konka coffee
KONKA

AMAKURU

UKWEZI

Gasana wamaganye Amerika mu kugaya imiyoborere y’u Rwanda yahagaritswe ku kazi

Gasana wamaganye Amerika mu kugaya imiyoborere y’u Rwanda yahagaritswe ku kazi
11-08-2016 saa 04:52' | By Chief Editor | Yasomwe n'abantu 10995 | Ibitekerezo 6

Ambasaderi Eugene Richard Gasana wari uhagarariye u Rwanda mu Muryango w’Abibumbye yahagaritswe mu kazi ke n’Inama y’Abaminisitiri yateranye kuri uyu wa Gatatu tariki 10 Kanama 2016, ibi bikaba bibaye nyuma y’amezi macye yamaganye mu buryo bweruye mugenzi we uhagarariye Amerika wagaye imiyoborere na Politiki by’u Rwanda.

Tariki 21 Werurwe 2016, nibwo ku cyicaro cy’Umuryango w’Abibumbye mu mujyi wa New York habaye ibiganiro mbwirwaruhame by’Akanama k’Umuryango w’Abibumbye Gashinzwe Umutekano, byigaga ku kwirinda no gukemura amakimbirane mu Karere k’Ibiyaga Bigari. Muri ibi biganiro, Ambasaderi Samantha Power uhagarariye Amerika mu Muryango w’Abibumbye yanenze uburyo imiyoborere y’u Rwanda iteye.

Mbere na mbere Ambasaderi Samantha Power yashimye iterambere ry’u Rwanda n’intera rwateye mu kubungabunga amahoro mu bindi bihugu, ashima cyane ibyo u Rwanda rwagezeho nyuma ya Jenoside yakorewe Abatutsi, ariko anenga ibijyanye no kurengera uburenganzira n’ubwisanzure muri Politiki.

JPEG - 81.9 kb

Yavuze ko Leta Zunze Ubumwe za Amerika zishishikajwe no gukomeza ubufatanye n’u Rwanda, ariko anenga kuba hari ibitagenda neza mu bwisanzure n’urubuga mu bya Politiki, ubwisanzure no kwishyira ukizana kw’abaturage muri rusange n’ukw’itangazamakuru mu kujya impaka ku bijyanye na politiki no gutangaza ibibazo bihari, agaragaza kandi ko ibi byose bifite ingaruka zikomeye kuri ejo hazaza h’u Rwanda. Yanagarutse ku kuba u Rwanda rukwiye gutera imbere rugendeye ku kwimakaza amahame ya Demokarasi aho kugendera ku muntu umwe ari we Perezida Kagame.

Ambasaderi Eugene Richard Gasana wari uhagarariye u Rwanda mu Muryango w’Abibumbye, yanze kuripfana yamagana yivuye inyuma ibyatangajwe na mugenzi we Samantha Power, aho yavuze ko ibihugu bikomeye na Loni, ntacyo byakoze mu 1994 ubwo Jenoside yabaga mu Rwanda, bityo u Rwanda rukaba rutazemera umuntu wese washaka kwivanga no gutambamira amahitamo y’u Rwanda, by’umwihariko uwahangara Perezida Kagame ari intwari y’u Rwanda yahagaritse Jenoside ikanateza imbere abanyarwanda.

JPEG - 142.4 kb

Yakomeje agira ati: “Tuzi ibifitiye akamaro u Rwanda n’Abanyarwanda, ntabwo ari ngombwa ko tubyemeranyaho , mukwiye kwemera amahitamo yacu. Hari byinshi dushobora tukavugaho rumwe n’igihugu cyanyu ariko nta kindi twabikoraho, ni ukubibarekera... mushaka kwivanga mu rubuga rwacu rwa politiki ariko nta muntu uzigera arwivangamo; ni iby’Abanyarwanda kandi bo bonyine. Ko abayobozi banyu babivuze neza ko demokarasi ari ubutegetsi bw’abaturage kandi bushyirwaho n’abaturage, mwaretse Abanyarwanda bakagira amahitamo yabo.”

Uku kutavuga rumwe kwa Ambasaderi Gasana Richard Eugene na Ambasaderi Samantha Power, byakomeje kuvugwa cyane mu bitangazamakuru mpuzamahanga, bamwe banabihinduramo ko Gasana yubahutse Samantha Power na Leta Zunze Ubumwe za Amerika ahagarariye.

Ambasaderi Gasana Richard Eugene w’imyaka 54 y’amavuko yahagaritswe ku kazi ke nyuma y’imyaka myinshi ahagararira u Rwanda n’inyungu zarwo mu bihugu bitandukanye birimo u Budage, Autriche, Bulgaria, u Burusiya, Hongiria, Pologne, Czech Republic na Romania. Kugeza kuri uyu wa Gatatu, yari ahagarariye u Rwanda mu Muryango w’Abibumbye.


Tanga Igitekerezo
Ibitekerezo 6
RWEMA RWOMA Kuya 22-08-2016

Uhaze Ikivuge Ntabura ikivugo

Kabego Kuya 21-08-2016

Umutype yazize kurengera bana!!!

frank Kuya 21-08-2016

Ese ubundi ko numva ngo twishoboye muri byose tuzi nicyo dushaka, abo baba bajya kuduhagararira mu biki kandi? hhhh! yabaye ..............cyimennye inda! naze abo yihaga kurengera kdi akavuga ibyo atemeranywa n’umutimanama we, bamwereke bamukande amaso kahave!!!

Bene Kuya 11-08-2016

Amagambo Gasana yakoresheje muli Onu icyo gihe ntanalimwe navanamwo. Yavugishije ukuri atashoboraga guca iruhande. Souveraineté y’ Urwanda na génocide uko yakozwe nuko yarangiye nuko impamvu zayiteye zitarashira, ntabwo ali ibintu yali guca iruhande mugihe abanyamahanga batabyumvise cyangwa bashaka kubyirengajyiza.
Niba kandi koko ko azize iryo jambo, ntazize ko yacumuye cyangwa ko yahubutse; azize kurushwa amaboko kuko ahagarariye agahugu gato katemerewe kugira agaciro.
N’ubundi Kandi abadiplomates basanzwe bahindagurika buli kanya. Niyo miterere, ninayo kamere yakariya kazi. Ubundi se abamubanjirije ni bangahe ? Muligande we se ntagarutse ? Muribuka induru mwavugije icyo gihe ? Mbese muzahora muli BYACITSE ntakindi mugikora ?

Paul Kuya 11-08-2016

Tubwire wowe ubizi.
Nibiki?

Bagiramenyo Kuya 11-08-2016

Hari ibintu Kamenyero yakoze kandi bidakwiye, bituma abona ishyano. Fora ni ibiki???

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA