konka coffee
KONKA

AMAKURU

UKWEZI

Imyanya mishya yari yahawe ba Guverineri b’Intara nayo yahise ikorwamo impinduka

Imyanya mishya yari yahawe ba Guverineri b’Intara nayo yahise ikorwamo impinduka
5-10-2016 saa 18:33' | By Chief Editor | Yasomwe n'abantu 10972 | Ibitekerezo 1

Mureshyankwano Marie Rose ubu niwe Guverineri w’Intara y’Amajyepfo

Nyuma y’uko Perezida Kagame kuri uyu wa Kabiri tariki 4 Ukwakira yari yashyizeho abagize Guverinoma nshya ndetse ba Guverineri b’Intara bagahindurwa uretse uw’Intara y’Amajyepfo, hahise hakorwamo izindi mpinduka, ubu nta Guverineri n’umwe wagumye mu Ntara yayoboraga.

Uko byari byatangajwe mbere, Intara y’Amajyaruguru yayoborwaga na Bosenibamwe Aimé yahawe Musabyimana Claude naho Intara y’Uburasirazuba ihabwa Kazayire Judith wari umuyobozi w’umujyi wa Kigali wungirije ushinzwe imibereho myiza y’abaturage wasimbuye Uwamariya Odette, naho mu Ntara y’Uburengerazuba, Mureshyankwano Marie Rose yari yasimbuye Caritas Mukandasira, Intara y’Amajyepfo igumana Alphonse Munyentwari.

Itangazo ryashyizweho umukono na Minisitiri w’Intebe, Murekezi Anastase kuri uyu wa Gatatu tariki 5 Ukwakira 2016, rigaragaza impinduka kuri aba ba Guverineri, gusa ntawambuwe umwanya ahubwo bahinduranyijwe, birangira nta ntara n’imwe igumanye Guverineri yari isanganywe.

Alphonse Muntentwari yahawe kuyobora Intara y’Uburengerazuba, naho Mureshyankwano Marie Rose ajyanwa kuyobora Intara y’Amajyepfo y’u Rwanda. Mureshyankwano yari asanzwe ari umudepite mu Nteko Ishinga Amategeko y’u Rwanda.


Tanga Igitekerezo
Ibitekerezo 1
Hishamunda Kuya 6-10-2016

Ni byiza bajye gutanga amaraso mashya. Ariko kugeza ubu ndabona bakibeshya ku izina ry’uwari Umukuru w’Intara y’Amajyepfo kugeza ubwo ryandikwa nabi no mu biro bya Minisitiri w’Intebe. Ubundi yitwa MUNYANTWALI (Alphonse) ntabwo ari MUNYENTWARI. Si hano gusa no mu binyamakuru abaryandika uko rikwiye ni mbarwa.

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA