Ntahemuka John wakoraga muri Perezidansi yirukanwe azira amakosa akomeye yakoze

Chief Editor | 6-07-2016
Ntahemuka John wakoraga muri Perezidansi yirukanwe azira amakosa akomeye yakoze

John Ntahemuka wari umukozi ku mwanya wa Director of VIP Club mu biro bya Perezidansi ya Repubulika y’u Rwanda, yirukanwe kuri uyu mwanya kubera amakosa akomeye yakoze mu kazi ke ndetse bituma anirukanwa burundu mu bakozi ba Leta.

Nk’uko bigaragara mu iteka rya Minisitiri w’Intebe n° 159/03 ryo kuwa 30/06/2016 ryasohotse mu igazeti ya Leta n° 27 yo kuwa 04/07/2016, Ntahemuka John yirukanwe nyuma y’uko byari byanasuzumwe bikanemezwa n’Inama y’Abaminisitiri yateranye ku wa 29/03/2016.

NTAHEMUKA John wari Director of VIP Club muri Perezidansi ya Repubulika

Iri teka rya Minisitiri w’Intebe, mu ngingo yaryo ya mbere rigira riti: "Bwana NTAHEMUKA John, Director of VIP Club muri Perezidansi ya Repubulika yirukanwe burundu mu bakozi ba Leta kubera amakosa akomeye yakoze mu kazi."

Ntahemuka John yari yashyizwe muri uyu mwanya n’Inama y’Abaminisitiri yateranye kuwa 11 Gicurasi 2011, bivuga ko yari amaze imyaka 5 muri aka kazi yirukanweho akanakurwa burundu mu bakozi ba Leta azira amakosa akomeye yakoze ariko ataratangajwe.

KANDA HANO UREBE VIDEOS UTASANGA AHANDI