AMAKURU

UKWEZI
CHENO

Menya ingano y’imishahara y’abayobozi b’ibigo 45 bya Leta nka RURA, RDB, RSSB, REMA n’ibindi

Menya ingano y’imishahara y’abayobozi b’ibigo 45 bya Leta nka RURA, RDB, RSSB, REMA n’ibindi
15-05-2016 | By Chief Editor | Yasomwe n'abantu 21312 | Ibitekerezo 15

Prof. Shyaka Anastase; umuyobozi wa kimwe mu bigo bya Leta. Photo: Internet

Mu minsi ishize ubwo twabagezagaho inkuru ijyanye n’imishahara y’abakora mu by’uburezi bose kuva muri Minisiteri y’Uburezi kugeza kuri mwarimu wo mu mashuri abanza, benshi mwasabye ko Ikinyamakuru cyanyu Ukwezi.com cyabashakira ingano y’imishahara ya bimwe mu bigo bya Leta. Muri iyi nkuru, turagaruka ku mishahara y’abayobozi b’ibyo bigo, hanyuma tuzakomeza ubutaha tureba uko bihagaze no mu bakozi bose b’ibyo bigo.

INKURU BIJYANYE: - Menya ingano y’imishahara y’abakora mu by’uburezi kuva hasi kugera muri Minisiteri y’Uburezi

Ibyo tubagezaho, turashingira ku byasohotse mu Iteka rya Minisitiri w’Intebe N° 92/03 ryo kuwa 01/03/2013 rihindura kandi ryuzuza Iteka rya Minisitiri w’Intebe no 53/03 ryo kuwa 14/07/2012 rishyiraho imishahara n’ibindi bigenerwa Abakozi bo mu Butegetsi Bwite bwa Leta.

Byumvikane neza ariko ko iri Teka rya Minisitiri w’Intebe ari iryo mu mwaka wa 2013, bisobanura ko mu mwaka itatu ishize bitewe n’uburyo butandukanye abakozi ba Leta bagenda bongezwa, hashobora kuba hariyongereyeho amafaranga n’ubwo nanone impinduka zabaho zitaba zihambaye. Iyi mishahara kandi tugiye kubagezaho, ni imishahara mbumbe, bivuga ko hari ibiba bitarakurwamo nk’ubwishingizi n’imisoro.

- Umuyobozi mukuru (CEO) w’ikigo cy’igihugu gishinzwe iterambere (RDB) agenerwa umushahara mbumbe w’amafaranga y’u Rwanda 2,656,658 buri kwezi

- Umunyamabanga uhoraho w’urwego rw’umuvunyi, ahabwa umushahara mbumbe w’amafaranga y’u Rwanda 1,828,988

- Umunyamabanga Nshingwabikorwa wa Komisiyo y’Ubumwe n’Ubwiyunge, agenerwa umushahara mbumbe w’amafaranga y’u Rwanda 2,011,950 buri kwezi.

- Umunyamabanga Nshingwabikorwa wa Komisiyo y’amatora, ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo ngenzuramwitwarire (RURA), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozo mukuru w’urwego rw’iposita mu Rwanda, ahabwa umushahara mbumbe w’amafaranga y’u Rwanda 1,613,167 buri kwezi.

- Umugenzuzi mukuru w’imari ya Leta, ahabwa umushahara mbumbe w’amafaranga y’u Rwanda 2,855,286 buri kwezi.

- Umunyamabanga Nshingwabikorwa wa Komisiyo ishinzwe umurimo n’abakozi (PSC), ahabwa umushahara mbumbe w’amafaranga y’u Rwanda 2,011,950 buri kwezi.

- Umunyamabanga Nshingwabikorwa wa Komisiyo y’igihugu y’abana, ahabwa umushahara mbumbe w’amafaranga y’u Rwanda 1,330,080 buri kwezi.

- Umunyamabanga Nshingwabikorwa w’inama y’igihugu y’abagore, ahabwa umushahara mbumbe w’amafaranga y’u Rwanda 1,330,080 buri kwezi.

- Umunyamabanga Nshingwabikorwa w’inama y’igihugu y’itangazamakuru, ahabwa umushahara mbumbe w’amafaranga y’u Rwanda 1,330,080 buri kwezi.

