AMAKURU

UKWEZI
CHENO

Hari amahirwe ku banyarwanda barangije Kaminuza bifuza kujya gukorera mu mahanga

Hari amahirwe ku banyarwanda barangije Kaminuza bifuza kujya gukorera mu mahanga
31-07-2016 | By Chief Editor | Yasomwe n'abantu 6721 | Ibitekerezo 3

Abanyeshuri baherutse kurangiza icyiciro cya kabiri cya Kaminuza kimwe n’abandi bose bamaze imyaka itarenga ibiri barangije aya masomo, muri bo hari abafite amahirwe yo kujya kwimenyereza akazi mu mahanga (professional internships) bakajya hanahembwa guhera ku madolari 500 kuzamura.

Aya mahirwe aratangwa biciye mu muryango AIESEC Rwanda, nk’uko byemejwe na David Niyonsaba, umuyobozi ufite mu nshingano ze ibijyanye no gutegura no gukurikirana iby’imikoranire n’ibigo mpuzamahanga muri uyu muryango, mu kiganiro yagiranye n’ikinyamakuru Ukwezi.com.

David Niyonsaba avuga ko abemerewe gusaba kuba babona aya mahirwe, ari abamaze imyaka itarenga ibiri babonye impamyabumenyi zabo za Kaminuza, bakaba bazi neza ururimi rw’icyongereza kandi kuba baba barakoranye n’indi mishinga ihuriweho n’ibihugu byinshi bikaba byaba ari akarusho. Bagomba no kuba biteguye gukorera hanze y’igihugu, mu gihe kingana cyangwa kirenga amezi atandatu.

Abazabasha kubona aya mahirwe, David Niyonsaba avuga ko bazunguka ubunararibonye bwo gukorera imishinga iri ku rwego mpuzamahanga, kandi bikazajyana n’umushahara kuva ku madolari 500 kuzamura. Ibihugu uyu muryango wa AISEC ukoreramo uko ari 128, nibyo iyi myanya igiye iherereyemo.

Umuntu wese waba wifuza gusaba guhabwa aya mahirwe, ashobora kohereza umwirondoro we (CV) kuri e-mail: rwanda@aiesec.net hanyuma akanayisangiza david.niyonsaba@aiesec.net bitarenze tariki 8 Kanama 2016.


Tanga Igitekerezo
Ibitekerezo 3
ndahimana Tharcisse Kuya 1-01-2017

Nibyiza cyane bizadufasha kwimenyereza umwuga nonese abasanzwe ari abanyamuryango ba Aisec bo bafashwa iki? Murakoze kumva igitekerezo cyanjye nonese akabazo ntago mushobora kudufasha kudushakira internship academic nkatwe abanyamuryango banyu cyane ko twamenye ibyiza byanyu mudufashe kabsa ok njye ndi umunyeshuri KIm university level 2 mudusubize happy new year 2017 and i wish all the best in ur road of life

ndahimana Tharcisse Kuya 1-01-2017

Nibyiza cyane bizadufasha kwimenyereza umwuga nonese abasanzwe ari abanyamuryango ba Aisec bo bafashwa iki? Murakoze kumva igitekerezo cyanjye

ndahimana Tharcisse Kuya 1-01-2017

Nibyiza cyane bizadufasha kwimenyereza umwuga nonese abasanzwe ari abanyamuryango ba Aisec bo bafashwa iki? Murakoze kumva igitekerezo cyanjye

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA