AMAKURU

UKWEZI
CHENO

Perezida Kagame agiye kuzajya afata imodoka azenguruke igihugu atanga amanota

Perezida Kagame agiye kuzajya afata imodoka azenguruke igihugu atanga amanota
9-09-2016 | By Chief Editor | Yasomwe n'abantu 22597 | Ibitekerezo 15

Ubwo yari ayoboye umuhango wo gusinya imihigo y’umwaka w’ingengo y’imari ya 2016-2017 ndetse no guhemba abitwaye neza mu mihigo y’umwaka w’ingengo y’imari ya 2015-2016, Perezida Kagame yavuze ko ubutaha azajya afata imodoka akazenguruka igihugu areba uko abaturage hirya no hino babayeho, yarangiza akagenda atanga amanota.

Perezida Paul Kagame yavuze ko uburyo uturere tubona amanota mu mihigo, bigomba kuba bijyanye n’imibereho y’abaturage b’utwo turere kandi umuntu wese akaba yanabimenya ashingiye ku byo aba abona n’amaso. Yavuze ko iyo agiye mu karere runaka yigendera n’imodoka akareba akabona abana barataye ishuri cyangwa akabona ikindi kijyanye n’imibereho y’abaturage, ahita yumva ishusho y’imiyoborere iri muri ako karere nta kwirirwa ajya mu mpapuro n’ibitabo.

Aha niho yahereye abwira Minisitiri w’Intebe, Anastase Murekezi, ko ubutaha azafata imodoka akazenguruka uturere twose areba uko abaturage babayeho n’ibyo utwo turere twagezeho muri rusange mu bikorwa biteza imbere abaturage, hanyuma agatanga amanota y’uko abona bitwaye mu mihigo, hanyuma abandi bayobozi nabo bagatanga amanota babinyujije mu nzira isanzwe ikoreshwa.

Aha Umukuru w’igihugu, Paul Kagame, yashimangiye ko nta kabuza aya manota azatanga agomba kuzaba afitanye isano rya bugufi n’andi azatangwa mu buryo busanzwe bukoreshwa, kuko kwesa imihigo bijyana kandi bikagaragazwa byanze bikunze n’imibereho abaturage bafite.


Tanga Igitekerezo
Ibitekerezo 15
alfa Kuya 1-01-2017

Ahubwo yaba byamukundiraga mbere y’amatora. Kandi we ubwe akajya areba ku ikarita (map) akavuga ati "ngiye aha n’aha mu cyaro cya kure. Isura y’igihugu yayibona neza. Yatekereje neza cyane.

julia Kuya 30-12-2016

ukora neza ukaba umwe! my President,!uzaze rwose wirebere.....

bagaya fideli Kuya 28-12-2016

ibyo nibyiza cyane rwose mwajya mwibonera byinshi cyane cyane ku mavuriro

bagaya fideli Kuya 28-12-2016

ibyo nibyiza cyane rwose mwajya mwibonera byinshi cyane cyane ku mavuriro

uwimanadany Kuya 22-12-2016

Hhh! byiza cyane umusaza wacu koko burya aradukunda kdi arashoboye! Gusa Imana izamufashe kuko icyo gitekerezo cye nicyiza cyane!

Jovial Kuya 11-09-2016

Nyakubahwa Perezida wa Repubulika y’u Rwanda,
Mbashimiye icyo gitekerezo mugize cyo kuzajya kwisuzumira iyo mihigo. Iyo urebye ibyo abayobozi bandika n’ibyo bakora birahabanye kure cyane, ni ugutekenika gusa. Mu minsi ishize nagiye gukorera muri kamwe mu turere muheruka gusura, ariko icyantunguye ni uko nabonye baraberetse ahantu batunganyije neza kugira ngo mwibonere ishusho y’akarere kose. Njye nagiye mu murenge utandukanye n’uwo mwagiyemo nsanga abaturage benshi nta bwiherero bagira, nta mituelle, nta mazi bagira, nta suku bagira, ndetse hamwe na hamwe ugasanga nta rezo ya telephone ihaba. Ni byiza ko mwazabatungura mukajya kwirebera hose uko bimeze.

bugingo nathan Kuya 11-09-2016

nyakubahwa perezida wacu imvugo niyonjyira reka aze abatungure abakoze isoni ndahamya ko bizasubiza byinshi cyanee

yves Kuya 10-09-2016

BYABA BYIZA KABISA. KUKO IMIBEREHO YABATURAGE NTAHO IHURIYE NAMANOTA ATANGWA KUKO UGEZE MU CYARO ,MU BATURAGE, MU NGO ZABO USANGA BIHABANYE N’IBYO ABAYOBOZI BAVUGA.UREBYE ABATURAGE BADAFITE AHO BIHERERA(IMISARANI) BITUMA MUNSI YINGO ZABO.....WAKUMIRWA. AHUBWO IYABA YARI ATANGIYE UBU MAZE UKAREBA UKUNTU BAMWE BASEBA.ARIKO AHO AZAJYA AJYA AZAJYE ABATUNGURA WENDA YAGERA KU BABABAYE CYANE.NAHO ABASUZUMA IMIHIGO BAGEZWA KURI 1 CG 2 BIFITE (BISHOBOYE) NUKO BAKABA BAHESHEJE UMURENGE N’AKARERE AMANOTA DA! PEREZIDA WACU COURAGE .TURAGUSHYIGIKIYE KANDI TUZABIGUFASHAMO TUGUTUNGIRE AGATOKI.

nicky Kuya 10-09-2016

Ibyo nibyo rwose H.E. njyenmaze imyaka ibiri nzenguruka mubyaro byo mu Rwanda. Nikibazo gikomeye kabisa. Abatobozi ntibakakugenere aho ugomba gusura. Uzagende ugere no mugiturageburebe, uzumirwa pe

mutagwabira jeanette Kuya 10-09-2016

ndifuza cyane ko nagera mu karere ka huye yazafasha ubuyobozi kudohorera banyiri amaduka amazu akongera agakoreshwa. kuko kuyafunga si wo muti byahombeje benshi, kdi na bene amazu nabo barahombye. ikindi bidindiza umujyi cyane kuko bituma umuntu ushaka kwagura ubucuruzi bwe atabona aho abukorera bityo bigatuma abenshi bagenda basohoka mu mujyi bakigendera bajya gukorera ahandi. Nyakubahwa Presidebt dukunda ngwino ufashe abanyarwanda b’i huye kureba kure kuko hahombye byinshi cyane mukwinjiza imisoro no kwiteza imbere by’umuturage. kubaka bijye bikorwa buhoro buhoro nkuko byagiye bikorwa ahandi. kuko ubu ntibyakorohera buri wese ni ibibanza biri mu mujyi byataye agaciro kuko umujyi warashenywe. ni ubwo akarere kabaye akahafi ariko gafite code mu bijyanye ni iterambere ry’umuturage ndetse ni umujyi muri rusange. umuntu ureba kure abasha kubibona.

justin Kuya 10-09-2016

bayobozi mutuze mukore ibibarimwo mutuje mwumve ko bitagamije kubagerekaho ushyo kuko nkuko HE ahora abivuga ibikorwa bizivugira ahubwo natwe abaturage tube abafatanyabikorwa beza uzumva asumbirijwe abe imfura yegure

zidane Kuya 9-09-2016

mbega byiza! ibyo nukuri pe!HE rwose urea kure kuko abayobozi baratekinika pe gusa nanone ikizabo nibamenya ko uzabasura bazajya bazajya babuza abantu kujya ahagaragara keretse nuzajya ujyayo ubatunguye

zidane Kuya 9-09-2016

mbega byiza! ibyo nukuri pe!HE rwose urea kure kuko abayobozi baratekinika pe gusa nanone ikizabo nibamenya ko uzabasura bazajya bazajya babuza abantu kujya ahagaragara keretse nuzajya ujyayo ubatunguye

Paul MUTUMWA Kuya 9-09-2016

Kuki se ahubwo abyibutse akererewe.Byakagombye kuba byarabaye akiba President.Courage rero Nyakubahwa bahagurukire wenda ngofero nawe yabona akuka.

Kayirangwa Aline Kuya 9-09-2016

Good idea your excellence!! Kuko mu rwego rwo gutanga amanota hazamo amarangamutima ndetse rimwe na rimwe hakazamo na ruswa! Nk’akarere ka Kicukiro tuzi neza ko kafataga neza abatanga amanota, mu kubaryoshya. Na bamwe mu batanga amanota kimwe n’ababahagarariye, yagiye abaha amasambu cyangwa ibibanza mu karere (ndavuga Ndamage), abanyamakuru bamwe na bamwe akabaha bituga ukwaha, kandi ku gihe cye, muzarebe ko ataribyo abayobozi benshi batuye muri kariya karere ataribwo babonye ibibanza.

Mugiye mwigerera kuri terrain, mwabona byinshi. Gusa uwa Gasabo urebye n’igihe gito amaze, yarakoze.

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA