Amafoto 50 y’umuhango Perezida Kagame yagurukijemo indege zitagira abapilote (Drones)

Chief Editor | 15-10-2016
Amafoto 50 y’umuhango Perezida Kagame yagurukijemo indege zitagira abapilote (Drones)

Kuri uyu wa Gatanu tariki 14 Ukwakira 2016, Perezida wa Repubulika y’u Rwanda, Paul Kagame, yamuritse ku mugaragaro Indege zitagira abapilote [Drones] zigiye gutangira gukoreshwa bwa mbere zigafasha mu guteza imbere no kwihutisha serivisi z’ubuzima n’ubuvuzi mu Rwanda.

Uyu muhango wabereye mu mudugudu wa Nyagacyamu, mu kagari ka Ruli ko mu murenge wa Shyogwe wo mu karere ka Muhanga, ahamaze iminsi hubakwa ikibuga kizajya cyakira izi ndege. Izi ndege zigiye gukoreshwa bwa mbere mu mateka, zizagira uruhare mu guteza imbere ubuvuzi aho zizajya zifashishwa mu bikorwa byo kugeza amaraso n’imiti mu bice by’icyaro bigoye kugerwamo n’imodoka. Zigiye gukoreshwa ku bufatanye bw’u Rwanda na Sosiyete ya Zipline International yo muri Leta Zunze Ubumwe za Amerika.

Uyu muhango wo kumurika no gutaha ku mugaragaro ibikorwa by’ikoreshwa ry’izi ndege (Drones) wari urimo abafatanyabikorwa benshi barimo Minisiteri y’Ubuzima, ibigo nka UPS, Zipline na GAVI, byose birajwe ishinga no guteza imbere ubuvuzi hakoreshejwe ikoranabuhanga rigezweho.

Uyu muhango kandi witabiriwe n’abayobozi bakuru b’igihugu batandukanye barimo Minisiteri y’Ubuzima, iy’Ikoranabuhanga n’urubyiruko, iy’ubutegetsi bw’igihugu n’abandi, Perezida Paul Kagame wari umushyitsi mukuru, uretse ijambo yagejeje ku bawitabiriye rishimangira ko u Rwanda rugomba gukomeza gukataza mu ikoranabuhanga, akaba yaranatangije iguruka rya mbere ry’izi ndege zigiye gukoreshwa muri serivisi z’ubuzima, bwa mbere mu Rwanda no ku isi yose muri rusange izi ndege zikaba ari bwo zigiye gukoreshwa muri izi servisi.

DORE AMAFOTO AGUSHUSHANYIRIZA NEZA UKO UYU MUHANGO WAGENZE:

Amafoto: Village Urugwiro

KANDA HANO UREBE VIDEOS UTASANGA AHANDI