Meya w’akarere ka nyuma mu mihigo yazamuwe mu ntera nyuma yo kunengwa mu ruhame

Chief Editor | 5-10-2016
Meya w’akarere ka nyuma mu mihigo yazamuwe mu ntera nyuma yo kunengwa mu ruhame

Musabyimana Jean Claude wari umuyobozi w’akarere ka Musanze mu Ntara y’Amajyaruguru, yazamuwe mu Ntera agirwa Guverineri w’Intara asimbura Bosenibamwe Aimé kuri uwo mwanya, ibi akaba yabigezeho nyuma y’iminsi micye anenzwe mu ruhame, ku bijyanye n’imiyoberere yatumye akarere ka Musanze kaba akanyuma mu mihigo.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Ubwo Perezida Paul Kagame yashyiragaho abagize Guverinoma bashya kuri uyu wa Kabiri tariki 4 Ukwakira 2016 agakora n’izindi mpinduka mu bayobozi batandukanye, Musabyimana Jean Claude wari usanzwe ari Meya wa Musanze niwe wagizwe Guverineri w’Intara y’Amajyaruguru.

JPEG - 140.4 kb

Musabyimana yari Meya wa Musanze, ubu ni Guverineri w’Intara y’Amajyaruguru

Ibi bibaye nyuma y’ibyumweru bisaga bitatu anenzwe na Minisitiri w’Intebe, Anastase Murekezi, wavuze ko akarere ka Musanze kuba kaba akanyuma, biterwa n’uko abayobozi bakora uko bishakiye. Yasabye uyu c kubayobora neza cyangwa bakavaho. Gusa yavuze ko uko bakora ari ibintu bamenyereye kuva na mbere.

Anastase Murekezi ati: “Muri Musanze iba iya nyuma, hari ikibazo gikomeye cyane, abakozi barigenga. Meya kuki utayobora abakozi bawe? Abakozi n’abayobozi barakora uko bashaka nk’uko bari barabimenyereye kuva mbere, ntabwo ari byo, bayobore cyangwa baveho, ni ko bimeze.”

JPEG - 371.9 kb

Musabyimana Jean Claude imbere y’abaturage b’akarere ka Musanze yayoboraga

Akarere ka Musanze kabaye aka nyuma mu mihigo y’umwaka wa 2015-2016, Guverineri Musabyimana Jean Claude akaba afite inshingano zo kugafasha kwikubita agashyi hamwe na tumwe mu turere two muri iyi ntara twabonye imyanya ya nyuma. Twabibutsa ko muri iyi ntara, akarere ka Gicumbi kaje ku mwanya wa 2 ku rwego rw’Igihugu, aka Rulindo ku mwanya wa 8, Burera ku mwanya wa 24, Gakenke ku mwanya wa 27 mu gihe Musanze yaje ku mwanya wa 30 ari nawo wa nyuma.

KANDA HANO UREBE VIDEOS UTASANGA AHANDI