konka coffee
KONKA

AMAKURU

UKWEZI

Bazivamo Christophe yagizwe umunyamabanga mukuru wungirije muri EAC

Bazivamo Christophe yagizwe umunyamabanga mukuru wungirije muri EAC
7-06-2016 saa 15:28' | By Chief Editor | Yasomwe n'abantu 1291 | Ibitekerezo

Christophe Bazivamo yagizwe umunyamabanga mukuru wungirije ushinzwe imari n’imiyoborere mu muryango w’ibihugu bya Afurika y’Iburasirazuba, n’ubusanzwe akaba yari ahagarariye u Rwanda muri Nteko Ishinga Amategeko y’uyu muryango.

Mbere yo gutangira imirimo ye, agomba kuzabanza akarahizwa na Perezida John Pombe Magufuli wa Tanzania usanzwe ari umuyobozi mukuru w’ihuriro ry’uyu muryango. Leta y’u Rwanda, yari yaramutanze nk’ukwiye kuyihagararira kuri uyu mwanya.

Kugeza ubu uyu muryango ufite abanyamabanga bakuru bungirije bane, bashinzwe ibintu bitandukanye. Muri abo hakaba harimo ushinzwe umusaruro n’ibikorwa by’imibereho y’abaturage, ushinzwe igenamigambi n’ibikorwa remezo, ushinzwe ibikorwa bya politiki ndetse n’ushinzwe imiyoborere n’imari.

Bazivamo Christophe yagiye ayobora Minisiteri zitandukanye mu Rwanda, harimo iy’ubutaka, ibidukijije, amashyamba, amazi na mine, hakabamo iy’ubutegetsi bw’igihugu ndetse n’iy’ibikorwa by’imbere mu gihugu. Bazivamo kandi, ni na Visi Perezida wa FPR/Inkotanyi.


Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA