Mary Gahonzire ari mu bapolisi bakuru 308 basezerewe muri Polisi y’u Rwanda

Chief Editor | 3-08-2016
Mary Gahonzire ari mu bapolisi bakuru 308 basezerewe muri Polisi y’u Rwanda

Mary Gahonzire wahoze ari umuyobozi mukuru ushinzwe ibikorwa by’urwego rw’igihugu rw’imfungwa n’abagororwa, ndetse akaba yarigeze kuba umuyobozi mukuru wa Polisi y’u Rwanda, ni umwe mu bapolisi bakuru bo ku rwego rwa Ofisiye bagera kuri 308 basezerewe muri Polisi y’u Rwanda bajya mu kiruhuko cy’izabukuru.

Ku mugoroba wo kuri uyu wa Gatatu nibwo habaye umuhango wo gusezerera abapolisi bakuru 308 mu gipolisi cy’u Rwanda, muri aba hakaba harimo abapolisi bakuru babiri bari ku ipeti rya Deputy Commissioner General of Police (DCGP) aribo Stanley Nsabimana na Mary Gahonzire, hakabamo umwe wari ufite ipeti rya Commissioner of Police (CP) witwa Cyprien Gatete na batanu bari bafite ipeti rya Assistant Commissioner of Police (ACP) barimo Dr. Wilson Rubanzana uheruka kubona impamyabumenyi y’ikirenga PhD, Sam Karemera, Francis Nkwaya, Joseph Rudasingwa na Jimmy Hodari.

Umuhango wo kubasezerera wayobowe na Minisitiri w’Umutekano Sheikh Mussa Fazil Harelimana, aho yari kumwe n’umuyobozi mukuru wa Polisi y’u Rwanda, IGP Emmanuel Gasana ndetse n’abamwungirije babiri, n’Umunyamabanga Uhoraho muri Minisiteri y’Umutekano

Abasezerewe bashimiwe cyane umurava no kwitanga byabaranze mu kazi kabo, banasabwa gukomeza gusigasira isura nziza y’igihugu n’iy’urwego rwa Polisi y’u Rwanda, kandi bakazajya bakomeza kuba hafi bagenzi babo b’abapolisi bakuru basize mu kazi.

KANDA HANO UREBE VIDEOS UTASANGA AHANDI