05-2016

Afande Mutembe ndamuzi arakemura icyo kibazo cyabazunguzayi bo mu mujyi wa KIGALI.

Manzi Kuya 10-05-2016

Uwo ubivuze arabona anafite urutegekoko rwo kurwana!!!!!! Mujye mwiyera umunsi rwatngiye muzabitwereke naho ibindi ni urugambo

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA