konka coffee
KONKA

AMAKURU

UKWEZI

Kuki amatora ya Perezida agiye kudutwara akayabo ka 5.500.000.000 kandi tuzi uzatorwa?

Kuki amatora ya Perezida agiye kudutwara akayabo ka 5.500.000.000 kandi tuzi uzatorwa?
17-09-2016 saa 11:46' | By Chief Editor | Yasomwe n'abantu 22985 | Ibitekerezo 23

Mu gihe mu Rwanda twitegura amatora ya Perezida wa Repubulika azaba mu mwaka utaha wa 2017, hari abantu benshi batumva uburyo iki gikorwa kizatwara akayabo ka miliyari eshanu na miliyoni magana atanu z’amafaranga y’u Rwanda (5.500.000.000), nyamara iki gikorwa kizaba ari nko kurangiza umuhango kuko uzatorwa azwi. Hari abasanga aya matora adakwiye kuba, ahubwo aka kayabo kagakoreshwa mu bikorwa biteza imbere abaturage.

Mu minsi ishize nibwo Umunyamabanga Nshingwabikorwa wa Komisiyo y’Igihugu y’Amatora, Charles Munyaneza, yatangaje ko igikorwa cy’amatora ya Perezida wa Repubulika azaba mu mwaka utaha wa 2017, kizatwara akayabo ka miliyari eshanu na miliyoni magana atanu. Ibitekerezo by’abantu benshi kuri iyi ngingo mu binyamakuru bitandukanye, bikaba byaragaragaje ko Perezida Kagame ari we abanyarwanda bashaka kandi bikaba bizwi ko ari nawe uzatorwa, bityo akaba akwiye kugumaho hadakozwe amatora, aya mafaranga agakoreshwa ibindi.

Hari uwagize ati: "Sinshyigikiye iyi ngengo y’imari ingana itya, mu gihe abana babuze buruse, n’uwavanaho ayo matora Perezida agakomeza adatowe ntibyabuza u Rwanda kuba u Rwanda. Abazungu basakuza bagera aho bakabireka, naho ubundi izo miliyari ndabona ari ukwihangira imirimo kw’abagize iyo komisiyo y’amatora. Amatora nanakorwa bakoreshe amafaranga macye ntacyo baza kutwigisha, gutora turabizi impuro ntizarenza miliyari imwe."

Hari n’undi wagize ati: "Ndabona ubu bukomeje kuba ubukoroni, kuko aya matora ku bwacu nk’abanyarwanda turabizi ko adakenewe, ahubwo turatinya ko abazungu bakomeza kutuvuzaho induru ngo twishe amahame ya demokarasi. Ntakundi tuzayakore, ariko mutekereze aya mafaranga aramutse akoreshejwe mu kutuvana mu bukene ukuntu ari byo byadufasha, Kagame azaba Perezida kandi tuzamutora hejuru ya 97% ibyo n’umwana muto arabibona, n’abo bazungu barabizi ko ntawundi ukwiye ni uko bigiza nkana."

Undi nawe yagize ati: "Rwose komisiyo nireke kwangiza amafaranga muzehe wacu twamutoye cyera, ahubwo amafaranga nakoreshwe ibindi abanyarwanda bakeneye."

Hari uwavuze kandi ati:"Iriya ngengo y’imari ndareba nkabona ibindi yagakwiye gukoreshwa ari byinshi cyane. Ariya matora rwose tuyareke kuko n’ubundi ikizavamo turakizi. None se ko abanyarwanda bose bifuje ko Umusaza akomeza kuyobora binyuze muri referendumu, ubwo ayo matora noneho ni ayo gushimangira? Gushimangira ndakeka ko atari ngombwa rwose. Cyakoze iyaba nta mafaranaga n’umwanya ayo matora yagatwaye wenda twayakora da."

Kuki benshi bahamya ko uzatorwa bamuzi kandi amatora ataraba?

Paul Kagame, ni umuyobozi w’umunyabigwi utangarirwa n’amahanga. Ibyo yakoreye u Rwanda ntibizwi n’abanyarwanda gusa, abatuye mu mpande zitandukanye z’isi yose nabo barumiwe, ndetse ibihembo n’ibikombe ntasiba kubihabwa. Kuba abanyarwanda baramuhundagajeho amajwi menshi mu matora ya manda zatambutse, bishimangira ko ubu noneho bizarushaho kuko ibigwi bye byakomeje kwiyongera.

Hari n’imibare ishimangira ko umuntu wese uzahatana na Perezida Kagame azaba arimo kurangiza umuhango kuko nta kindi azakura mu matora kitari ugutsindwa. Mu matora ya referandumu yabaye mu mpera z’umwaka ushize wa 2015, abanyarwanda bagombaga kwemeza cyangwa bakamagana ko Itegeko Nshinga rihinduka, kugirango bagaragaze amahitamo yabo ku bijyanye no kuba Perezida Kagame yakwemererwa kongera kwiyamamaza. Abagera kuri 98% batoye "YEGO", bishimangira ko baba baniteguye kumuhundagazaho amajwi mu gihe cy’amatora y’Umukuru w’Igihugu.

Hagendewe kuri iyi mibare, abandi baziyamamaza bashobora kuzagabana amajwi angana na 1.6% by’abanyarwanda bose kuko ari bo batoye "OYA" muri referandumu, bagaragaza ko batifuza ko Itegeko Nshinga ryahinduka ngo Kagame yemererwe kongera kwiyamamaza.

Mu by’ukuri se aya matora ni ngombwa?

Mu magambo macye, igisubizo ni YEGO. Amategeko ntabamo amarangamutima, kandi u Rwanda rugendera ku mategeko, na Perezida wa Repubulika aratorwa ntabwo yimikwa nk’uko biteganywa n’Itegeko Nshinga rya Repubulika y’u Rwanda. Ibyifuzo by’abanyarwanda bigomba kubahirizwa, ariko nta yindi nzira byanyuramo itari amatora.

Ntawakwirengagiza ko n’amatora ya referandumu yabaye bigaragara ko abanyarwanda benshi bisabira ko Itegeko Nshinga rihindurwa, ariko nk’igihugu kigendera kuri demokarasi, amatora niyo nzira yonyine abaturage bagaragarizamo amahitamo yabo. Amatora ya Perezida agomba kuba byanze bikunze, kuko u Rwanda rugendera ku mategeko kandi rwubahiriza amahame ya demokarasi, aho ubutegetsi bushyirwaho n’abaturage kandi bugashyirwaho binyuze mu matora.

Gusa wenda icyasuzumwa, ni ukureba niba nta buryo bushoboka bwakoreshwa mu kugabanya akayabo aya matora azatwara, wenda hakarebwa ikoranabuhanga ryakoroshya ibintu kandi bigakorwa mu buryo budahenze.

Iyi nkuru ishingiye ku bitekerezo bwite by’umwanditsi ashingiye ku bimenyetso bifatika, buri wese si ngombwa ko yemeranya nayo.


Tanga Igitekerezo
Ibitekerezo 23
Karimu Kuya 11-12-2016

Nuko turi abanyafrica.
Hari abagomba kubikiriramo kabone niyo ntamatora yabaho, hagomba kuboneka impamvu zituma amafranga asohoka.

y Kuya 10-12-2016

Ariko kuki dutinda tubeshya ijambo democracy kandi niba uzatorwa azwi ayo frw agiye kuribwa nabasanzwe barya mubareke Narye barenze amaso abashomeri bazuyikigihugu maze bage bahora batubeshya ngo twateyimbere abaryi bameze neza

Ben tunezerwe Kuya 28-11-2016

muzehe Wacu inzira yose bizacamo tuzayemera utuyobore turagushyigikiye 99% icyo tukwisabira nicyimwe turabizi niyo aya mafr.yasohoka mungengo y’imari kirashoboka kuko ibyo washoboye nibyinshi byari nkinzozi mubanyarwanda,ariko rwose ubushomeri yego bwahozeho ariko bwariyongereye bikabije .mubyeyi Wacu abana bawe barashonje ndavuga urubyiruko Reba uko ubigenza ubucyene buganuke urwanda rwejo rurusheho kuba rwiza niwowe duhanze amaso

olive Kuya 7-11-2016

amatora ningombwa, ariko hagabanywe aya mafaranga hashyirwaho ubundi buryo nko gukoresha internet murwego rwo kugabanya depenses mumatora

fred Kuya 28-09-2016

persident kagame turamukunda ku bw,umutekano neterambere ariko ubushomeri buratwishe murubyiruko njye ndamwisabira akazi imbaraga ndazifite niyo nabona igisirikari mu rdf cy porce tanks our persident 0722285904

eugene Kuya 23-09-2016

nubwo uwo tuzatora tumuzi,arko amatora ningombwa pe. ahubwo nibarebe uburyo bushoboka bwose bagabanya ,ayo mafaranga. nikindi gihe umusaza wacu tuzamutora.

Mick Kuya 22-09-2016

Nibyo koko 98% batoye Yego, kugirango itegeko nshinga rihindurwe His Excellence Mr Paul Kagame yemererwe kwiyamamaza. Nukuvuga ngo kurubu yemerewe kwiyamamariza umwanya wa President wa Repuburika y’u Rda. Afite amahirwe angana n’ayabandi baziyamamariza uyumwanya. Niyompamvu amatora ningombwa. Niba koko dushaka ko Mr PK akomeza kutuyobora turabikura mumagambo ahubwo tujye kumutora. Ibijyanye na bije byo, sinavuga ngo ninyinshi cg ni nkeya, byose bisaba kwicarahasi ugakora imibare.

gahizi Kuya 22-09-2016

Aya mafrw ntakwiye gupfa ubusa! Ntekereza igihe cy’abaturage miliyoni 12 bazatakaza,impapuro ishyano ryose z’itora ! Ko urebye gutora twabirangije kera(référendum) mwaretse tugatorera kuli internet ,( iterambere.com?)umuntu agashyiraho nr ID n’ijwi rye gusa? No gutora si agahato:utazatora shauri yake!

Teta ngabo re Kuya 21-09-2016

Ndumva ayo mafaranga nayafata abkubaka I’m ihangane nuwa mageragere bakabaha namazi aho kuyangiza kuko nubundi Papa wacu ntawundi twamusimbuza ukurikije ibyo uzi ubwenge wese yaba abona tugezeho tumuhe nkindi 20 urebe gusa imisoro nubukene bugabanuke kuko nibwo butera abantu imitima mibi niyo ndwara iri mu rwanda ubukene.com. com

Kaguriro Kuya 20-09-2016

Byose bishyirwaho n’abantu , bigakurwaho n’abantu ku bwumvikane cg mu bundi butyo! Mbona amatora atari ngombwa tubyumvikanyeho cyane ko abanyarwanda turi abakorerabushake! Abadepite bakusanya ibitekerezo byarenga 80 /100 agakomeza adatowe! Abavuga democratie bamenye ko iryo jambo ari iritirano kandi bamwe bataniyumvisha neza icyo rivuze mbere yo kurikoresha! Bamenye ko Demo— isobanurwa kwinshi ahantu hatandukanye bityo ibyo binyabazungu ntibyadutera igihe!

xxxx Kuya 19-09-2016

ariko ntimugakabye abavuga ko uzatorwa azwi babikura he!? ikindi ntimukaganye ngo bayahe abashomeur ese kuki twifuza guhabwa iteka njyewe nabaza ahubwo ngo ni uruhe ruhare rwanjye ngo aya mafaranga aboneke.

Innocent Kuya 19-09-2016

dusabe Immana byose ibituyoboremo.

Elise De Dieu Kuya 18-09-2016

Aya Mafaranga Ni Menshi Nibagabanye Budget Ariko Abavuga Ko Amatora Adakenewe Bo Ntiyubyumva Kimwe Kuko Turi Muri Demokarasi,turamutse Tudatoye Rero Andi Mashyaka Atartoye Yeo Muri Referandum Twaba Tuyahonyoye Bityo Abavugako Mu Rda Nta Dmokarasi Bakaba Babonye Ibyo Kuvuga, So Njye Ndumva Bagabanya Budget

usher kmyi Kuya 18-09-2016

amatora ni ngombwa cyane kdi asaba cash so abavuga ko hakoreshwa ikoranabuhanga byaba ari sawa but turacyari kure. turi America se? how many Rwandans do they use ICT? live our PK 👠👠ðŸ‘

Claude Kuya 17-09-2016

Aya mafaranga nagurizwe aba shomeurs batagira epfo na ruguru, bayahangemo imirimo ibateza imbere ikanateza igihugu imbere muri rusange. Adufashe mu guhangana n ikibazo cy ubushomeri cyane cyane mu rubyiruko, maze mwirebere ngo turatera imbere tutitaye kuri ba gashakabuhake bashaka kuturusha ubwenge ngo amahame ya demokarasi! Ubuyobozi wacu turamushyigikiye

Claude Kuya 17-09-2016

Aya mafaranga nagurizwe aba shomeurs batagira epfo na ruguru, bayahangemo imirimo ibateza imbere ikanateza igihugu imbere muri rusange. Adufashe mu guhangana n ikibazo cy ubushomeri cyane cyane mu rubyiruko, maze mwirebere ngo turatera imbere tutitaye kuri ba gashakabuhake bashaka kuturusha ubwenge ngo amahame ya demokarasi! Ubuyobozi wacu turamushyigikiye

lion Kuya 17-09-2016

Ntanpanvu nimwe abatemera bazatuvuguruze twebwe nkabanyarwanda tuzi icyo dukunda twaramutoye ahubwo amajwi niyo atarajya ahagaragara nukorero ntabwo twasesagura ahubwo ndunva twakishimira insinzi naho abafite amerwe muyasubize mwisaho se utamutora ninde cyeretse utazi gutandukanya ibyiza nibibi ndavuga utareba kurenza muri ml hasigaye gushira mubikorwa naho abavuga ntawunezeza rubanda mugire amahoro abatayafit naho twebwe irwand amahoro arahinda.

wemba Kuya 17-09-2016

Bagabanye budget bongere uburyo bunoze bwo gutora ko ari ibyacu se amahanga aradutegeka!!!!

muzimu Kuya 17-09-2016

Ikoranabuhanga rirakeneqe muri iki gikorwa umuntu akazatora aniryamiye mu rugo! N’ abarwayi mu bitaro bagatora.......ubwo ryaba rimaze iki? Cyangwa nuko nta f utora yaba yinjije

JO Kuya 17-09-2016

uziko izo cash zose katuvuge bazubakishirijemo abakene inzu buri nzu
ifite agaciro ka 1 500 000 havamo inzu 3500 zirenga

katuvuge wenda umwe bamwubakiye inzu ya 5000000 havamo inzu 1100 numurenge wose ndakurahiye

igitekerezo

hari serivice yirembo kuki tutayinyuzaho amajwi yacu ubundi ibyo bipapuro bajya kuzana imahanga ubundi nibyiki icyangombwa si ugutora
ikindi twarangije gutora ndumva ntayandi matora dukeneye

umusaza Kuya 17-09-2016

Amatora ni ngombwa kuko niyo yerekana ko abaturage bayobowe n’uwo bihitiyemo. Kuba kugeza ubu Kagame ari we ugaragara nk’uzatorwa ntibyatuma NEC ihagarika gutoresha.

Uvuzukuri Kuya 17-09-2016

Mubyukuri iki kibazo najye
ndakibaza uzishyiraho arazwi usibye IMANA Yamuvanaho gusa naho ubundi niyo atatorwa abazamutorera wenda nibo bazayagabana ahari.
Gusa mwibuke ko Izo mpfumbyi n’abapfakazi nabo muyabagabanyije
Byaba ari byiza nabo bicwa ninzara.
Ubundi kwirirwa muta igihe ngo mugiye gutora byo niyo nakwigumira murugo ubu mwamaze kuntorera!

fkaka Kuya 17-09-2016

nukuri kuva nabaho nakumva ukuri ayamafaranga nibayubakiremo abaturajye uzatorwa arazwi tureke kwikirigita tugaseka uzi inzu zavamo ukunu arinyishi ubuzima buradukomereye

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA