konka coffee
KONKA

AMAKURU

UKWEZI

Perezida Kagame yakiriye umwami Mohammed VI uheruka kumwambika umudari - Amafoto

Perezida Kagame yakiriye umwami Mohammed VI uheruka kumwambika umudari - Amafoto
19-10-2016 saa 04:01' | By Chief Editor | Yasomwe n'abantu 6105 | Ibitekerezo 3

Mu ijoro ryo kuri uyu wa Kabiri tariki 18 Ukwakira 2016, Perezida Paul Kagame yakiriye Umwami Mohammed VI w’igihugu cya Maroc, akaba agiye kugirira mu Rwanda uruzinduko rw’akazi rw’amateka aho azamara iminsi itatu.

Umubano w’u Rwanda na Maroc wifashe neza muri iki gihe. Tariki 20 Kamena 2016, Perezida wa Repubulika y’u Rwanda, Paul Kagame nawe yari yagiriye uruzinduko rw’amateka mu gihugu cya Maroc rwamaze iminsi ibiri aho yabonananye n’uyu mwami w’iki gihugu, Mohammed VI, ndetse akaba yarasanze ategerejwe cyane n’abaturage b’iki gihugu basanzwe bamufata nk’intwari.

Umwami Mohammed VI yakiranywe urugwiro ku kibuga cy’indege cya Kigali

Umwami wa Maroc agiye kumara iminsi itatu mu ruzinduko rw’akazi

Bwari ubwa mbere mu mateka, Perezida w’u Rwanda agiriye uruzinduko rw’akazi muri Maroc, ndetse uyu wari umunsi w’amateka mu bijyanye n’imibanire n’ubuhahirane bw’ibihugu byombi.

Perezida Kagame yakirwa n’umwami Mohammad VI w’ubwami bwa Maroc

Icyo gihe Perezida Kagame yakiriwe n’umwami Mohammed VI, amwambika umudari w’ishimwe kubera ibikorwa by’ubutwari n’imiyoborere myiza bikomeje kumuranga, uyu ukaba uri umudari w’ikirenga mu bwami bwa Maroc uzwi ku izina rya Grand Collar of Wissam Al-Mohammad.

Perezida Kagame yambitswe umudari w’icyubahiro na Mohammed VI

Abaturage bo muri Maroc bafata Perezida Kagame nk’umugabo w’ubutwari budasanzwe, cyane ko uretse kuba yarabashije guhagarika Jenoside yakorewe abatutsi, anakora ibishoboka byose mu kurwanya ubuhake bw’abakoloni, ibintu n’umwami wa Maroc nawe ashaka gushyira imbere. Abaturage b’iki gihugu kandi, bashima imiyoborere ya Perezida Kagame yagize uruhare mu kurwanya ruswa no kwimakaza impinduramatwara mu bukungu, byatumye kuva yagera ku butegetsi haboneka impinduka bigatuma u Rwanda ruza mu bihugu bihagaze neza mu ruhando mpuzamahanga.


Tanga Igitekerezo
Ibitekerezo 3
MUSABYIMANA Moise Kuya 19-10-2016

Birakwiye ko igihugu cyacu kiba ishingiro ry’icy’itegererezo ry’afurika dushyigikire ibyo tumaze kugeraho dukesha Umubyeyi wacu Nyakubahwa Perezida wa Repubulika " Paul KAGAME" udukunda kandi udushakira ibyiza by’igihe kirambye. Imana ijye umuha imbaraga zo gukomeza gukorera Abanyarwanda.

nisingizwe deny Kuya 19-10-2016

kbs congs my president, my hero,, you the best in the world.. H.E poul kagame always God be with you

DESIRE GASANA Kuya 19-10-2016

ikaze kuruwo mushyitsi wimena kandi twishimiye ibyiza umukuru wigihugu cyacu akomeje kutugezaho.Imana imukomeze muri byose

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA