Abakiriye neza inama mpuzamahanga yabereye i Kigali bashimiwe na Perezida Kagame

Chief Editor | 23-07-2016
Abakiriye neza inama mpuzamahanga yabereye i Kigali bashimiwe na Perezida Kagame

Ku mugoroba wo kuri uyu wa Gatanu tariki 22 Nyakanga 2016, Perezida wa Repubulika y’u Rwanda Paul Kagame yakiriye abagize uruhare mu kwakira no gufata neza abashyitsi bitabiriye inama y’Abakuru b’ibihugu bigize umuryango nyafurika.

Mu ijambo rye, Perezida Kagame yashimiye Abanyarwanda bose aho bari hose, ku ruhare bagize mu kwakira abitabiriye iyi nama, n’uburyo bitwaye ngo ibintu bigende uko byifuzwaga. Perezida Kagame kandi yashimiye abakozi bose ba Radisson Blu Hotel iba mu nyubako ya Kigali Convention Center, abamenyesha ko abo bakiriye bose bashimye serivizi bahawe.

Abantu batandukanye bashimiwe uburyo bakiriye neza abashyitsi

Mu ijambo rye, Perezida Paul Kagame yagize ati: "Uburyo twakiriye iyi nama niwo muco wacu, nirwo Rwanda turimo twubaka. Abanyarwanda mu nzego zose ndabashima. Umuco wacu ukomeze kuba uwo kwakira abashyitsi neza, u Rwanda rukomeze rube nyabagendwa. Igisigaye ni uguhozaho dukomeza kunoza serivisi dutanga, tugana ku iterambere twifuza"

Minisitiri w’Ububanyi n’Amahanga n’Ubutwererane nawe yari ari muri uyu muhango

Umukuru w’Igihugu yanashimiye abashinzwe umutekano, avuga ko nabo bakoze akazi keza nk’uko bisanzwe, abashyitsi bakaba barabaye mu mutekano usesuye. Yaboneyeho gushimira urubyiruko, avuga ko ari abana b’igihugu bafashe iyi nama bakayigira iyabo maze bagakora akazi keza amasaha yose.

Abahanzi Charly na Niba basusurukije abanyacyubahiro bari bitabiriye uyu muhango

KANDA HANO UREBE VIDEOS UTASANGA AHANDI