Leta yemeje gahunda nshya y’uko abanyeshuri bagiye kujya bahabwa buruse

Chief Editor | 25-06-2016
Leta yemeje gahunda nshya y’uko abanyeshuri bagiye kujya bahabwa buruse

Kuri uyu wa Gatanu tariki 24 Kamena 2016, Guverinoma y’u Rwanda yemeje gahunda nshya y’uko abanyeshuri bazajya bagenerwa buruse zo kujya kwiga mu mashuri makuru na Kaminuza, hashingiwe ku mashami bakurikira.

Ibi byemejwe mu nama y’Abaminisitiri idasanzwe yateranye kuri uyu wa Gatanu tariki 24 Kamena 2016. ikayoborwa na Perezida wa Repubulika y’u Rwanda, Paul Kagame.

Inama y’Abaminisitiri yemeje ko mu gutanga inguzanyo ya buruse Leta igenera Abanyeshuri biga mu Mashuri Makuru na Kaminuza, abazajya bahabwa amahirwe cyane kurusha abandi ari abakurikira inyigisho z’Imyuga n’Ubumenyingiro (TVET) n’Inyigisho z’Ubumenyi, Ikoranabuhanga n’Imibare (STEM).

Ibi bisobanura ko n’ubwo abanyeshuri bose bazajya bahabwa buruse, abatiga aya masomo bizajya bibasaba kugira amanota menshi cyane kuko bazajya baba bafite amahirwe macye ugereranyije n’abiga ibyavuzwe haruguru.

KANDA HANO UREBE VIDEOS UTASANGA AHANDI