AMAKURU

UKWEZI
CHENO

Abantu 10 barwanya Perezida Kagame n’abagambiriye kumugirira nabi barahoze hafi ye

Abantu 10 barwanya Perezida Kagame n’abagambiriye kumugirira nabi barahoze hafi ye
14-10-2016 | By Chief Editor | Yasomwe n'abantu 38103 | Ibitekerezo 16

Benshi mu bazwi cyane barwanya ubutegetsi bwa Perezida Kagame kimwe n’abahamwe n’ibyaha byo kugambirira kumugirira nabi, bigeze kugirirwa nawe icyizere bahabwa imyanya y’ubuyobozi ikomeye, ndetse hari n’abahoze ari abasirikare bakuru yari ayoboye mu rugamba rwo kubohora u Rwanda , hakabamo n’abamurindaga.

Muri iyi nkuru, turabagezaho urutonde rw’abantu 10 bigeze kuba hafi ya Perezida Paul Kagame mu myanya ikomeye y’ubuyobozi n’iya gisirikare, bakaba bari mu baza ku isonga mu kumurwanya cyangwa bakaba barahamwe n’ibyaha birimo ibyo gusenya ubutegetsi bwe no kugambirira kubugirira nabi cyangwa kumugirira nabi ubwe nk’Umukuru w’igihugu.

1- Gen Kayumba Nyamwasa

JPEG - 42.6 kb

Lt Gen Kayumba Faustin Nyamasa yigeze kuba umugaba mukuru w’ingabo z’u Rwanda, nyuma aza guhagararira u Rwanda mu Buhinde ku mwanya wa ambasaderi, aho yavuye afata iy’ubuhungiro akerekeza muri Afurika y’Epfo.

Muri 2011, Lieutenant General Kayumba Nyamwasa yahamwe n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Afatanyije na bagenzi be barwanya Perezida Kagame n’ubutegetsi bwe, bashinze ishyaka RNC rirwanya byeruye ubutegetsi bw’u Rwanda. Yagiye kandi ashinja Perezida Kagame ibyaha birimo n’icyo guhanura indege y’uwahoze ari Perezida, Juvenal Habyarimana.

2 - Colonel Patrick Karegeya

JPEG - 55.2 kb

Col Patrick Karegeya nawe yahoze afite umwanya ukomeye yahawe na Perezida Kagame, akaba yarigeze gukorera ishami rishinzwe iperereza ryo hanze y’igihugu. Nyuma yo gufungwa kabiri azira imyitwarire idahwitse, muri 2006 yaje kwamburwa ipeti rye rya Colonel.

Uyu nawe yaje guhungira muri Afurika y’epfo muri 2007 ndetse aza kuburanishwa adahari muri 2011, ahamwa n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya, hanyuma akatirwa imyaka 20 y’igifungo. Uyu nawe yagiye ashaka kwibasira Perezida Kagame anarwanya ubutegetsi bw’u Rwanda mu buryo bweruye, kugeza ubwo yaje kwicwa arasiwe muri Afurika y’Epfo muri Mutarama 2014.

3- Major Rudasingwa Theogene

JPEG - 166.1 kb

Major Rudasingwa Theogene we yabaye umuyobozi w’ibiro bya Perezida wa Repubulika, aba Umunyamabanga mukuru wa RPF ndetse yanabaye Ambasaderi w’u Rwanda muri Leta Zunze Ubumwe za Amerika. Yahungiye muri Amerika muri 2004 ndetse nawe muri 2011 aza guhamwa n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Kugeza n’ubu, uyu ari mu barwanya byeruye ubutegetsi bw’u Rwanda.

4- Gerard Gahima

JPEG - 37.4 kb

Gerard Gahima yigeze kuba umushinjacyaha mukuru w’u Rwanda, ndetse yanabaye Visi Perezida w’urukiko rw’ikirenga. Nyuma nawe yaje guhunga, ndetse aza no kujya byeruye mu ishyaka rya RNC rirwanya ubutegetsi buriho mu Rwanda. Nawe yagejejwe imbere y’ubutabera ahamwa n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya, hanyuma akatirwa imyaka 20 y’igifungo.

5- Col Tom Byabagamba

JPEG - 68.3 kb

Col.Tom Byabagamba yahoze akuriye itsinda ry’abasirikare barinda Perezida Paul Kagame, ariko nyuma yaje gutabwa muri yombi ndetse yaje guhamwa n’ibyaha akatirwa igifungo no kwamburwa amapeti ya gisirikare n’ubwo yahise ajurira.

Muri Werurwe uyu mwaka wa 2016, Col Tom Byabagamba yahamijwe icyaha cyo gukwiza nkana ibihuha agomesha rubanda, arwangisha ubutegetsi, icyaha cyo gusebya leta; icyaha cyo guhisha nkana ibintu byagombye gufasha kugenza icyaha gikomeye hamwe n’icyaha cyo gusuzugura ibendera ry’igihugu cyangwa ibimenyetso biranga ubwigenge. Yakatiwe gufungwa imyaka 21 no kwamburwa impeta zose za gisirikare.

6 - Brig Gen Frank Rusagara

JPEG - 136.2 kb

Brig Gen Frank Rusagara, yahoze ari umusirikare mukuru mu ngabo z’u Rwanda, ndetse uyu ni muramu wa Col Tom Byabagamba dore ko n’urubanza baburanaga bari kumwe, nawe akaba yarakatiwe igifungo muri Werurwe 2016 ahita ajurira.

Rtd Brig Gen Frank Rusagara yahamijwe kwamamaza nkana ibihuha no kugomesha rubanda abangisha ubutegetsi buriho, gukora igikorwa kigamije gusebya Leta ari Umuyobozi, ndetse no gutunga imbunda binyuranije n’amategeko. Yahise ahanishwa gufungwa imyaka 20 ariko arajurira.

7- Lt Joel Mutabazi

JPEG - 33.4 kb

Mbere yo gutoroka mu ngabo z’u Rwanda, Lt Joel Mutabazi yakoreraga akazi mu mutwe urinda Umukuru w’igihugu n’abandi bayobozi. Akaba yari mu barinze urugo rw’umukuru w’igihugu ku kiyaga cya Muhazi.

Lt Joel Mutabazi yahanishijwe igifungo cya burundu ndetse no gukurwaho impeta za gisirikare, uyu mwanzuro ukaba warafashwe n’urukiko rukuru rwa gisirikare tariki 3 Ukwakira 2014 nyuma yo gusanga Joel Mutabazi wari ufite ipeti rya Lieutenant ahamwa n’ibyaha byose yaregwaga muri uru rubanza rwitiriwe urw’iterabwoba. Yaregwaga ibyaha birimo iterabwoba, kugambirira kugirira nabi igihugu n’umukuru w’igihugu ndetse no gukorana n’imitwe ifite imigambi mibi ku Rwanda irimo FDLR na RNC, bimwe mu bikorwa bashinjwaga hakaba hari harimo gutera gerenade zagiye zihitana ubuzima bw’abantu mu gihugu.

8 - Rujugiro Ayabatwa Tribert

JPEG -

Umunyemari Rujugiro, ni umwe mu bahoze ari abajyanama ba Perezida Kagame mu by’ubukungu, by’umwihariko mu mwaka 2006 yashyizwe mu bajyanama b’Umukuru w’Igihugu bakomoka ku isi hose barimo na Tony Blair. Rujugiro kandi yayoboye Rwanda Investment Group.

Igihe cyaje kugera ariko Rujugiro ashinjwa ibyaha birimo umugambi wo guhungabanya umudendezo w’igihugu ndetse aza guhungira muri Afurika y’Epfo, ubu akaba ari umwe mu batavuga rumwe n’ubutegetsi bw’u Rwanda.

Rujugiro mu minsi ishize yareze Leta y’u Rwanda mu rukiko rwa Afurika y’Uburasirazuba rukorera i Arusha muri Tanzania avuga ko Leta y’u Rwanda, ibinyujije muri Komisiyo y’Umujyi wa Kigali ishinzwe gucunga imitungo yatawe na ba nyirayo, yafatiriye imitungo ye nyuma y’uko agiye mu buhungiro mu gihugu cya Afurika y’Epfo. Iyo mitungo irimo inyubako ya UTC ikorerwamo ubucuruzi butandukanye, ifite agaciro ka miliyoni 20 z’amadolari y’Amerika, ni ukuvuga asaga 16.000.000.000 uyabaze mu mafaranga y’u Rwanda.

Rujugiro kandi ashaka ko yanasubizwa indi mitungo irimo inyubako iri i Gikondo mu karere ka Kicukiro ndetse n’imigabane ye iri mu ruganda rw’icyayi ruri mu Majyepfo y’igihugu.

9- David Himbara

JPEG - 28.8 kb

Dr David Himbara ni impuguke mu by’ubukungu, akaba ndetse yaranabaye umujyanama wa Perezida Paul Kagame mu by’ubukungu. Gusa yaje guhunga ndetse ntavuga rumwe n’uwo yari abereye umujyanama kimwe n’ubutegetsi bwe bwose, mu binyamakuru no ku mbuga nkoranyambaga zitandukanye akaba ahora agaragaza ko arwanya Leta y’u Rwanda.

10- Twagiramungu Faustin

PNG - 304.6 kb

Guverinoma yashyizweho tariki 19 Nyakanga 1994 nyuma y’ihagarikwa rya Jenoside, yari igizwe na Perezida Pasteur Bizimungu, Visi Perezida Major General Paul Kagame ndetse na Twagiramungu Faustin ku mwanya wa Minisitiri w’Intebe. Twagiramungu yahawe umwanya bigizwemo ubushake na Perezida Kagame, kuko nk’uwari uyoboye ingabo zari zimaze gutsinda urugamba rwo kubohora u Rwanda, yari afite ijambo nyamukuru.

Nyuma yo kuva kuri uyu mwanya wa Minisitiri w’Intebe, Twagiramungu yahungiye i Burayi, aho yahise ashinga ishyaka RDI Rwanda rwiza ritavuga rumwe kandi rirwanya byeruye ubutegetsi bw’u Rwanda. Mu bitangazamakuru no ku mbuga nkoranyambaga, ahora avuga amagambo asebya Perezida Kagame n’ubutegetsi bwe.


Tanga Igitekerezo
Ibitekerezo 16
karangwa madjudu Kuya 17-10-2016

Ibyavugwa byose haba kumukuru w’igihugu cyacu haba no kugihugu ubwacyo twe nkabanyarwanda ntacyo bizaduhungabanyaho ahubwo iyabaga bamenyagako bitwongerera umurego mwiterambere barikunuma bagaceceka, muzehe wacu tukuri inyuma muribyose igipfunsi oyeeee✊

karangwa madjudu Kuya 17-10-2016

Ibyavugwa byose haba kumukuru w’igihugu cyacu haba no kugihugu ubwacyo twe nkabanyarwanda ntacyo bizaduhungabanyaho ahubwo iyabaga bamenyagako bitwongerera umurego mwiterambere barikunuma bagaceceka, muzehe wacu tukuri inyuma muribyose igipfunsi oyeeee✊

bizakandi Kuya 17-10-2016

U rwanda rufite abarusengera ba sha !!mujye musabiriza mubundi buryo
President wacu uko mumuvuga bimwingerera imbaraga zo gukora! nishyari mumufitiye kuko abanyarwanda tumukunda! erega turanamusengera! kandi ibyo bigambo byanyu ntacyo bimubwiye!muvuge kabisa !ibyo namaco yinda,ariko gusebya igihugu cyawe nikosa rikomeye nta numugisha ubamo! So,mushatse mwakwitonda mugapagasa cg mugasabiriza mubundi buryo!erega nabo bazungu barabaseka bati ibyirabura nibicucu!ngaho ni muhanishe!!muzumirwa!

kumbuka obed Kuya 17-10-2016

kabisa jye ndabona aba bagabo ibyo bikoza nubusa pee nonese kobibwira ko bahirika ubutegetsi bwa kagame paul ndabona bidashoboka nkubu dore uwari arishize ko agomba kugarura ubwami ariwe kigeri V ndahindurwa birangiye aguye muhungiro naba bo nda biruka nkibicyu byicyanda rwo cg inyuma yumuyaga. Bacyishe make rwose kuko nibikwiye habe nagato ahubwo baze dusangirire kw’isahane imwe twungurane ibitekerezo.

niyonzima jean de Dieu Kuya 16-10-2016

Ukuri guca muziko ntigushye kandi ntibishoboka ko umwijima ubana numucyo kimwe kimukira ikindi ; umucyo uganza umwijima. Rwanda komeza uterimbere umucyo wara kurasiye; erega na yesu yarabivuze ngo abo bahoze arabacu ariko icyatumye bagenda nukugira ngo bigara gare ko atarabacu byukuri. Rwanda have died once ; never again

gati Kuya 16-10-2016

Barishuka, ntacyo bazatwara urwanda.

Muzehe wacu twamuhawe n’Imana, nta nicyo ibyo bisambo byatumarira ni induru gusa!

Janet Kuya 15-10-2016

Nta mpamvu nimwe mbona yo kuvuga igihugu cyacu nabi kuko twe tukirimo nitwe tuzi aho tuva naho tujya

Michael Kuya 15-10-2016

iyikirayikiboze kibagikwiye gukurwamubindi kugirangokitanduza n’ibindi

king Kuya 14-10-2016

kagame we se ni umwere ? hahahaha

Salut Kuya 14-10-2016

Bose bikoza ubusa ! U Rwanda rurinzwe n’Uwiteka . President wacu Imana ikomeze imuturindire .

tatoo pablo jp Kuya 14-10-2016

ntakadashira nimisozi tubona izavanwaho

tatoo pablo jp Kuya 14-10-2016

ntakadashira nimisozi tubma izavanwaho

akezaolga50@yahoo.fr Kuya 14-10-2016

wabwirwa niki uri mumakosa,cyane ko utanatubwiye ibyo bapfa?Karegeya se ko yapfuye nawe ari mubamurwanya,bariya bamurindaga ntago wahamya ko bamurwanya.Gs ubutaha uzatubwire abo President ashinjwa kwikiza....mbona bose ntamwere urimo.Bafite ibintu bikomeye bapfa tutazi ntampamvu yo gufana.

Eng mpfizi Balian Lincolin Kuya 14-10-2016

jyewe icyombona rero nuko kuvugira amagambo nyuma yigihugu nakamaro bifite kukise badataha wowe uzavugira amagambo mugihugu kitariwanyu ninde uzakumva ahubwo nimuka tubeshye nukwishakira imibereho mugemuvugisha ukuri nimugashake ubuzima musebya igihugu cyababyayee

kiki Kuya 14-10-2016

ibyo bakora byose barabizi ko urwanda ruyobowe ni intore iruta izindi ntibabasha kurwanya urwanda kandi babimenye ko abanyarwanda nitwe twahisemo utubereye ngo atuyobore LONG LIVE MY PRESIDENT PAUL kAGAME .

Morgan Kuya 14-10-2016

Hagiye benshi

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA