AMAKURU

UKWEZI

Inzira Pasteur Bizimungu yanyuzemo kuva yagirwa Perezida w’u Rwanda n’ibyo yahuye nabyo

Inzira Pasteur Bizimungu yanyuzemo kuva yagirwa Perezida w’u Rwanda n’ibyo yahuye nabyo
20-07-2016 | By Chief Editor | Yasomwe n'abantu 10553 | Ibitekerezo 6

Perezida Pasteur Bizimungu, niwe Perezida wa mbere u Rwanda rwagize nyuma ya Jenoside yakorewe abatutsi, akaba ari nawe rukumbi ukiriho mu bigeze kuyobora iki gihugu bavuye ku butegetsi. Itariki nk’iyi mu myaka 22, yari mu biro bya Perezida w’u Rwanda muri Village Urugwiro.

Pasteur Bizimungu, niwe wahise ayobora u Rwanda nyuma y’ihagarikwa rya Jenoside, akaba yaricaye mu ntebe y’ubuyobozi tariki 19 Nyakanga 1994 ubwo yari afatanyije na Major General Paul Kagame wari Visi Perezida akaba ari nawe wari umugaba mukuru w’ingabo. Pasteur Bizimungu yayoboye u Rwanda mu gihe gikabakaba imyaka 6, kugeza ubwo yatangazaga ko yeguye ku bushake tariki 23 Werurwe 2000.

JPEG - 420.3 kb

Hagati aho ariko akimara kwegura, Charles Ntakirutinka wabaye Minisitiri w’Ingufu, Imirimo ya Leta, no gutwara abantu n’Ibintu; ndetse akaba yaranigeze kuba Minisitiri w’imibereho Myiza y’Abaturage mu gihe cy’ubutegetsi bwa Pasteur Bizimungu ndetse bakavira rimwe mu myanya y’ubuyobozi, muri 2001 bafatanyije n’abandi bantu batandatu bashinga ishyaka bise PDR-Ubuyanja (Parti Démocratique du Renouveau/ Democratic Party for Renewal Ubuyanja) mu gihe uyu Pasteur Bizimungu yahoze mu ishyaka rya FPR Inkotanyi ubwo yari Perezida.

Mu kwezi kwa Kane 2002, nibwo batawe muri yombi bazira ibyaha byo gukwirakwiza ibihuha mu baturage hagamijwe kubangisha ubuyobozi n’amategeko y’igihugu. Bashinjwaga kandi gukora inama rwihishwa ngo zari zigambiriye kubangamira umudendezo w’igihugu no guteza amacakubiri mu Banyarwanda.

Bahise bagezwa imbere y’urukiko, maze Pasteur Bizimungu akatirwa imyaka 15 y’igifungo ariko aza guhabwa imbabazi na Perezida wa Repubulika Paul Kagame kuwa 6 Mata 2007; mu gihe Charles Ntakirutinka we yakatiwe gufungwa imyaka icumi, iki gihano cye akaba yaranakirangije tariki 01 Werurwe 2012.

Uyu mugabo Pasteur Bizimungu w’imyaka 66 kugeza ubu, ninawe ukiri ku isi mu ba Perezida bose bigeze kuyobora u Rwanda mbere ya Perezida Paul Kagame uyobora kugeza ubu. N’ubwo akiriho ariko, kuba yarakatiwe byamwambuye uburenganzira bwo kongera kugaragara mu mirimo ya Politiki.


Tanga Igitekerezo
Ibitekerezo 6
Simbi Kuya 4-08-2016

Politike nyanga urunuka.

look banda Kuya 24-07-2016

yewe mubwire paster ngo imasisi mu rdc duca akagani ngo imputira kumira ya size akanwa karangaye. Yitoze se atorwe nande abo yagambaniye se cyangwa aboyahaye ubuyobozi?

VAVA Kuya 21-07-2016

ariko wibuke ko uwayoboraga bcdi,atigeze afungwa amezi atandatu6 muri gereza bagezaho bakamufungisha ijisho iwe murugo gusa.naho paster we yarakatiwe nurukiko aranafungwa ahubwo agirirwa imbabazi na presidant avamo igihano kitarangiye.

J.P Kuya 21-07-2016

Uyu mugabo aba Perezida bari bamwibeshyeho cyane. Yaranzwe iteka no gububuka, kuva akiyobora Electrogaz mbere ya 1994. Ntibyantangaza rero ko na nyuma yakomeza guhubuka. Mureke twiyoborerwe neza n’Ubuyobozi bwiza, budahubuka

furaha Kuya 21-07-2016

Ubundi uwamuhaye imbabazi utekerezako Atari azi amategeko mwarese uwabitangije akabisoza

barikwegera Kuya 21-07-2016

Kalisa alfred

wahoze ayobora BCDI we si ambassador ntiyari yarakatiwe se agahabwa imbabazi na perezida. Kuki amategeko akurikizwa kuri bamwe?

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA