Abarundi bakomeje kwirukanwa mu Rwanda

Chief Editor | 11-06-2016
Abarundi bakomeje kwirukanwa mu Rwanda

Umubare w’Abarundi birukanwa mu Rwanda ukomeje kwiyongera, mu gihe Leta y’u Rwanda ivuga ko abirukanwa ari abamaze igihe kirekire baba mu gihugu nta byangombwa kandi atari impunzi, ariko uruhande rw’u Burundi rukagaragaza ko birukanwa kubera impamvu za politiki.

Nyuma ya benshi birukanywe mu minsi yashize, Radio Ijwi rya Amerika ivuga ko ku mugoroba wo kuwa Gatanu tariki 10 Kamena 2016, abarundi 201 birukanywe mu Rwanda bakiriwe muri Komine ya Bugabira yo mu Ntara ya Kirundo.

Muri iki cyumweru kandi, Leta y’u Rwanda yirukanye abarundi 387, kandi gahunda yo kubirukana ikaba ikomeje nk’uko byakomeje gushimangirwa n’abayobozi batandukanye ku ruhande rw’u Rwanda.

Leta y’u Rwanda kandi ivuga ko abirukanwa kubera kutagira ibyangombwa batazira ko ari Abarundi, ahubwo ngo ni icyemezo cyo kwirukana abanyamahanga badafite ibyangombwa bose, bakaba baba mu Rwanda kandi batitwa impunzi.

KANDA HANO UREBE VIDEOS UTASANGA AHANDI