Hari abasirikare basezerewe, abahawe ikiruhuko n’abarangirijwe amasezerano y’akazi

Chief Editor | 9-07-2016
Hari abasirikare basezerewe, abahawe ikiruhuko n’abarangirijwe amasezerano y’akazi

Abasirikare bagera kuri 271 mu ngabo z’u Rwanda, bakivuyemo kubera iz’abukuru cyangwa impamvu z’uburwayi, mu gihe abagera kuri 353 bo amasezerano yabo mu ngabo z’u Rwanda yarangiye nabo bikemezwa ko bakivamo.

Ibi byemejwe mu nama y’Abaminisitiri idasanzwe yateranye kuri uyu wa Gatanu tariki 8 Nyakanga 2016, inama yayobowe na Perezida wa Repubulika y’u Rwanda, Paul Kagame.

Inama y’Abaminisitiri yemeje Iteka rya Minisitiri ryemerera kujya mu Kiruhuko cy’Izabukuru ba Su-Ofisiye Bakuru 225 bo mu Ngabo z’u Rwanda ndetse n’Iteka rya Minisitiri risezerera ba Su-Ofisiye n’Abasirikare Bato 46 bo mu Ngabo z’u Rwanda kubera impamvu z’uburwayi.

Uretse aba kandi, Inama y’Abaminisitiri yanemeje Iteka rya Minisitiri ryemeza irangira ry’Amasezerano kuri ba Su-Ofisiye n’Abasirikare Bato 353 bo mu Ngabo z’u Rwanda.

KANDA HANO UREBE VIDEOS UTASANGA AHANDI