Bidasubirwaho, ibiryabarezi byongeye kwemererwa gukorera mu Rwanda

Chief Editor | 14-08-2016
Bidasubirwaho, ibiryabarezi byongeye kwemererwa gukorera mu Rwanda

Nyuma y’uko tariki 27 Nyakanga 2016, Minisiteri y’Ubucuruzi n’inganda ihagaritse imikino y’amahirwe ikoresha imashini (Slot machines) abanyarwanda benshi babatije ’Ibiryabarezi’ kuri iki Cyumweru tariki 14 Kanama 2016 byongeye gukomorerwa n’ubwo hashyizweho ingamba.

Itangazo rya Minisiteri y’Ubucuruzi n’Inganda ryasohotse rikanashyirwaho umukono kuri iki Cyumweru tariki 14 Kanama 2016, rivuga ko hari zimwe muri kompanyi zakoraga ubu bucuruzi bw’imikino y’amahirwe byagaragaye ko babikoraga mu buryo budakurikije amategeko.

Minisiteri y’Ubucuruzi n’Inganda ivuga ko hari amakompanyi yakoraga ubu bucuruzi adafite ibyangombwa yahagaritswe burundu, mu gihe andi yabikoraga afite ibyangombwa ariko ntiyubahirize ibisabwa, ayo akaba yabaye ahagaritswe by’agateganyo.

Gusa ababikoraga mu buryo bwemewe, bafite ibyangombwa kandi banubahiriza amategeko bo guhera kuri iki Cyumweru bagomba kongera bagakora, hatitawe ku kuba hari abantu benshi bakomeje kwerekana ko babangamirwa cyane n’iyi mikino y’amahirwe.

KANDA HANO UREBE VIDEOS UTASANGA AHANDI