konka coffee
KONKA

AMAKURU

UKWEZI

Perezida Kagame yagarutse ku bamutuka, abibutsa ko hari umurongo ntarengwa

Perezida Kagame yagarutse ku bamutuka, abibutsa ko hari umurongo ntarengwa
11-09-2016 saa 16:46' | By Chief Editor | Yasomwe n'abantu 8357 | Ibitekerezo 3

Kuri iki Cyumweru tariki 11 Nzeri 2016, Perezida wa Repubulika y’u Rwanda Paul Kagame yahuye n’urubyiruko ruhagarariye abandi rwiga mu mashuri makuru na kaminuza rwasoje itorero ry’Intagamburuzwa, mu butumwa yabahaye akaba yagarutse ku bamutuka ariko avuga ko hari umurongo ntarengwa.

Perezida Kagame mu ijambo rye yagarutse ku bantu birirwa bavuga ubusa, ndetse n’abirirwa babeshya, avuga ko abareka bagakora ibyo bashaka ariko hakaba hari umurongo ntarengwa. Aha niho yagarutse ku bamutuka ndetse banakoresha inyito ngo ’bazomumesa’, avuga ko nabo babizi ko hari umurongo ntarengwa.

Perezida Kagame ati: "Igihe utaragera kuri wa murongo ndakwihorera ariko nuwugeraho ntabwo umenya icyagukubise, rwose munyumve uko niko bimeze... Mbahe n’urugero muzi, njya mbona mu binyamakuru, mu ma televiziyo,... abantu begera imipaka yacu bagatukana, bakavuga ko bazatu… bagatuka Kagame Perezida w’u Rwanda,... Njye nta gitutsi kibi wantuka ngo kimbabaze. Kuntuka? Ndakwihorera nkore ibyanjye, ibyanjye bindeba biri hano mu Rwanda ariko ushatse kunkurikirana iwanjye, nibyo navugaga, kuri ibyo nta nzira ebyiri zihari. Naho abaza ku mipaka bagakoronga, gukoronga murabizi? Bagatukana... Numvise amagambo ngo bazotumesa... Ariko nabo barabizi, bagomba kuba babizi ubwo ni wa murongo uba utararengwa.”

Aha byahise byumvikana ko Perezida Kagame yashakaga kuvuga igihugu cy’u Burundi, dore ko abayobozi b’iki gihugu baherutse kumwibasira mu buryo bweruye, bakaba ari nabo bakoresha inyito yo kuvuga ngo uwo banga "bazomumesa".

SOMA HANO INKURU BIJYANYE: U Burundi bwibasiye Perezida Kagame mu magambo yuzuye urwango no guharabika


Tanga Igitekerezo
Ibitekerezo 3
mugabo emmy Kuya 11-09-2016

muraho ntwaramuheto igihe cyose iyo umuntu adafite icyo akora avuga ubusa hanyuma abo bose ninkora busa ubundi ibyo ntibyagatutwariye umwanya twe twubake igihugu cyacu nkabanyarwa abo mubareke bate igihe cyabo. murakoze

umunyarwanda Kuya 11-09-2016

igihugu cyacu ni urugo rwacu ntidukodesha ariko duha icumbi ubishatse kd akagendera kumabwiriza ya nyir urugo/Baba wa Taifa,abo bashingantahe rero baba bikirigita bagaseka,bazotumesa se bazi ko twe tutari intore?Baba wa Taifa nibarenga umurongo yaciye bazaba bikozeho ahubwo twe TUZOBAMESA.Bazibeshye

umunyarwanda Kuya 11-09-2016

igihugu cyacu ni urugo rwacu ntidukodesha ariko duha icumbi ubishatse kd akagendera kumabwiriza ya nyir urugo/Baba wa Taifa,abo bashingantahe rero baba bikirigita bagaseka,bazotumesa se bazi ko twe tutari intore?Baba wa Taifa nibarenga umurongo yaciye bazaba bikozeho ahubwo twe TUZOBAMESA.Bazibeshye

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA