Leta y’u Rwanda yabaye ihagaritse ibiryabarezi mu gihugu hose

Chief Editor | 27-07-2016
Leta y’u Rwanda yabaye ihagaritse ibiryabarezi mu gihugu hose

Nk’uko bigaragara mu itangazo ryashyizweho umukono na Minisitiri w’Ubucuruzi n’Inganda kuri uyu wa Gatatu tariki 27 Nyakanga 2016, ibiryabarezi byahagaritswe by’agateganyo mu gihugu hose.

Minisiteri y’Ubucuruzi n’Inganda ivuga ko iki cyemezo cyafashwe nyuma kubona ko abaturage bo hirya no hino bafite impungenge kuri iyi mikino y’amahirwe benshi bakunda kwita ’Ibiryabarezi’ kandi hakaba hagaragara abatubahiriza amategeko n’amabwiriza agenga iyi mikino.

Hirya no hino mu gihugu haba izi mashini zabatijwe ibiryabarezi, zishyirwamo ibiceri ubikoze akaba yahomba ayo ashyizemo cyangwa agahabwa arenze ayo yashyizemo bitewe n’amahirwe ye.

JPEG - 189 kb

Urubyiruko hirya no hino bivugwa ko rwararuwe n’Ibiryabarezi

Abaturage benshi bakomeje kubyinuba, bagaragaza ko iyi mikino irangaza abana ikanatuma bata amashuri, n’ubwo hari abagabo bivugwa ko basenyaga ingo bamarira amafaranga muri iyi mikino, izo mpungenge zikaba zari zimaze gutuma hirya no hino mu gihugu hari uturere twahagaritse iyi mikino.

Mu bice bimwe na bimwe, ibiryabarezi byatangiye guhigishwa uruhindu

KANDA HANO UREBE VIDEOS UTASANGA AHANDI