AMAKURU

UKWEZI
CHENO

Perezida Kagame yashyizeho abayobozi bashya barimo Minisitiri w’ubuzima na ba Guverineri

Perezida Kagame yashyizeho abayobozi bashya barimo Minisitiri w’ubuzima na ba Guverineri
4-10-2016 | By Chief Editor | Yasomwe n'abantu 44194 | Ibitekerezo 28

Kuri uyu wa Kabiri tariki 4 Ukwakira, Perezida Paul Kagame yakoze impinduka nyinshi muri guverinoma, abayobozi batandukanye bakaba bahawe imyanya mishya, barimo Minisitiri w’Ubuzima na ba Guverineri batatu.

Mu mpinduka zakozwe, Dr Diane Gashumba wari Minisitiri w’Uburinganire n’Iterambere ry’umuryango, niwe wagizwe Minisitiri mushya w’ubuzima, asimbura Dr Agnes Binagwaho wari umaze amezi hafi atatu akuwe kuri uyu mwanya.

JPEG - 291.4 kb

Mu bandi bahinduwe, harimo ba Guverineri b’Intara y’Amajyaruguru, Uburasirazuba n’Uburengerazuba bahinduwe. Intara y’Amajyaruguru yayoborwaga na Bosenibamwe Aimé, yahawe Musabyimana Claude, Intara y’Uburasirazuba yahawe Kazayire Judith wari umuyobozi w’umujyi wa Kigali wungirije ushinzwe imibereho myiza y’abaturage, uyu akaba yasimbuye Uwamariya Odette, naho mu Ntara y’Uburengerazuba, Mureshyankwano Marie Rose wari umudepite yasimbuye Cartas Mukandasira.

Musabyimana Claude wari Mayor wa Musanze, akaba yagizwe Governor w’Amajyaruguru

Uyu ni Mureshyankwano Marie Rose wahawe kuyobora Uburengerazuba

Intara y’Uburasirazuba yahawe Kazayire Judith wari umuyobozi w’umujyi wa Kigali wungirije ushinzwe imibereho myiza y’abaturage


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Uretse Dr Diane Gashumba wakuwe muri Minisiteri y’Uburinganire n’Iterambere ry’umuryango akajyanwa muri Minisiteri y’Ubuzima, izindi Minisiteri zahawe ba Minisitiri bashya, harimo iyi Dr Diane Gashumba yavuyemo agasimburwa na Nyirasafari Esperance, naho Minisiteri y’Umutekano w’imbere mu gihugu yayoborwaga na Sheikh Musa Fazil Harelimana yo ntikigaragara muri Guverinoma.

Nyirasafari Esperance, Minisitiri w’Uburinganire n’Iterambere ry’umuryango

Mu bandi bahawe imirimo mishya, harimo Uwamariya Odette wasimbuwe ku mwanya wa Guverineri w’Intara y’Uburasirazuba, akaba yagizwe Umunyamabanga Uhoraho muri Minisiteri y’Ubutegetsi bw’igihugu, naho Ambasaderi Rugwabiza Valentine niwe wasimbujwe Eugene Gasana Richard uherutse gukurwa ku mwanya w’Uhagarariye u Rwanda mu muryango w’Abibumbye.

JPEG - 212.3 kb

Ambasaderi Rugwabiza Valentine Uhagarariye u Rwanda mu muryango w’Abibumbye.

DORE ABAGIZE GUVERINOMA NSHYA MURI RUSANGE:

1. Minisitiri w’Intebe: Anastase Murekezi

2. Minisitiri w’Ubuhinzi n’Ubworozi: Dr Geraldine Mukeshimana

3. Minisitiri w’Umutungo Kamere (Ubutaka, amashyamba, ibidukije n’ubucuruzi bw’amabuye y’agaciro): Dr Vincent Biruta

4. Minisitiri w’Umuco na Siporo: Uwacu Julienne

5. Minisitiri w’Ibikorwa remezo: Musoni James

6. Minisitiri w’Ubutegetsi bw’Igihugu: Kaboneka Francis

7. Minisitiri w’Imari n’Igenamigambi: Amb. Gatete Claver

8. Minisitiri w’Ubucuruzi n’Inganda n’Umuryango w’Ibihugu bya Afurika
y’Iburasirazuba: Kanimba François

9. Minisitiri w’Ubuzima: Dr Gashumba Diane

10. Minisitiri w’Ubutabera/ Intumwa Nkuru ya Leta: Busingye Johnston

11. Minisitiri w’Uburezi: Dr Musafili Papias Malimba

12. Minisitiri w’Abakozi ba Leta n’Umurimo: Uwizeye Judith

13. Minisitiri w’Ububanyi n’Amahanga n’Ubutwererane: Mushikiwabo Louise

14. Minisitiri w’Uburinganire n’Iterambere ry’Umuryango: Nyirasafali Esperance

15. Minisitiri w’Ingabo: Gen Kabarebe James

16. Minisitiri muri Perezidansi ya Repubulika: Tugireyezu Venantia

17. Minisitiri muri Primature ushinzwe Ibikorwa by’Inama y’Abaminisitiri: Mugabo Stella Ford

18. Minisitiri Ushinzwe Imicungire y’Impunzi n’Ibiza: Mukantabana Seraphine

19. Minisitiri w’Urubyiruko n’Ikoranabuhanga: Nsengimana Jean Philbert

20. Umwe mu bagize Guverinoma akaba n’Umuyobozi Mukuru w’Ikigo cy’Igihugu gishinzwe Iterambere: Gatare Francis

Abanyamabanga ba Leta:

1. Umunyamabanga wa Leta muri Minisiteri y’Uburezi ushinzwe amashuri y’imyuga n’ubumenyi ngiro: Rwamukwaya Olivier

2. Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye: Munyakazi Isaac

3. Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza no kurengera abaturage: Dr Mukabaramba Alvera

4. Umunyamabanga wa Leta muri Minisiteri y’Ubutegetsi bw’Igihugu ushinzwe iterambere ry’abaturage: Munyeshyaka Vincent

5. Umunyamabanga wa Leta muri Minisiteri y’Imari n’Igenamigambi ushinzwe igenamigambi: Dr Ndagijimana Uzziel

6. Umunyamabanga wa Leta muri Minisiteri y’Ibikorwa remezo ushinzwe ingufu n’amazi: Kamayirese Germaine

7. Umunyamabanga wa Leta muri Minisiteri y’Ibikorwa remezo ushinzwe gutwara abantu n’ibintu: Dr Nzahabwanimana Alexis

8. Umunyamabanga wa Leta muri Minisiteri y’Ubuzima ushinzwe ubuzima rusange n’ubuvuzi bw’ibanze: Dr Ndimubanzi Patrick

9. Umunyamabanga wa Leta muri Minisiteri y’Ubutabera ushinzwe ibyerekeye Itegeko Nshinga n’andi mategeko: Uwizeyimana Evode

10. Umunyamabanga wa Leta muri Minisiteri y’Ubuhinzi n’Ubworozi ushinzwe ubuhinzi: Nsengiyumva Fulgence

Abaguverineri b’Intara:

1. Intara y’Amajyarugu: Musabyimana Claude

2. Intara y’Iburasirazuba: Kazayire Judith

3. Intara y’Iburengerazuba: Mureshyankwano Marie Rose

4. Intara y’Amajyepfo: Munyantwari Alphonse

JPEG - 59 kb

Mukandasira Caritas yakuwe ku mwanya wa Guverineri w’Uburengerazuba

Abanyamabanga bahoraho:

1. Muri Minisiteri y’Ubutegetsi bw’Igihugu: Uwamariya Odette

2. Muri Minisiteri y’Ubucuruzi, Inganda n’Umuryango w’Ibihugu bya Afurika
n’Umuryango w’Ibihugu bya Afurika y’Iburasirazuba: Safari Innocent

Muri Ambasade y’u Rwanda i New York:

1. Uhagarariye u Rwanda mu Muryango w’Abibumbye: Ambasaderi Rugwabiza Valentine

2. Umujyanama ku rwego rwa Minisitiri (Minister Counsellor): Bakuramutsa Feza

Mu zindi nzego

1. Umuhuzabikorwa w’ibikorwa byo mu Muhora wa Ruguru: Hategeka Emmanuel

2. Umuyobozi Mukuru w’Ikigo cy’Ubuhinzi n’Ubworozi, RAB: Dr Cyubahiro Bagabe Marc

3. Umuyobozi Mukuru w’Ikigo cy’Ingoro Ndangamurage z’u Rwanda: Masozera Robert

4. Umuyobozi Mukuru muri Minisiteri y’Ubucuruzi, Inganda n’Umuryango w’Ibihugu bya Afurika y’Iburasirazuba ushinzwe inganda n’ibigo bito n’ibiciriritse: Karenzi Annet

JPEG - 164.1 kb

Odette Uwamariya yakuwe ku mwanya wa Guverineri ariko ajyanwa muri MINALOC


Tanga Igitekerezo
Ibitekerezo 28
Jockebed Kuya 7-10-2016

Mureshankwano umwanya bamuhaye arawukwiriye,n,umuyobozi mwiza

Mukenga Schadrack Kuya 6-10-2016

uwari afite ikibazo kuri ministeri y’umuco na sport irahari ntahangayike. Gusa twishimire impinduka kdi dusengere abayobozi bashya twongeyeho kubaba inyima kugirango bashobore kurangiza imirimo bahawe mu mahoro

nkusi Kuya 6-10-2016

Nibyiza gushiramo imbaraga muri guverinoma ariko mubyukuri muri ministeri yubuhinzi rwose abayobozi bagiyeho bagerageze guhindura kuko abaturage ntibayiyumvamo nagato kuko hari benshi ubu babuze imbuto kandi barijejwe kuzibona .nonese ubwo mubyukuri nibatinda kuzibona bakazagira inzara kandi bo barakoze ibyo basabwa .urumva bitazaba ikibazo koko.mugeregeze kuko tugomba gutahiriza umugozi umwe nkabanyarwanda kandi bakajya bagishwa inama mubibagenerwa mubuhinzi.

nkusi Kuya 6-10-2016

Nibyiza gushiramo imbaraga muri guverinoma ariko mubyukuri muri ministeri yubuhinzi rwose abayobozi bagiyeho bagerageze guhindura kuko abaturage ntibayiyumvamo nagato kuko hari benshi ubu babuze imbuto kandi barijejwe kuzibona .nonese ubwo mubyukuri nibatinda kuzibona bakazagira inzara kandi bo barakoze ibyo basabwa .urumva bitazaba ikibazo koko.mugeregeze kuko tugomba gutahiriza umugozi umwe nkabanyarwanda kandi bakajya bagishwa inama mubibagenerwa mubuhinzi.

seth Kuya 6-10-2016

Minisiteri y’umutekano yakuweho!nizere ko bashuizeho urundi rukuta ruzaturinda abanjgwa Ngo bariyahura

george Kuya 6-10-2016

rien ne change sauf rotation de deplacements

kalisa Kuya 5-10-2016

Impinduka ni nziza kdi tujye tumenya ko abubikiwe imbehe si bariya bavuzwe ahubwo n’amashumi yabo asigaye adagadwa, Bosenibamwe wari warigize Hitireri mu ntara y’amajyaruguru we n’inshoreke ze ntabwo bari bazi ko bishobora kugenda gusya.
Gusa sinabura gushima UWAMARIYA Odette, uyu Mutegarugori arashoboye birengeje ibikenewe kuko yaranyigishije, Komeza utere imbere!

kalisa Kuya 5-10-2016

Impinduka ni nziza kdi tujye tumenya ko abubikiwe imbehe si bariya bavuzwe ahubwo n’amashumi yabo asigaye adagadwa, Bosenibamwe wari warigize Hitireri mu ntara y’amajyaruguru we n’inshoreke ze ntabwo bari bazi ko bishobora kugenda gusya.
Gusa sinabura gushima UWAMARIYA Odette, uyu Mutegarugori arashoboye birengeje ibikenewe kuko yaranyigishije, Komeza utere imbere!

iraguha emmanuel Kuya 5-10-2016

turabyishimiye ingabo mutubwire uko bimeze.

nshimiyimana gloria Kuya 5-10-2016

nibyiza cyane guhindura abakozi kuri buri posta kandi abakoze neza bagahabwa promotion abatarakoze neza bagakurwaho

aline Kuya 5-10-2016

ntabivuga!!! Bosenibamwe nyuma yo kwirula inyuma ya ba miss ni ibi byagombaga kumubaho
nta guverineri wakwirutse inyuma ya miss hahahahahah

Ignace Kuya 5-10-2016

Musa Fasil ubu se arajyahe, najye kwikorera business! Yirire aye atuje!

Jacques Kuya 5-10-2016

Ni byiza impinduka igira ibyo ikosora, abahinduriwe imirimo navuga ko ba bongereye umutwaro w’igihugu n’abanyarwanda muri rusange rero ni mushiremwo ingufu.

uwayo Kuya 5-10-2016

Gakire aranyishe neza neza uri uri umuganga ikaba n’umurwayi ko numva ufite ikibazo gikomeye ngo muramwishimiye mpise mbona ko ufite indimi ebyiri pe

Aloys Nsekarije Kuya 5-10-2016

Minisanté yari ikenewe mo impinduka , uziko abanganga bari basigaye bahembwa nabi pe. Gusa Diane atezweho byinshi.

Havugimana J. Bosco Kuya 5-10-2016

Wishimiye izo mpinduka kdi abatangiye akazi tubifurije akazi keza.

kajongi Emmy Kuya 5-10-2016

byibuze reka turebe ko barashyiramo amaraso mashya.

muri make abafashe imirimo tubifurije akazi keza kdi tuzafatanya mukuruzamura murakoze.

jane Kuya 5-10-2016

Dr. Diane urashoboye
Uwagutoranyije ntiyibeshye pe!

Mugisha Kuya 4-10-2016

nukuri munyakzi uriya mwanya arawukwiye kandi tumwizeyeho impinduka zifatiaka iyi kipe bayitege iyobowe numusaza.

kabisa Kuya 4-10-2016

H.E urasobanutse cyaneeee
yemwe basomyi nagirango mubwire Minisiteri ya sport n’ umuco yo bimeze gute,ko ntayo mbona nayoy irasheshwe
Mana we twabigenza gute?

gakire rwamagana Kuya 4-10-2016

Nukuri twese twishimiye impinduka nyakubaha perezida wacu na gouvernement ayoboye kuko barashoboye .dr Diane we arashoboye cyane twese abaganga n’abarwayi turakwishiye n’indwara zidakira ziraza gukira na odette twishimiye izamuka rye kuko arashoboye

gakire rwamagana Kuya 4-10-2016

Nukuri twese twishimiye impinduka nyakubaha perezida wacu na gouvernement ayoboye kuko barashoboye .dr Diane we arashoboye cyane twese abaganga n’abarwayi turakwishiye n’indwara zidakira ziraza gukira na odette twishimiye izamuka rye kuko arashoboye

gakire rwamagana Kuya 4-10-2016

Nukuri twese twishimiye impinduka nyakubaha perezida wacu na gouvernement ayoboye kuko barashoboye .dr Diane we arashoboye cyane twese abaganga n’abarwayi turakwishiye n’indwara zidakira ziraza gukira na odette twishimiye izamuka rye kuko arashoboye

agaciro Kuya 4-10-2016

ndashimira umusaza, iyi mpinduka iranejeje. hari abo ikanguye. nkuburasirazuba intara yasubiye inyuma peeee, birababaje kubona uturere twiburasirazuba tuza inyuma, muzabasure mumenye impamvu mubabwire bisubireho. core aho mbona ikibazo, kutumvikana hagati yabayobozi njyanama nabakozi. hari abakozi bamwe bigira indakoreka baba bahanganye nabayobozi, hari abayobozi bigira abahatari biyenza kubakozi, njyanama zicamo ibice bitewe no luyumvikana kwa nyobozi zuturere. goverineri Bo bagendera kubyo nyobozi ibabwiyeeee. bino bituma abaturage dusiragira , itersmbere rikadindira.

agaciro Kuya 4-10-2016

ndashimira umusaza, iyi mpinduka iranejeje. hari abo ikanguye. nkuburasirazuba intara yasubiye inyuma peeee, birababaje kubona uturere twiburasirazuba tuza inyuma, muzabasure mumenye impamvu mubabwire bisubireho. core aho mbona ikibazo, kutumvikana hagati yabayobozi njyanama nabakozi. hari abakozi bamwe bigira indakoreka baba bahanganye nabayobozi, hari abayobozi bigira abahatari biyenza kubakozi, njyanama zicamo ibice bitewe no luyumvikana kwa nyobozi zuturere. goverineri Bo bagendera kubyo nyobozi ibabwiyeeee. bino bituma abaturage dusiragira , itersmbere rikadindira.

Le Sage Kuya 4-10-2016

Mbega byiza. Ni ukuri Gashumba Diane uyu mwanya yarawukwiriye. Yazanye impinduka nziza mugihe gito agoboka abazunguzayi muri Nyabugogo. Hari byinshi uzahindura muri Minisante ndetse wabitangiye ubwo Nyakubahwa President akubaza ibyabaforomo bishyuzwa amafaranga mbere yo guhabwa akazi. Abanyarwanda benshi barakwishimiye. Vive notre President

gatsinzi Kuya 4-10-2016

kabisa Paul kagame.nakomeze atugezeho ibyiza dukwiye kd aturi mu maraso

Marie Merci Kuya 4-10-2016

Yoooooooo!Musa Fazil disi!

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA