Bosenibamwe uzwiho ibikubara yakuwe mu buyobozi. Byinshi kuri we n’icyo agiye gukora

Chief Editor | 5-10-2016
Bosenibamwe uzwiho ibikubara yakuwe mu buyobozi. Byinshi kuri we n’icyo agiye gukora

Kuri uyu wa Kabiri tariki 4 Ukwakira 2016, Perezida wa Repubulika y’u Rwanda Paul Kagame, yashyizeho Guverinoma nshya, ahindura bamwe mu bayobozi, by’umwihariko ba Guverineri b’Intara eshatu bakaba bahinduwe. Mu bahinduwe, harimo uw’Intara y’Amajyaruguru, Uburasirazuba n’Uburengerazuba. Muri aba bose, Guverineri Bosenibamwe Aimé, niwe wakundaga kuvugwa cyane. Azwiho ibintu byinshi byihariye, muri ibyo hakaba harimo n’ibikubara (imbaraga z’umubiri zidasanzwe) agaragaza cyane cyane mu gikorwa cy’umuganda.

JPEG - 181.2 kb


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Hari abayobozi benshi bahagarikira abaturage mu mirimo itandukanye y’amaboko bakayibakoresha ariko kuri Bosenibamwe we ni ikinyuranyo, kuko ahubwo hari n’aho abaturage bagaragaza ubunebwe ariko we ntacike intege ndetse ntanabasiganye ahubwo akabyikorera, iteka imbaraga ze n’umurava agaragaza mu mirimo y’ingufu bikaba bitangaza benshi.

JPEG - 84.3 kb
JPEG - 236.3 kb
JPEG - 283.2 kb
JPEG - 189.3 kb
JPEG - 39.6 kb
JPEG - 89.3 kb
JPEG - 79.5 kb
JPEG - 159.4 kb
JPEG - 128.1 kb

Bosenibamwe azwiho umurava n’imbaraga zidasanzwe mu bikorwa by’umuganda

Bosenibamwe Aimé w’imyaka 48 y’amavuko, yavutse tariki 27 Ugushyingo 1968) avukira mu karere ka Rubavu mu ntara y’Uburengerazuba. Yavutse kuri Mbarushimana Theoneste na Ikizanye Leocadie. Ni umugabo wubatse, yashakanye na Gloriose Sifa kandi bafitanye abana batanu. Abana be b’imfura ni impanga bafite imyaka cumi n’umwe. Bosenibamwe Aimé amaze imyaka 17 akora imirimo inyuranye muri Politiki y’u Rwanda, akaba yaratangiye gukorera Leta mu 1999.

JPEG - 144.1 kb

Yize amashuri abanza muri Kanama mu karere ka Rubavu, akaba ari inzobere mu bijyanye n’ubuhinzi dore ko yabyize mu mashuri yisumbuye, agakomeza akabikurikirana no muri Kaminuza. Afite impamyabushobozi mu by’ubuhinzi (Sciences-Agronomiques) yakuye muri Kaminuza ya Kisangani muri Repubulika Iharanira Demokarasi ya Kongo. Ibijyanye n’ubuhinzi, ninabyo yakoze cyane mu nzego zitandukanye, kuko yatangiye abyigisha mu mashuri yisumbuye.

JPEG - 76.7 kb

Kuva mu 1999 kugeza mu 2000 yabaye umwarimu muri EAV Kibuye, kuva muri 2000 kugeza muri 2001 ajya kuba Umwarimu muri EAV Kibungo, hanyuma ahava ajya gukora muri Minisiteri y’Ubuhinzi n’Ubworozi yakozemo kuva muri 2001 kugeza muri 2002, aho yari ashinzwe iyamamaza buhinzi. Kuva mu mwaka wa 2003 kugeza muri 2005 yari Umunyamabanga Nshingwabikorwa w’Intara ya Kibungo, naho kuva muri 2006 kugeza muri 2009 yabaye umuyobozi w’akarere (Meya) w’akarere ka Burera mu Ntara y’Amajyaruguru, avanwa kuri uwo mwanya agirwa Guverineri w’Intara y’Amajyaruguru, uyu mwanya akaba yari awumazeho imyaka isaga 7 kuko yagiyeho tariki 4 Werurwe 2009, akaba yavuyeho kuri uyu wa Kabiri tariki 4 Ukwakira 2016.

Bosenibamwe Aimé wakunze kugaruka cyane mu bitangazamakuru, yagiye avugwaho ibintu bitandukanye, akenshi akaba yaragiye avugwaho kugira uruhare mu byaha bitandukanye.

JPEG - 199.4 kb

Bamwe mu batawe muri yombi bakurikiranyweho icyaha cyo gukorana n’umutwe wa FDLR urwanya Leta y’u Rwanda, bashinje Bosenibamwe Aimé ko nawe bafatanyaga mu bikorwa by’iterabwoba byo gutera amagerenade mu bice bitandukanye by’igihugu, ndetse bashimangira ko ari umwe mu bakorana cyane n’abagize uyu mutwe wa FDLR. Mu bindi byaha bikomeye yavuzweho, harimo icyo kuba yaricishije umupolisi ndetse agacura umugambi wo kwica uwahoze ari Meya wa Musanze.

Nyuma yo gukurwa ku mwanya wa Guverineri w’Amajyaruguru, Bosenibamwe agiye gukora iki?

Muri Kanama 2014, Bosenibamwe yabajijwe na Kigali Today icyo ateganya gukora naramuka akuwe ku mwanya w’ubuyobozi. Icyo gihe yavuze ko abizi neza ko atazaba umuyobozi ubuziraherezo, kuko u Rwanda ari igihugu gihora mu mpinduka z’iterambere kandi cyihuta mu iterambere, bityo hakaba hari igihe hakenerwa izindi mbaraga we agakurwa mu mwanya w’ubuyobozi.

JPEG - 43 kb

Bosenibamwe yavuze ko hari igihe kizagera akajya mu yindi mirimo itari iyo kuyobora, ibi bikaba byanabayeho kuko kugeza ubu nta mwanya wundi yari yahabwa. Yavuze ko ibyo nibiba, aho azaba ari hose azakorera igihugu cye, agatanga ibitekerezo byubaka igihugu, by’umwihariko agafatanya n’abandi mu bikorwa by’ishoramari, gukora business no kujya muri za forum (amahuriro) zitanga ibitekerezo.

JPEG - 31.4 kb

KANDA HANO UREBE VIDEOS UTASANGA AHANDI