- Umunyamabanga mukuru w’urukiko rw’ikirenga, ahabwa umushahara mbumbe w’amafaranga y’u Rwanda 1,613,167

- Umuyobozi mukuru w’ikigo cy’ubwishingizi bw’ubuvuzi bwa gisirikare (MMI), ahabwa umushahara mbumbe w’amafaranga y’u Rwanda 1,828,988 buri kwezi.

- Umuyobozi mukuru w’ikigo gishinzwe guteza imbere umusaruro ukomoka ku buhinzi (NAEB), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo gishinzwe ubuhinzi (RAB), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo gishinzwe ubuziranenge (RBS), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo gishinzwe amakoperative (RCA), ahabwa umushahara mbumbe w’amafaranga y’u Rwanda 1,613,167 buri kwezi.

- Umuyobozi mukuru w’ikigo gishinzwe ubushakashatsi (IRST), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’ubwiteganyirize mu Rwanda (RSSB), ahabwa umushahara mbumbe w’amafaranga y’u Rwanda 2,723,234 buri kwezi.

- Umuyobozi mukuru w’ikigo cy’ibarurushamibare (NISR), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’igihugu gishinzwe amasoko ya Leta (RPPA), ahabwa umushahara mbumbe w’amafaranga y’u Rwanda 1,828,988 buri kwezi.

- Umuyobozi mukuru w’ikigega cy’ingoboka, ahabwa umushahara mbumbe w’amafaranga y’u Rwanda 1,662,600 buri kwezi.

- Umunyamabanga mukuru wa Komisiyo y’uburenganzira bwa muntu, ahabwa umushahara mbumbe w’amafaranga y’u Rwanda 1,613,167 buri kwezi.

- Umuyobozi mukuru w’ikigo gishinzwe uburezi (REB), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru wa Kaminuza y’u Rwanda (Rector) , ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi nshingwabikorwa w’inama y’igihugu y’uburezi mu Rwanda, ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’igihugu gishinzwe umunenzi ngiro (WDA), ahabwa umushahara mbumbe w’amafaranga y’u Rwanda 1,679,591 buri kwezi.

- Umunyamabanga Nshingwabikorwa wa Komisiyo ishinzwe kurwanya Jenoside (CNLG), ahabwa umushahara mbumbe w’amafaranga y’u Rwanda 2,011,950 buri kwezi.

- Umunyamabanga Nshingwabikorwa w’ikigo cy’igihugu gishinzwe iby’intwari z’igihugu n’imidari y’ishimwe, ahabwa umushahara mbumbe w’amafaranga y’u Rwanda 1,097,316 buri kwezi.

- Umuyobozi mukuru w’Ikigo cy’igihugu gishinzwe inzu ndangamurage z’u Rwanda, ahabwa umushahara mbumbe w’amafaranga y’u Rwanda 1,613,167 buri kwezi.

- Umunyamabanga Nshingwabikorwa w’inteko nyarwanda y’ururimi n’umuco (RALC), ahabwa umushahara mbumbe w’amafaranga y’u Rwanda 1,097,316 buri kwezi.

- Umunyamabanga Nshingwabikorwa w’inama y’igihugu y’urubyiruko, ahabwa umushahara mbumbe w’amafaranga y’u Rwanda 1,330,080 buri kwezi.

- Umuyobozi mukuru w’ikigo ngororamuco (IWAWA) ahabwa umushahara mbumbe w’amafaranga y’u Rwanda 892,962 buri kwezi.

- Umuyobozi mukuru w’ikigo cy’igihugu gishinzwe ubuzima (RBC), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ibitaro bya Kaminuza bya Butare (CHUB), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’igihugu gishinzwe guteza imbere ibyo gutwara abantu n’ibintu (RTDA), ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo gishinzwe imyubakire, ahabwa umushahara mbumbe w’amafaranga y’u Rwanda 1,613,167 buri kwezi.

- Umuyobozi w’ikigega cyo gufata neza imihanda, ahabwa umushahara mbumbe w’amafaranga y’u Rwanda 1,662,600

- Umuyobozi mukuru w’ikigo cy’igihugu gishinzwe iby’indege za gisivili, ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’igihugu gishinzwe ubuyobozi n’icungamutungo (RIAM), ahabwa umushahara mbumbe w’amafaranga y’u Rwanda 1,613,167 buri kwezi.

- Umuyobozi mukuru w’ikigo cy’igihugu gishinzwe umutungo kamere, ahabwa umushahara mbumbe w’amafaranga y’u Rwanda 2,011,950 buri kwezi.

- Umuyobozi mukuru w’ikigo cy’igihugu gishinzwe kubungabunga ibidukikije (REMA), ahabwa umushahara mbumbe w’amafaranga y’u Rwanda 1,828,988 buri kwezi.

- Umunyamabanga Nshingwabikorwa w’ikigega cy’abacitse ku icumu rya Jenoside (FARG), ahabwa umushahara mbumbe w’amafaranga y’u Rwanda 1,613,167 buri kwezi.

- Umunyamabanga Nshingwabikorwa w’inama y’igihugu y’abamugaye, ahabwa umushahara mbumbe w’amafaranga y’u Rwanda 1,097,316 buri kwezi.

- Umuyobozi mukuru (CEO) w’ikigo cy’igihugu gishinzwe imiyoborere (RGB) agenerwa umushahara mbumbe w’amafaranga y’u Rwanda 2,011,950 buri kwezi


Tanga Igitekerezo
Ibitekerezo 15
Teta Kuya 20-11-2016

Mbega udufaranga nuko nyine bikoreramo nonese ubwo bakurahe ayo kurihira abana muri USA ko mbizi ko iyo umuntu yiga ari etudiant international yishyura menshi mwarangiza ngo abantu bajya hanze gukora iki ayo nyarenza kure nkora akazi ko hasi yewe ahubwo uwabishobora yajya ajya ishyanga guhaha akagaruka kukora investment iwabo nuko na Rwanda Revenu numva iba itoroshye

mamawe Kuya 20-11-2016

ese aba nabandi bose bayora,bbakuweho make ntiyakongererwa mwarimu,ibi birakabije inkuru nkizi hari zica intege,jye iyo mbibonye ku munsi uukurikira nsiba akazi

Matabaro Kuya 7-09-2016

Ko Umuyobizi w’i WAWA yaharenganiye se? uzi ko tunganya....

Eric Kuya 7-09-2016

Ariko se ko ayo mafaranga nanjye nyahembwa ari na net salary kuko ninjiza $ 2500 nyuma yi imisoro nkaba ntabasha kubaka inzu I Nyarutarama cg kwishyurira umwana muri USA . Kandi ntanasesagura Aba bayibozi ni gute bahembwa udufaranga tungana dutya bakubaka inzu Nyarutarama , abana babo bakiga USA .sha niba batiba hari ahandi baba bayakura. Kuzo mba munzu ya frw 250 000 nkagenda mu modoka isanzwe ariko ibyo byose ntabyo nashobora bo babishobora bate mbarusha umushahara

Eric Kuya 7-09-2016

Ariko se ko ayo mafaranga nanjye nyahembwa ari na net salary kuko ninjiza $ 2500 nyuma yi imisoro nkaba ntabasha kubaka inzu I Nyarutarama cg kwishyurira umwana muri USA . Kandi ntanasesagura Aba bayibozi ni gute bahembwa udufaranga tungana dutya bakubaka inzu Nyarutarama , abana babo bakiga USA .sha niba batiba hari ahandi baba bayakura. Kuzo mba munzu ya frw 250 000 nkagenda mu modoka isanzwe ariko ibyo byose ntabyo nashobora bo babishobora bate mbarusha umushahara

-xxxx- Kuya 16-05-2016

barayakwiye ,

-xxxx- Kuya 16-05-2016

barayakwiye ,

kagabo Kuya 16-05-2016

ikibazo nge mbona nuko hariho ibigo mbona inshingano zabyo hari za ministeri zizishinzwe nkabona ari nko guhombya igihugu

uwingabire Kuya 15-05-2016

nukuri imishahara barayikwiye urebye nakazi bakora usanga rwose gakomeye nibyiza cyane kandi nzi neza ko aba bose bashoboye courage

yego Kuya 15-05-2016

mwarimu ubigisha ibyo byose agahabwa 43 000???????? birakabije

yego Kuya 15-05-2016

mwarimu ubigisha ibyo byose agahabwa 43 000???????? birakabije

rugal Kuya 15-05-2016

Iyi cash ni nkeya kuko ari gross , byari gukangana iyi iba net, kandi urebye TPR basubiza mu kigega cyane leta wasanga nabo bubaka igihugu
Merci.

Kalimunda steven Kuya 14-05-2016

Njye ndabona ntakibazo kirimo kuko byanze bikunze iyo mishahara iyo bavanyemo assurance maladie nimisoro ndetse na caisse social agenda menshi kandi ikindi position bafite ntibikanganye kuko twese turabona umusaruro urwanda rugezeho nabwo ntiwakwitwa umuyobozi ngo upfe ninzara ahubwo harebwa ukuntu buli mwaka ibyo bigo biramutse muburyo bwa finance byingutse numukozi muto yakeongerwa nibura 3% bitewe nibyo mwagezeho .
Mdabona urwanda rukifite umurongo mwiza udakabije kuko ibindi bihugu biba binashonje ukabona CEO ahembwa 70.000$per month kdi akahembwa muma dolars not local carency ibyo nukusahura.
Mubareke abacu bahrmbwe ayo maze batuhe umusaruro ndetse nabohasi bazajye bazamurwo uko umusaruro wikigo buli mwaka wazamutse impanvu nebyori:
1. Umukozi agomba nibura kwihaza ndetse nurugo rukihaza mubyibanze.
2.Ntabwo politique ihari ari ukuhora mubikene tugomba kugira nibura igihe buli wese nyima yigihe kanaka akora evaluation yaho avuye naho ageze maze ibyo byose iyo ari positive nibyo bikoze ubukungu bwikihugu.
Ex.Urebye amazu yubatse nyarutarama,Niboye kicukiro,imihanda suko twategereje inkunga nuko abo bazamutse bashobora kutanga inkunga zabo zikubaka imidugudu batuyemo nabo bakiyubakira ama gorofa meza babamo mdetse nabana bakiga bakivuza neza.

Ndabashimiye yari Floresh

Kalimunda steven Kuya 14-05-2016

Njye ndabona ntakibazo kirimo kuko byanze bikunze iyo mishahara iyo bavanyemo assurance maladie nimisoro ndetse na caisse social agenda menshi kandi ikindi position bafite ntibikanganye kuko twese turabona umusaruro urwanda rugezeho nabwo ntiwakwitwa umuyobozi ngo upfe ninzara ahubwo harebwa ukuntu buli mwaka ibyo bigo biramutse muburyo bwa finance byingutse numukozi muto yakeongerwa nibura 3% bitewe nibyo mwagezeho .
Mdabona urwanda rukifite umurongo mwiza udakabije kuko ibindi bihugu biba binashonje ukabona CEO ahembwa 70.000$per month kdi akahembwa muma dolars not local carency ibyo nukusahura.
Mubareke abacu bahrmbwe ayo maze batuhe umusaruro ndetse nabohasi bazajye bazamurwo uko umusaruro wikigo buli mwaka wazamutse impanvu nebyori:
1. Umukozi agomba nibura kwihaza ndetse nurugo rukihaza mubyibanze.
2.Ntabwo politique ihari ari ukuhora mubikene tugomba kugira nibura igihe buli wese nyima yigihe kanaka akora evaluation yaho avuye naho ageze maze ibyo byose iyo ari positive nibyo bikoze ubukungu bwikihugu.
Ex.Urebye amazu yubatse nyarutarama,Niboye kicukiro,imihanda suko twategereje inkunga nuko abo bazamutse bashobora kutanga inkunga zabo zikubaka imidugudu batuyemo nabo bakiyubakira ama gorofa meza babamo mdetse nabana bakiga bakivuza neza.

Ndabashimiye yari Floresh

habimana Kuya 14-05-2016

Ko mbona bahabwa menshi cyane koko buriya ntihagakwiye kurebwa nabo hasi kuko ubona atibo bakora akazi kenshi kd bagahembya ubusa

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA