Perezida Kagame yakiriye wa mwana w’imyaka 11 ufitanye amateka yihariye n’abaperezida

Chief Editor | 10-09-2016
Perezida Kagame yakiriye wa mwana w’imyaka 11 ufitanye amateka yihariye n’abaperezida

Kuri uyu wa Gatanu tariki 9 Nzeri 2016, Perezida wa Repubulika y’u Rwanda, Paul Kagame, yakiriye umwana w’imyaka 11 yari yabisezeranyije, uyu mwana w’umukobwa akaba afite umwihariko wo gutaramira no gususurutsa abakuru b’ibihugu batandukanye abashimisha akoresheje impano idasanzwe afite mu mikino ngororamubiri.

Mu kwezi gushize, abinyujije ku rubuga rwa twitter, uyu mwana witwa Wendy Waeni yandikiye Perezida Paul Kagame amwibutsa ko agitegereje ubutumire bwe mu Rwanda, Perezifa nawe amusubiza atazuyaje ko agiye kubyitaho.

Perezida Paul Kagame icyo gihe yagize ati: "Ngiye kubitunganya, ubutumire buzoherezwa vuba cyane. Urakoze kuba warabikurikiranye.". Perezida Kagame yahise asaba umunyamakuru Eugene Anangwe kumufasha kubikurikirana.

Kuri uyu wa Gatanu tariki 9 Nzeri 2016, Wendy Waeni nibwo yageze mu Rwanda. Mu butumwa butandukanye yagiye acisha ku rubuga rwa twitter, yagiye ashimira sosiyete ya RwandAir yamuzanye mu ndege imuvana i Nairobi imuzana i Kigali, ahageze avuga ko yishimira cyane kuba yageze mu Rwanda.

Iyi foto ni iyo uyu mwana yashyize hanze, agaragaza ko yagiriye ibihe byiza mu ndege ya RwandAir

Yagize ati: "Nari ntegereje uyu munsi mu gihe cy’imyaka ibiri, none birashyize birabaye, natangiye uruzinduko rwo gusura u Rwanda uyu munsi, nakiriwe na Perezida Paul Kagame." Uyu mwana w’umukobwa kandi, yavuze ko yishimiye ubwiza bw’umujyi wa Kigali.

Wendy Waeni ni inzobere mu myitozo ngororamubiri, ku myaka 11 akaba afite ibigwi byo kuba yarasusurukije Perezida Uhuru Kenyatta wa Kenya, Perezida Kagame Paul w’u Rwanda, Perezida Yoweri Museveni wa Uganda, Perezida Mahama wa Ghana, Jacob Zuma wa Afurika y’Epfo na David Cameron wari Minisitiri w’Intebe w’u Bwongereza.

JPEG - 64 kb
JPEG - 333.4 kb
JPEG - 234.3 kb
JPEG - 332.5 kb
JPEG - 323.3 kb
JPEG - 728.7 kb
JPEG - 47.5 kb
JPEG - 41.6 kb
JPEG - 263.3 kb
JPEG - 299 kb
JPEG - 743.5 kb
JPEG - 328.7 kb
JPEG - 890.8 kb
JPEG - 873 kb
JPEG - 288.4 kb
JPEG - 679.3 kb
JPEG - 820.4 kb
JPEG - 682.6 kb
JPEG - 444.4 kb
JPEG - 651.2 kb
JPEG - 865 kb
JPEG - 10.9 Mb

Uyu mwana afite umubiri ugororotse, ubuhanga n’impano bye bituma atumirwa mu birori birimo abayobozi bakomeye

KANDA HANO UREBE VIDEOS UTASANGA AHANDI