Igitanda Perezida Kagame yararagaho akiri umunyeshuri cyashyizwe ahagaragara

Chief Editor | 26-09-2016
Igitanda Perezida Kagame yararagaho akiri umunyeshuri cyashyizwe ahagaragara

Igitanda Perezida Paul Kagame yararagaho mu mashuri yisumbuye mu Burengerazuba bwa Uganda, cyagaragajwe n’iki gihugu mu gihe hategurwa ibirori byo kwizihiza umunsi mpuzamahanga ngarukamwaka w’umukerarugendo uzaba kuri uyu wa Kabiri tariki 27 Nzeri 2016

KTPress dukesha iyi nkuru, itangaza ko ibi birori bizabera i Mbarara aho ishuri rya Ntare riherereye. Ntare School ni ikigo gikomeye kandi cyubashywe muri aka karere, kuko kizemo Perezida Museveni wa Uganda na Paul Kagame w’u Rwanda.

Abayobozi bafite iby’ubukerarugendo mu nshingano zabo mu gihugu cya Uganda, bashyize hanze igitanda Perezida Paul Kagame yararagaho muri Ntare School hamwe n’icyo Perezida wabo Yoweri Museveni nawe yararagaho.

JPEG - 39.9 kb

Igitanda Perezida Kagame yararagaho, hejuru yacyo handitseho ibisobanuro byacyo ndetse hari n’ifoto ye

Abakerarugendo bazabasha kuhagera, bazabasha kwibonera ibi bitanda by’abanyeshuri baje guhinduka abayobozi b’ibihugu byabo. Perezida Kagame yize muri Ntare School kuva mu 1972 kugera mu 1976. Yabaga mu cyumba cya mbere mu nyubako yitwaga Stanley House, ubu ikaba yarahindutse Pioneer House.

Abafite ubukerarugendo mu nshingano zabo muri Uganda, biteze ko ibi bitanda bizazamura cyane umubare w’abakerarugendo bifuza gusura umurage w’amateka y’iki gihugu cyo muri Afurika y’Uburasirazuba.

KANDA HANO UREBE VIDEOS UTASANGA AHANDI