Ibihugu birimo n’u Rwanda byemeranyijwe kuba biretse ibyo guca imyenda ya Caguwa

Chief Editor | 18-07-2016
Ibihugu birimo n’u Rwanda byemeranyijwe kuba biretse ibyo guca imyenda ya Caguwa

Nyuma y’iminsi byemejwe ko imyenda yambawe izwi nka Caguwa izamurirwa imisoro mu rwego rwo gutangira inzira yo kuyica mu Rwanda, iki cyemezo gisa n’icyabaye kirengagijwe kuko abakuru b’ibihugu byo mu karere ka Afurika y’Uburasirazuba, bemeranyijwe ko baba bihanganiye Caguwa kugera mu mwaka wa 2020.

Umwanzuro wo guca amarenga ko imyenda n’inkweto byambawe bitakifuzwa, ntabwo wari uw’u Rwanda gusa ahubwo n’ibindi bihugu byo mu karere ka Afurika y’Uburasirazuba byari bigeze kure ishyirwa mu bikorwa by’iki cyemezo, ariko cyabaye gisubitswe nk’uko Ronah Serwadda uyobora Minisiteri y’ibikorwa by’umuryango w’Afurika y’Uburasirazuba mu gihugu cya Uganda, yabihamije mu kiganiro n’ikinyamakuru The East African.

Ronah Serwadda yavuze ko abakuru b’ibihugu bigize uyu muryango bemeranyijwe ko igihe cyo kwihanganira iyi myenda cyakongerwa, hakigwa neza ibijyanye n’ubushobozi aka karere gafite mu bijyanye no kwikorera imyambaro, mu gihe inkweto n’imyenda byambawe bizwi nka Caguwa byaba byamaze gucibwa burundu.

Ronah Serwadda ati: “Kuzana imyenda n’inkweto byambawe muri aka karere, ntacyo bidufasha mu guteza imbere inganda zacu. Inyigo tuzakora zizadufasha kumenya niba dufite ubumenyi, amapamba n’ibindi bihagije byakorwamo imyenda yabasha gusimbura iyo izaba yaciwe burundu.”

N’ubwo nta kiratangazwa ku ruhande rw’u Rwanda dore ko abakuru b’ibihugu n’abandi bayobozi bahugiye mu by’inama y’abakuru b’ibihugu bimbumbiwe mu muryango wa Afurika Yunze Ubumwe, imisoro yari yatangajwe ko yongerewe mu rwego rwo guca caguwa yari yakanze benshi dore ko hari imyambaro yari kujya isoreshwa inshuro 25 z’ayo yajyaga isora, bivuga ko nk’iyari gusora amafaranga 1.000 yagombaga kuzajya isora amafaranga 2.5000

KANDA HANO UREBE VIDEOS UTASANGA AHANDI