AMAKURU

UKWEZI
CHENO

Hon. NYANDWI Désiré wari Umudepite w’u Rwanda nawe yitabye Imana

Hon. NYANDWI Désiré wari Umudepite w’u Rwanda nawe yitabye Imana
14-10-2016 | By Chief Editor | Yasomwe n'abantu 16994 | Ibitekerezo 9

Nyuma y’urupfu rwa Hon Mucyo Jean De Dieu rwashenguye benshi, Hon. NYANDWI Joseph Désiré wari umudepite mu Nteko ishinga amategeko y’u Rwanda, nawe yitabye Imana kuri uyu wa Gatanu tariki 14 Ukwakira 2016, akaba yaguye mu bitaro byitiriwe Umwami Faycal ku Kacyiru.

Ku rubuga rwa Twitter rw’Inteko Ishinga Amategeko y’u Rwanda, handitseho amagambo agira ati: "Hamwe n’umutima uremerewe wuzuye agahinda, Inteko Ishinga Amategeko y’u Rwanda irabamenyesha ko Hon. NYANDWI Désiré yitabye Imana kuri uyu wa 14 Ukwakira 2016, mu bitaro byitiriwe Umwami Faycal."

JPEG - 200.3 kb

Ikinyamakuru Ukwezi.com cyavuganye na Maurice Kabandana ushinzwe Itangazamakuru mu Nteko Ishinga Amategeko y’u Rwanda, tumubaza icyo Hon NYANDWI Désiré yaba yazize, adutangariza ko nta kindi kugeza ubu yabasha kuvuga kirenze ibyanditswe ku rubuga rwa twitter. Uyu mudepite atabarutse nyuma y’iminsi micye Hon. Senateri Mucyo Jean De Dieu nawe atabarutse mu buryo butunguranye.

Hari umuntu wari inshuti na Nyakwigendera Hon Nyandwi Joseph Désiré, watangarije ikinyamakuru Ukwezi.com ko baherukanaga ejobundi tariki 9 Ukwakira 2016, kandi icyo gihe akaba yari ameze neza nta burwayi yatakaga. Hari amakuru kandi atugeraho avuga ko yageze mu bitaro byitiriwe umwami Faycal kuri uyu wa Kane avuga ko atameze neza, ariko bikaba bitaragaragaraga nk’ibikomeye cyane.

JPEG - 101.3 kb

Hon. Nyandwi Joseph Désiré yavutse tariki 4 Werurwe 1954, bivuga ko atabarutse afite imyaka 62 y’amavuko. Yari inzobere mu by’ubuhinzi, dore ko yari abifitemo impamyabumenyi ya Kaminuza ihanitse (Agronomic Engineer, Certificate in Technical Bases for Crop Protection)

Dore imwe mu mirimo y’ingenzi yakoze:

- Kuva tariki 29 Ukwakira 1994 kugeza tariki 07 Gashyantare 1999, yabaye Perefe w’icyahoze ari Perefegitura ya Gitarama.

- Kuva tariki 8 Gashyantare 1999 kugeza tariki 19 Werurwe 2000, yabaye Minisitiri w’Ubutegetsi bw’igihugu.

- Kuva tariki 11 Werurwe 2000 Kugeza tariki 15 Ugushyingo 2002, yabaye Minisitiri w’Ubutegetsi bw’igihugu n’imibereho myiza y’abaturage

- Kuva tariki 20 Ugushyingo 2002 kugeza tariki 22 Kanama 2003, yabaye umudepite mu Nteko Ishinga Amategeko y’u Rwanda mu gihe cyayo cy’inzibacyuho.

- Kuva tariki 10 Ukwakira 2003 kugeza ubu, yari Umudepite watowe ahagarariye ishyaka rya FPR Inkotanyi

JPEG - 190.4 kb

Tanga Igitekerezo
Ibitekerezo 9
john kigeli Kuya 16-10-2016

nyine gupfa bigomba kubaho nonese nadapfa NGO abandi bigaragaze bizagenda gute? yarariyeho nave nabandi gsa ikimbabaza nuko bagenda nta new business basize NGO tuyihereho dutere imbere mubifrnga reta iba yabahaye NGO ibitekerezo natwe uwaduha umwanya twatanga byinshi RIP

Raban Kuya 14-10-2016

ugiye twari tukigukeneye, Imana imwakire mubayo, imiryango ndetse Ninteko nkabanyarwanda muri rusange tubuze intwari.

Raban Kuya 14-10-2016

ugiye twari tukigukeneye, Imana imwakire mubayo, imiryango ndetse Ninteko nkabanyarwanda muri rusange tubuze intwari.

jado Kuya 14-10-2016

imana imwakire mubayo

pasteur Kuya 14-10-2016

Imana imwakire mu ntore zayo maze aruhukire mu mahoro.

ben BEBETO Kuya 14-10-2016

Imana imuhe iruhuko ridashira. gusa uvuze ko nyir’urugo yapfuye siwe uba amwishe! yazize uburwayi kuko yagiye kwamuganga yiyumvamo ko atameze neza birangira anaguyeyo. ntampaka zo kuvuga ngo icyo yazize kirebwe kuri Tweeter

eerrttr Kuya 14-10-2016

nukwihangana

BIZIMANA MATABARO Etienne Kuya 14-10-2016

Pole sana kumuryango wa nyakwigendera no kugihugu cyose

uwayo Kuya 14-10-2016

gute umuntu waguye mu bitaro bidutera impungenge zo kuvuga ko azize uburwayi ibyo bikeneye perereza ki? ubundi iyo uguye kwa muganga utazize impanuka uba uzize indwara ndumva nta bundi busesenguzi bukwiye gusa umuryango we mwihangane,inteko ndetse n’umuryango RPF mukomere

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA