AMAKURU

UKWEZI
CHENO

Leta y’u Rwanda yasabwe gukora ibishoboka byose ngo Umwami Kigeli ave mu buhungiro vuba

Leta y’u Rwanda yasabwe gukora ibishoboka byose ngo Umwami Kigeli ave mu buhungiro vuba
31-05-2016 | By Chief Editor | Yasomwe n'abantu 9874 | Ibitekerezo 5

Kuri uyu wa Mbere tariki 30 Gicurasi 2016, ishyaka rya Democratic Green Party ryasabye Leta y’u Rwanda gukora ibishoboka byose bagafasha umwami Kigeli V Ndahindurwa agataha akava mu buhungiro, uyu mwami wa nyuma u Rwanda rwagize akaba yarahirikanywe n’ingoma ya cyami mu mwaka w’1961 ubu akaba yibera muri Leta Zunze Ubumwe za Amerika.

Nk’uko byatangajwe na Dr Frank Habineza uyobora ishyaka rya Democratic Green Party, bamenyesheje Leta y’u Rwanda ko komite nshingwabikorwa y’iri shyaka yagize umwiherero tariki 21 na 22 Gicurasi 2016, bakaza gusanga umwami Kigeli uri mu buhungiro agomba guhabwa ibyo amategeko ateganyiriza abigeze kuba abakuru b’igihugu cy’u Rwanda.

Umwami Kigeli amaze imyaka irenga 50 aba mu buhungiro

Iri shyaka kandi rivuga ko mu rwego rwo gukemura burundu ikibazo cy’impunzi, umwami Kigeli V Ndahindurwa agomba gufashwa na Leta y’u Rwanda kugaruka mu gihugu cye, akanemererwa kugira uruhare mu bumwe n’ubwiyunge by’abanyarwanda.

Ishyaka rya Democratic Green Party, rinasanga umwami Kigeli akwiye kuyobora ibijyanye n’umuco nyarwanda mu gihugu, akanaba umujyanama w’umukuru w’igihugu. Batanga urugero ko no mu gihugu nka Uganda bafite umwami Kabaka wa Buganda, umwami wa Bunyoro, uwa Basoga n’abandi kandi bagira uruhare mu muco w’igihugu cyabo n’ubwo hari ubutegetsi budashingiye ku ngoma ya cyami.

Iri shyaka kandi rivuga ko ryiteguye gutanga umusanzu waryo ngo umwami Kigeli V Ndahindurwa ave mu buhungiro, ibi bagasanga bizaba ari intangiriro yo guha ikaze n’abandi bose bari mu buhungiro, bikanaba inkingi y’amahoro n’umutekano birambye mu Rwanda no mu karere k’ibiyaga bigari.


Tanga Igitekerezo
Ibitekerezo 5
Habimana Kuya 31-05-2016

Ariko se izi mpuhwe ra! Ubundi se hari umuntu usaba kujya iwabo? Nahunguke nta wukimwirukankana na green party ni reke kumwitwaza

Bosco Kuya 31-05-2016

Icyo nibaza Green Party yaretse umwami akabyisabira yigeze abisaaba barabimwima ?

minani Kuya 31-05-2016

Ntawamuheje, azaze nkabandi bose atitwajeko yarumwami kuko ingoma yacyami yaracitse murwanda

minani Kuya 31-05-2016

Ntawamuheje, azaze nkabandi bose atitwajeko yarumwami kuko ingoma yacyami yaracitse murwanda

Madona Kuya 31-05-2016

Nibuka neza ko kuva cyera kuri BBC gahuzamiryango,gvt yasobanuraga ko itamuheje kugaruka kdi ntamunyarwanda bangiye kugaruka.so nge nkutikije ibyo mbona hano Uganda ntabwo nashyigikira ko mu Rda tugira ubwami kuko aho kunga abantu ahubwo bizana amacakubiri.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA